|
|
سلام عليكم ورحمة الله وبركاته..
بغيت أسال أي أفضل بعملية تجميل الانف جمال الحربي أو خالد الصبيح؟؟
وكم أسعارهم أثنينهم؟؟
ومتى تبين النتيجه ؟؟؟
وأهم شي سعرهم ؟؟؟ وأرخص أذا تخدير موضعي ولا نفس سعر؟؟
وأسفه لاني طولت عليكم..
ومشكورين..
بايران ولا عند الصبيح ولا عند الحربي
حسب معرفتي النتيجه تبين بعد 6شهور
والبنج مارح تحسين بنفسج
وبالنسبه للسعر جنه او علي مااعتقد انه
علي حسب كل وحدة وخشمها
وشوف عيني
جمال الحربي دكتور يقنع وينصح
ومو مادي
واهوا اشطر دكتور بعمليات التجميل وبعض انواع العلاج
اما خالد الصبيح
شبه مادي يسوي العمليه وبس
حتى لو شاف مشكله ثانيه بالعمليه مايسويها
لان صارت برفيجتي وايد عذبها
وراحت لجمال الحربي كملت العلاج
شفت عمليه تجميل لجمال الحربي نتيجة حلوه بعد 4 اشهر
ومن خالد الصبيح بعد عمليتين يالله تعدل الخشم
وهذا الشي شوف عيني وخبرتي بالدكاتره
والله يوفق الجميع
أنا شفت رفيجتي مسويه بسوريا فضيع و100 دينار بسس منو يوديناا سوريا..
والله يجنن ويهبل خشمها صار مو طبيعي..
جمال الحربي توقعون يسوي بحدود800؟؟ ماتوقع يمكن 1000 وفوق بعد
شكلي بنطر سوريا بصيف واروح اسويها ههههههههههههههههه
اعرف وحدة متعقدة من خشمها بغت تموت لين سوت عملية وسبحان الله خشمها صار ما يلوق على ويهها وعيونها كانت وسيعة شحلاتها دخلت على داخل وصارت ما تمشي الا بمكياج وكونسيلر
فهذا اللي يغير خلق الله …
ديروا بالكم وفكروا زيييين قبل ما تسوون ادري كلنا نبي نصير حلوين بس مو توصل انه نغير خلق ربي
وسامحوني عالمداخلة بس حبيت اذكركم
بس اذا انتى مو متضرره فلاتسوينها نصيحه
رفيجتى مسويه عند جمال الحربى وراحتله بعد
حجى البنات عنه
الله لا يوريكم ما اقدر اطالع بويهها
خشمها صار غريب فتحه اكبر من الثانيه بوايد
معنا البنيه كانت محتاجه من حادث سياره
بس قبل لما كان مكسور قبل الحادث وايد احسن
بس المصيبه وين؟؟؟؟؟؟؟؟؟؟
لما ردت للدكتور جمال قالها يبيله سنه على ماياخذ شكله
انطرت المسكينه سنه واهى ماتشوف النور والاا هذا هوا خشمها على علاته
لما ردت له بنات شنو تتوقعون؟! لانه قايلها اذا ما اضبطت العمليه الثانيه ببلاش
فالحين الحجى
رد الريااااااال صدمنى غير اللى سمعته من البنات والمشكله طاحت براسى
لان انا اللى مادحته لها من حجى البنات فاللحين تروح وترد على انه كله منى
د.جمال الحربى قالها شوفى دكتور غيرى اشطر منى ايضبطه لج
بس لما قالته د انت قلت جى وجى وهذا حجيك قبل لا اسويها قالها بنفس شينه وبسرعه
طلع وخلاها البنيه مسيكينه مو عارفه شتسوى؟اتخاف ايسويلها وهو مغصوب فما يضبطه لها
يمكن ايخوره ازياده والخشم صاير كلش
منو اتهقون احسن منه؟
العملية خصوصا الأنف حظ
ساعات الصبيح تشوفين شغله على ناس يعجبك وساعات تشوفين شغله تقولين أشوة مارحت له
وفعلا صديقتي سوت عند الصبيح أول مرة خشمها سواه عوي وشال العظمة وخله الباقي على الله
هدد
ثاني مرة دفعها 1750 دينار عشان يصلح غلطه
وبعد العملية أنا خفت أشوف شغله من بشاعته
والحربي كذلك
ناس شغله لهم ممتاز وناس عادي مثل سالفة رفيجتك
ونفس إلي صار حق رفيجتك صار حق رفيجتى
أول عملية ما سوى شي حق العظم لآن مو مشكلتها بالعظم
بالفتحات فقط رفع خشمها وصغره والكل ينتقد خشمها
ويقول لها شنو هذا فتحه أكبر من فتحه
الناس عقدوها آنا أشوفه وايد حلو
ما كانت تبي تقوله إن أهلها ينتقدون النتيجة لدرجة أن زوجها يقولها إن خشمها أول أحلى ومافيه شي
وعقدها من خشمها وأكثر واحد عقدها زوجها
فدخلت في متاهات نفسية وقال لها جمال بعد سنه يتعدل ويضبط ونفس الكلام والعملية الثانية ببلاش إذا تبين
بعد سنه ونص رفض يسويه لها مع إنه وعدها حاولت معاه شكثر وكل زيارة تدفع كشف الدخول وبلا نتيجه
راحت حق عادل قطينه الصراحه أنا معاها رحت
مومثل جمال
مدوده فعلا تحسين كأنه عنده عقده نفسية مع أن كل الناس تقول أهو التوب في الكويت بالنسبة للتجميل
أما جمال اسلوبه ومعاملته أفضل بكثير
وبنرد حق جمال وبنشوف يلتزم بكلمته مع مرضاه إلى الأن تقول قالي ووعدني أنا أقولها هذا الكلام قبل العملية
الكل يقوله بنسويه هالكبر لكن هي مصممه إن جمال الحربي عند كلمته
أتمنى فدتج بشي
لأن السالفة حظوظ
عندج نيشو شغله وايد ممتاز وبعد عبدالمحسن جعفر مسوي حق ناس أنا شفتهم تعقد خشومهم خيال
لكنه غالي شغله
أرخص واحد بالعمليات د . جمال بالنسبة للأطباء الثانين
والنتيجة إذا عمليته صح تبين من أول 3 شهور شوفي الفنانات يسوون خشمهم ويغنون ما يقعدون سنه ينطرونك هذا عشان انتي يعد سنه تنسين موضوع خشمج وما تحنين عليهم النتيجة الصح بعد العملية تبين صح ما تحتاج نطرة
التجميل حظ
انا مسويه عند الصبيح من قبل سنه ونص
والحين عوووووووووووي
كل ما اروح له اقوله عووي
يقولي لأ النتيييييجه واايد حلوة :
وين حلوة و اهوو عوووووووووووي @@
يقولي لان جلدتج جذي !!!!!
وكله يقولي نطري جم شهر و تعالي
صارلي سنه ونص كل ما اروحله يقولي تعالي بعد 6 اشهر
واروح له و يعيد لي نفس الحجي تعالي 6 اشهر بعد خل ننطر عليه
افففففف
خشمي رايح لي اليمين .. و موراضي يعدلي اياه
ماشاء الله فرق خشمها من الي
يهبل ماشاء الله سوته عند خالد الصبيح ووايد شاطر
حتى عوار ماتحسين فيه من شطارته
وبعدها باسبوعين بنت عمي سوت عنده كان عندها انحراف
وكاهو خشمها يهبل سلة سيف
ووايد الدكتور شاطر صدقيني وكلفها اقل من ال2000 بالسلام سوتها
وان شاء الله اكون فدتج