|
|
السلام عليكم
اكيد معظمكم تعرفون قصتي مع حملي الاول واجهاضي بالشهر الخامس
.وسويت تحاليل وكلها طلعت سليمه
حملت مرة ثانيه علطول وتوني اجهضت من يومين بالليل.. وكل تحاليلي سليمه حدي ضايعه مادري شنو السالفه
كل تحاليلي سليمه
وان ينزل دم بني بسيط نفس المره اللي طافت نومت بالمستشفى يومين ومثبتات وابر وتحاميل ليمن وقف الدم والتحمت المشيمه
وطلعت من السيف ورحت الفروانيه لاني ابي اتطمن شنو سبب عوار الطلق المستمر معاي يروح ويرجع بانتظام
نوموني الفروانيه عندهم يومين متابعه فقط مع الادويه اللي خذيتها من السيف.. ولما وقف الدم والافرازات طلعوني مع اني قلت لهم ان عوار الطلق مستمر
ثاني يوم رحت للدكتوره ناهده العلي وكان الالم يزيد
اول ما شافت السونار قالت انتي شلون طلعوج؟ الرحم مبطل سانتي وجيس الماي قاعد ينزل.. وكتبت رساله للمستشفى قالت خيسوونلج دخول علطول
رحت واول مادخلت قالولي اكيد تدرين ان هاذا اجهاض محتم.. قلت لهم وشلون تطلعوني وانتو تدرون ان اللي فيني كان طلق
ليش ماعطيتوني شي يوقفه
قاموا يخربطون مادري شيقولون.. وهذا مو اهمال مننا انتي رحمج يضغط عالبيبي يطلعه
قلت لهم لما طلبت عملية ربط ليش ماسويتوها.. قالوا مايصير بعدين ينفجر الرحم
المهم اجهضوني بعد معركه معاهم انا مابي واقول لهم انا سمعت نبض البيبي بالسونار عند الدكتوره قبل ما اييكم
الدكتور دخل ايده وبط الماي وخلاني اطلق بروحي وانزله
الحمدلله على قضاءه
بناات تعبانه.. شنو اسوي
ابي ارتاح من الحمل بس خايفه اذا حملت بعدين تتكرر المأساة
تحاليلي سليمه والبيبي ينزل عايش ويموت
شنو هاذا كله ابي افهم
وماتقصرون.. اللي ماتقدر تفيدني بشي لا تنساني بدعوه صالحه ولها مثلها يارب
شفيع لج يوم القيامة
حاولي تقرأين على نفسج اذا حملتي او سمعي الرقيه الشرعيه
واقري قران
الله كريم وان شالله خيره لج
حبيبتي اللي نفس حالتج لازم ربط لانج اجهضتي بالخامس و الدكتوره تقول الرحم فاتح عندج يمكن عنق الرحم قصير او ضعيف ما يتحمل الثقل و الاجراء اللي يسوونه بهالحاله اهو الربط ..
الله يرزقج بالحمل التام بالقريب العاجل ❤
ان شالله
انا كنت ارقرا وارقي نفسي بس قدر الله وما شاء فعل
حبيبتي المستشفى الخاص قالولي لازم يوم السبت نسوي ربط.. بس ماكان راح يمدي عالعموم باجر السبت
والدكاتره كلهم قالولي عنق الرحم مو ضعيف ولا مفتوح.. بس الطلق كان شغال وحامي 5 ايام ومايدرون شنو هاذا
مع اني خذيت ابر وتحاميل وحبوب تثبيت بس ربج اراد انه ينزل
الدكتور يكون الرحم فيه تقلصات تدز البيبي لي بره.. ولو عنق الرحم ضعيف جان من اول يوم طلق نزل البيبي
صديقة امي تقول يمكن معاج ام الصبيان.. مادري شنو هاذي.. وبعضهم يقولون دام مافيج شي وكله يطيحون عيالج عايشين والرحم سليم يعني معيونه
والله مادري شنو الموضوع
منو عندها خبره؟
انا دقيت اليوم على وحده اسمها ام عايد زميلتي عطتني رقمها.. ولما كلمتها قالت انها موقفه شغل هالاسبوع بس تعالي اخذي تحاميل اذا فيه ماي بالرحم اهو اللي ينزل الجنين ينزل معاهم
وبعدين مع اول دوره اروحلها
مادري تؤمنون بهالسوالف ؟
الله يعوضج خييييييير ..
ويرزقج بالذريه الصالحه لازم تعرفين السبب سوي تحاليل
او في تحاليل ياخذونها من الاجنه اتوقع يعرفون سبب الاجهاض
يمكن المثبتات تاخذينها فتره اطول .. او يمكن من الاجسام المضاده
..
لا يضيق خلقج انتي شباب والعمر جدامج
|
المشاركة الأصلية كتبت بواسطة mi corazon
 بطاطا
حبيبتي المستشفى الخاص قالولي لازم يوم السبت نسوي ربط.. بس ماكان راح يمدي عالعموم باجر السبت والدكاتره كلهم قالولي عنق الرحم مو ضعيف ولا مفتوح.. بس الطلق كان شغال وحامي 5 ايام ومايدرون شنو هاذا الدكتور يكون الرحم فيه تقلصات تدز البيبي لي بره.. ولو عنق الرحم ضعيف جان من اول يوم طلق نزل البيبي منو عندها خبره؟ انا دقيت اليوم على وحده اسمها ام عايد زميلتي عطتني رقمها.. ولما كلمتها قالت انها موقفه شغل هالاسبوع بس تعالي اخذي تحاميل اذا فيه ماي بالرحم اهو اللي ينزل الجنين ينزل معاهم وبعدين مع اول دوره اروحلها مادري تؤمنون بهالسوالف ؟ |
المفروض معطينج ابر توقف الطلق ويسوون لج تخطيط وتنويم بالمستشفى ما يطلعونج !!
والله ما اعرف ام الصبيان
بس ان شاء الله لي حملتي ثاني مره داري على روحج و اقري على نفسج البقره و الرقيه الشرعيه و اشتري ماي زمزم و زيت مقري فيه تدهنين فيه بطنج وارحامج وظهرج يطرد الشياطين باذن الله و عليج بالصدقات و الاستغفار والدعاء وربج كرريم ❤
ام الصبيان يمكن التابعه !!
انتي بعد كل دورة لازم تحطين
المسك الأسود في المنطقه الحساسة
وحصني نفسسسج
وام عايد خووش مره ورداده وتعرف
سوالف الحريم .. الله يعينج
ويرزقج بالذريه الصالحه
الحمد لله علا سلامتك وعسا ربي يعوضك باللي راحوا ويشفعون لك
أم عايد مرة ممتازة نفس أم محمد تعطيك أدوية شعبية تنظف رحمك من كل شئ روحي لها وقت الدورة واشربي لها وضعك
حبيبتي لا تنسين الاستغفار والصلاة علا النبي
وارقي نفسك وخلي أبوك أو أمك أو زوجك يقرون عليك كل ما كان الشخص قريب منك كل ما أثرت الرقية أكثر
|
المشاركة الأصلية كتبت بواسطة أأأميرة الورد
الله يعوضج ان شالله
شفيع لج يوم القيامة حاولي تقرأين على نفسج اذا حملتي او سمعي الرقيه الشرعيه واقري قران الله كريم وان شالله خيره لج |
عدل كلامها
والله يعوضج ان ششاءالله ويهون عليج
وادعي بكل صلاه ربي يعوضج ويثبت
حملج ان شاءالله
انا رفيجتي نفس حالتج وتتنوم بالصباح ليما تولد لان رحمها يتبطل ويبدي معاها طلق فتقعد عندهم ليما تولد وحمدلله يابت عيال
عموما انتي اقري على نفسج ليما تولدين ولاتتحركين وتنومي بالمستشفى ليما تولدين شتسوين بعد
رحت لام عايد قالت الماي برحمج واصل لي ظهرج و مرختني عدللل و عطتني تحاميل وحده بوحده
الحين الحمدلله حامل و كل شي و لله الحمد تمام
انتي روحي لها اذا ردت منتي خسرانه شي
و عسى ربي يعوضج خير و يكون شفيع لج يوم القيامه
واقري سوره البقره متواصل كل يوم
ان شاء الله ما تدور السنه الا وضناج يمج
لطالما انت تحملين والتحاليل سليمه الحمد لله لتخافين
الغلطه الي تسويها انو تحملين بسرعه
اتركي الموضوع فتره كم شهر وخلي جسمج ونفسيتج ترتاح وراها خلي الحمل يصير بشكل طبيعي
لتضغطين على نفسج ولتفكرين بالموضوع كانو واجب
معليه أختي لازم شوي ترتاحين ولا تفكرين بالحمل فترره
لين ماتهدين وترتاحيين
انا اللي اعرفه اللي تجهض ماتحمل 6 اشهور ولازم لها عنايه وترتاح
وانتي اجهضتي بالخامس لا تضغطين على نفسج حبيبتي واايد لازم الرحم يرتاااح الحيين
وتراا في وايد غيرج اجهضـوو خمس مرات وعادي احملو اهم شي لا تضايقيين وخلي نفستـج تووب
نصيـحه ارتاحي فتره علااقل شهرين عقب ان شاء الله تحملين طبيعي بدون ماتفكرين
انتي مافيج العافيه ان شاء الله
وربي يرزقج ماتمنين عاجلا غير اجل