ابى علاج لالتهاب الجرح؟؟

هلا فيكم اخواتى
ابى علاج لالتهاب الجرح فى بطنى لانى مسويه عمليه والجين صالرلى اسبوعين ويطلع غى وماى مع دم اعزكم الله
ورحت للدكتور وعطانى مضاد حيوى
بس تونى مغيره للجرح وبعد ساعه اشوف الشاش متروس ماى
صديقتى تقولى حطى على الجرح عسل العويد للجروح
بس بصراحه خايفه
اللى عندها حل اتمنى تقولى وجزاكم الله خير

حبيتي خلج على ادوية الدكتور والمضادات ولا تلعبين بالجرح وتحطين اي شي لا ن دكتورج اخبر بشغله وما تشوفين شي ياغاليه

أضم صوتي لصوتك.
وفي من الصيدلية البودره الخاصة لسرة البيبي مفيدة جدا للجروح وهي عبارة عن مضاد حيوي وأنا مجربها وبالشفاء إن شاء الله .

المشكله الماى اللى ينزل من الجرح
واتصلت على الدكتور يقولى عادى بس لايكون غزير
بصراحه انا اكتب لكم وللحين مغيره لنفسى 5مرات
ماادرى شنو اسوى

شوفي اختي انا صار معاي نفس الشي واحسن علاج اهو العسل نظفي الجرح بالليل بمطهر وحطي عليه عسل ونامي
والصبح طهري وبعد تقدرين تحطين عليه مرة نقعيها في ماء دافي ولما تذوب وتصير مثل المعجون حطيها على الجرح
وترى العسل الدكاترة يوصون عليه احسن علاج للجروح لان البكتريا ما تعيش فيه عن تجربة
وان شاء الله ما تشوفين شر

والله المر يتنقع بالماي وبعدين يمسح على الجرح بقطن وراح ينشف ويلتائم بسرعه حنا نستخدمه للخياطه وقت الولاده سوى طبيعي او قيصري وبسرعه يطيب الجرح وهو سبحان الله مضاده بنفس الوقت ويشيل الاتهاب

نفس طريقه دلع حياتي وشمي مره واشربيها