ابلات الحاسوب ابتدائي شلون شرحتوا الدرس؟

صباج الخير انا معلمة حاسوب تعيين يديد في ابتدائي بنين وكنت حابة اسال معلمات الحاسوب بالنسبة لمنهج الصف الأول في دروس نظرية مثل درس نظام تشغيل النوافذ شلون نقدر نشرحه باسلوب حلو؟ شلون شرحتوه احب اكون جاذبة انتباه الطلبه خاصه الصبيان ماشالله عليهم مايقعدون
مشكورين حبايبي

سوي بور بوينت وحطيه فيه صور نظام التشغيل والبرامج وباجي الدرس وركبي عليه صوتج او صوت طفل مثلا يقول انا نظام التشغيل وحطي تعريف بسيط معاه ………….هذي من افكار من الموجه

وعموما الابتدائي مايصلح لهم الا البوربوينت اريح لج لانج بتقعدين تصارخين ولا حد فاهم او تقعدين تفرين على كل طالب تفهمينه

والله يعينج عالصبيان احنا بنات ويالله يقعدون

تقدرين تسوينه بالبويربوينت على طريقه قصة او كرتوون وتحطين شخصيه بالبويربوينت يحبونها الصبيان وتخلينها تكلم الصبيان او تسالهم اسئلة

جذي ينتبهون مع الشخصيه ويندمجون معاها …

واذا حابه انفذلج اياه ..راسليني على الخاص

ومبروك التعيين اليديد

لوول انا وحرم محمد نفس الفكره وكتبناها بنفس الوقت

توارد افكار لول

حبيباتي مشكورين يعطيكم العافيه
توي يايه من الدوام واليوم شرحته لصف 1-3 تدرون شسويت ؟ خذيت بطاقات لصور كمبيوتر الي تنباع بالمكتبه وصور ثانية لكمبيوتر فيه نظام التشغيل من الكتاب سكنر كبرتها طبها ورخمتها وعلقتها بخيط وسويت بطاقات لكرة وقلم وبرنامج الرسام والطابعه وهم خرمتهم وعلقتهم بخيط وبعد ماشرحت الدرس لبست طالب صورة الكمبيوتر يعني اهوو يعبر عن مجموعه الكمبيوتر بدون نظام التشغيل وطالب ثاني لبس الصورة الي من الكتاب وتعبر عن الكمبيوتر مع نظام التشغيل وجم طالب كل واحد لبسته شي فارة-طابعه-كرة وطلبت من باجي الطلبة يرتبون كل فريق يعني فريق الكمبيوتر الي بدون نظام تشغيل يروحون معاه الكرة والقلم لانه وجذي صار تفاعل حلو استانسو اليهال مايحبون يقعدون وانتي تتكلمين لاحظت فيهم هالشغله.
ومشكورين على افكاركم راح اطبقها مع الطلبة في صفوف اولى الباقيه

انا في مدرستي ما فيش داتا شو اتصوروا صعوبة شرح الدرس وكل الدروس للصف الاول الابتدائي!!!!!!!!!!!!!!!

الله يعينج احس بمعاناتج احنا بعد ماعندنا داتا شو بس تصدقين الوضع يخليج تبتكرين

افكارج حلوة .لو كل اسبوع نناقش درس نطلع بافكار عدة
اذا ما عندج داتا شو تقدرين تاخذين تلفزيون كبير من التقنيات
وتشبكينه مع الابتوب وتشرحين عملي عليه وسلامتج