|
|
السلام عليكم و رحمة الله
شلونكم بنات ؟؟
عندي استفسار و يا ليت تفيدوني ،،،،،
إجازة مرافق مريض شنو يترتب عليها ؟؟؟؟
بخصوص الراتب و التقدير
يعني هل ينخصم من الراتب لاني باجازة؟؟
هل احرم من الامتياز ؟؟؟
اللي مجربة و عندها خبرة تقولي بالتفصيل الممل
و الله يجزيكم الجنة كلكم
موفقة وتروحين وتردين بسلامة
|
المشاركة الأصلية كتبت بواسطة همامة
 السلام عليكم و رحمة الله
شلونكم بنات ؟؟ عندي استفسار و يا ليت تفيدوني ،،،،، إجازة مرافق مريض شنو يترتب عليها ؟؟؟؟ بخصوص الراتب و التقدير اللي مجربة و عندها خبرة تقولي بالتفصيل الممل و الله يجزيكم الجنة كلكم |
وعليكم السلام والرحمه.
مرافقة المريض يخصم من راتب العطلة تقريبا 360 دينار يعني راتبج ينزل كامل كل شهر وبالنسبة للتقدير حسب المدة إلي تاخذينها إذا شهر و أقل ممكن الناظرة تحطلج امتياز
تنومت مرة مع ولدي اربع ايام وعطاني المستشفى ورقة مرافقة مريض
خصموا من معاشي 60 دينار وهذا لما كان معاشي فوق 600 بس
فشلون اذا بتاخذين اجازة
ان شالله ما تصير خصمية قوية
والله يشفي مريضكم ان شالله
اما من معاش العطله توني ادري من البنااات !!
الله يستر ..//
والتقدير على حسب الاداره!
ربي يشافي مريضكم ’’
دخلت على موقع الوزارة مو جايبين طاري الخصم كاتبين اجازة براتب كامل ؟؟؟
يلا الفلوس تتعوض الحمد لله على كل حال
طيب معاشات العطلة ليش يخصمون منها ؟؟؟
ان شاءالله اكون فدتج
فهمتي القصد
بالصيف تستلمين راتبج الاساسي كلة وهم باجي راتبج على حسب ما داومتي من ايام التدريس الباجي لا فية خصم من كادر التدريس اذا مو مداومة بالمرة هالسنة ما اتوقع ينزل لج من كادر التدريس بالصيف شي
والله اعلم
هم سالي فيها روحي الوزارة مو المنطقة عند واحد مصري استشاري يعرف هالسوالف نسيت اسمة شايب حبوب
ما قصرتوا يا كويتيات
بخصوص التقدير ما عندي رئيسة قسم عندنا قائمة بالاعمال
الله يعين السالفة صارت حوسة بس الله كريم
بتوكل على الله و الفلوس تتعوض و التقدير يتعوض أهم شي السلامة و العافية
تسلمون حبيباتي
اعتبر الموضوع مغلق 
لا بروح مرافق مريض مع ابوي
الله يرفع عنه و عن المسلمين
واجر وعافيه