|
السلام عليكم
حبيباتي بغيت اسألكم ايهو احسن اتعين بالابتدائي ولا المتوسط ؟
انا توني مخلصه عملي ابتدائي مدرسة علوم
الحمدلله المدرسه كانت حلوه والبنات في حلوين بعضهم, درسة مرحله اولى و ثالثه
حبيت ثالثه اكثر لاني قدرت اسيطر عليهم بسهوله اما اولى تعبتني جم بنت فيهم اما الباجي سهالات
انا وحده باااالي طوييييييل وما عصب بسرعه
بس كلش ماحب احد ايعاندني او لسانه طويل وانا مو من النوع الي اتغشمر بس اخذ الامور ببساطه وسهوله يعني مو واجد اعصب او اعلي صوتي
واذا عارفين الحين بيعينون المدرسات الابتدائي الجدد بالمتوسط وانا اعرف مراهقات المتوسطه اكييد بيكون لهم لسان ومن هالسوالف وانا اعرف هالنمونه من اهلنا وكللللش ما حب هالنوعيه
بس بيفهمون اسرع من بنات الابتدائي واتوقع بيطيعون الكلام لان انا مره دخلت احتياط على خامس يعني جد لا صوت ولا همس ويطيعون الحجي غير رابع وثالث والباجي
اتوقعون ايهو احسن ؟ الابتدائي ولا المتوسط..؟
لان اذا متوسط بقدم اوراقي من الحين للتعيين و اذا ابتدائي باخر اوراقي ليما بعد العيد وانطرهم يكتفون وايحطوني ابتدائي
افيدوني من خبراتكم وتجاربكم وارائكم…يعطيكم العافيه~
وانا من رائي استخيري
آنآ آبتدآئي وحآبة آنقل متوسط يقولون أريح
آللي مخوفني من آلآبتدآئي مخآفة آلوقوع بِ أيدي آلبنين
وعععععععععععععععععععع
وانشاء الله ربي يجيبلي الي فيه خير
انا ماجربت الابتدائي بس عندي المتوسط مرحله حلوه والحمد الله مرتاحه فيها
أما على البنات انتي تقدرين بطريقتج تضبطينهم
والحلو فيهم بسرعه يفهمون ما تتعبين معاهم والوسائل اللي نستخدمها بسيطه مو نفس الابتدائي
انتي تقدرين تجربين واتوقع تقدرين تحولين من مرحله الى مرحله ثانيه اذا ما اعجبج الوضع
ملاحظه انا شفتها وعشتها لا تقارنين الميداني بالوظيفه
انا كان الميداني حييييل سهل بس انصدمت ان الواقع غير
يعني اذا كانت المسؤولية بسيطه راح تصير اكبر
انتي شوفي ظروفج واستخيري
وان شاء الله الله يكتبلج اللي فيه الخير
موفقه حبيبتي
المتوسط البنت تعتمد أكثر على نفسها
لا يقصون عليج يقولون الالبتدائي ترا اللحين الابتدائي فية كنترول يعني مافي فرق حيل الفرق ان كبار ممكن تسيطرين عليهم ويفهمون من النظرة