ابي ااجر مسكة منو عندها ؟؟؟

حبيباتي بغيت مسكة راقية للأجار او البيع

منو عندها تدزلي الصورة والسعر على الخاااص

شدعوه مافي وحدة بتأجر مسكتها ؟؟؟؟؟؟؟؟؟

حبيبتي انا عرسي بشهر 12 يعني للحين ماعندي مسكه بس الخوات اهني ماراح يقصرون معاج

خلي بالج وسيع ورمضان كريم حبوبه

هلا فيج اختي ام حمد والله بالي وسيع

بس حدي محتاجة مسكة العرس قرب وراح تحسين بحساسي هذا

اذا تحبين عندي جم وحدة

قوه حبوبه شلونج
اول شي الله يهنيج بزواجج انشالله وتفرحين مع ريلج طول العمر
وبالنسبه حق طلبج امي تسوي مسكات ورد طبيعي على طلبج وتحط الاكسسوار اذا تبينه غريب حسب نفنوفج وانا شخصيا مسكة عرسي اهي سوتها كانت غريبه الكل سأل عنها وحق اختي بعد سوت ورفيجتي اذا تحبين حاظرين نسويلج وحده كشخه

بنات حبيباتي هلا فيكم كلكم مشكورين واااااااايد على التفاعل

اللي عندها مسكة او تسوي مسكات على لاقل تدز صورة على الخاص عينة من شغلها بالمسكة او مسكتج الخاصة اللي تبين تأجرينها

والله يكتب اللي فية الخير

تبين هذي أسويلج اياها ، بس مجرد هوايه مو تجاره ، أحب التنسيق

أو هذي

او هذي

يعني الأشياء الناعمه البسيطه

في عضوة هني بالمنتدى اعتقد اعتقد اذا موناسية هذا اسمها فلاور تاتش

مرة حطت موضوع في مسكات اهي تسويها كانت وايد رااقية وذربة مسكاتها انا عجبتني

شوفي موضوعها والصور اللي حاطتة

أختي روحي محل بياع الورد بحولي مقابل مستشفي دار الشفاء عندهم أفكار غريبه

قوة حلاها انا عندي مسكة مرت اخوووووي قمه والكل يبيها والاكثريه سعوديات اذا تبينها افا عليج اصورها لج واهيا قمه لونها مشمشي على برتغالي فاتح وكرستاااااااال بس لمعته تهبل ….؟!<<وانتي براحتج اذا لي الحين تبينها افا عليج اصورها لج بس قولي لي متى عرسج ..؟! لان مرت اخوي تقول ودي اعطيها احد بالكويت ولا سعوديات سمعوا عنهاا واذا وديتها لهم يمكن ما تعجبهم الا انا متخسره فاياقلبي عطيني خبر ….

ويسلموووووووووووووووووووووووووووووو

موفقة قليبو عسى السعادة ماتفارق هالوجه
انا مسكتي مسويتها عند سمير لما كان بالبرجوازي بدون مبالغة راقية حييييييييييل بشهادة كل من شافها ومسويتها بـ 150 دينار المصمم نفسه يقول هذي احسن مسكة سويتها

انا عندي مسكة حلوة وكل مدحها ومسويتها عند رشا شيك.اذا حابه راسليني

انا عندي مسكتي بس اتحطين عليها ورد وفيها مجال انج اتفنتقيين فيها ولا يهمج ماااجرها عليج بس اتردينها