|
|
طبعا كلنا عارفين إن الاسبوع الجاي بداية اختبارات المرحلة الابتدائية 
>>>>>>>>> الله يعين عيالنا وربنا يفرجها عليهم
واللا الطالب الابتدائي شله بعوار الراس كان الحين مكبر المخده واللا يلعب بي اس بي
المهم أنا مديرة مساعدة وأبي أفاجئ الطلبة أول يوم بالامتحانات بشئ يونسهم ويبعد رهبة الاختبارات عنهم ممكن تعطوني أفكار
لأن الكورس الأول كنت إجازة وضع فما كنت متواجدة في فترة الاختبارات
ياللا حبيباتي شدو الهمة والله الله بالافكار النيرة والحلوة وتكون امكانية تنفيذها ممكنة لأن أنا بروحي بتكفل فيها أبيها مفاجأه
ان شاء الله البنات يفيدونج
ومو بس حق أول يوم لا لكل الأيام
1- علقي على السقف لوحات صغيرة شكلها يكون مشوق وكتبي عليها عبارات محفزة
(( آنا شاطر ..آنا ذكي ..راح آخذ ممتاز ..الإمتحان سهل …ألخ ))
2- حطي عند كل سبورة داخل الفصل دعاء ((اللهم لا سهل إلا ما جعلته سهلا وأنت تجعل الحزن إذا شأت سهلا ))
3- حطي طاولة عند الباب وخلي فيها أوراق صغيرة مطبوعة فيها أدعية وفيها عبارات محفزة خليها عن الباب وكل يوم
إستقبلي الطلبة عند الطاولة وشجعيهم وحثيهم على الدراسة ولا تنسين تستقبلينهم بإبتسامة وبثي فيهم روح التفاؤل وشيلي عنهم الرهبة
4-إذا الناظرة تبي تساعدج بالميزانية إشتري ماي وخليه على الطاولة وحلاو وأثناء الإختبار وزعيه عليهم
5- طاولة الطالب إللي يقعد عليها في الإختبار حطي عليها أوراق مطبوع عليها نصايح
مثلا إبدأ بسم الله ..أبدأ بالسهل بعد ذلك الصعب ..لا تنسى قراءة السؤال جيدا ..
إحرص على المراجعة لا تخلينها مكلفة طبعيها بالأسود بس خلي الأوراق ملونة
6- حطي عند الباب أو عند المدخل (المهم مكان بارز ) إستاند عليه إسم المادة إللي راح يختبرون فيها
مثلا إذا إسلامية (تحطين إسم المادة ) ومن وين الإختبار ) وتحثينهم على حفظ الأحاديث
والقسم الثاني المادة إللي بيختبرون فيها باجر ومن الإختبار ومعلومات عن المادة
مثل إذا إنجليزي تكتبين إحرص على حفظ الكلمات ..ألخ ( تقدرين تستعينين بالمعلمات )
7- كل يوم توزعين ورقة مسابقة عن إمتحان باجر والطالب يدش الصبح ويحطها بالصندوق
وهم يختبرون إنتي فرزي الإجابات الصحيحة وحطي أسامي إللي فازو على استاند وعطيهم هدايا من بو مية فلس
وقبل لايطلعون عطيهم ورقة المسابقة الثانية وتتعلق بإمتحان باجر (تقدرين تاخذين الأسألة من المعلمات )
(تقدرين تحطينها عند الطاولة عند الباب)
أتمنى أكون أفدتج
موفقة حبيبتي
يعني الامتحانات جوها مرعب
بس بأفكارج تمنيت انتي طالبة و امتحن عندج
ما شاء الله تبارك الله
افكارج اعجبتني
|
المشاركة الأصلية كتبت بواسطة أحلى أبله
 أبله كويتية صراحة انتي مبدعة
يعني الامتحانات جوها مرعب بس بأفكارج تمنيت انتي طالبة و امتحن عندج ما شاء الله تبارك الله |
أحلى أبلة مشكورة على ردج الحلو
بس إن شاء الله إدارات المدارس يتعاونون ويطبقونها بالمدارس
هذي الأمور تبي دعم من الإدارة
عشان يشيلون الرهبة عن الطالبات وقت الإمتحان
ويصير الجو حلو ووناسة 
|
المشاركة الأصلية كتبت بواسطة **ريــــــــم**
ماشالله عليج يا ابله كويتيه
افكارج اعجبتني |
مشكوة يا ريم
نورتي الموضوع
وفت و كفت
|
المشاركة الأصلية كتبت بواسطة قوطي نيدو
ابله كويتيه ما شاء الله عليها
وفت و كفت |
حبيبتي حاضرين للطيبين
مشكوووورة
ستروبري ولولو كآتي وأم خمآس وكأنهم مآسكين بإيدهم لوحه وكتبنا فيه عبآرآت حلوه مثل ( الدرآسه حلوه- أبلتي مآقصرت وأنا مآرآح
أخذلهآ- إنشآءالله رآح أتفوق) وحطينآ طآولتين عند بآب الإدآره فيهآ وجبآت غذآئيه مثل حليب صغير وموزه وتفآحه ( نصيحه تجنبي الحلويآت
والشوكولا حتى لا تتسببين بمأسآه متكرره للطآلبات) أتمنى تعجبكم هالأفكآر
مع استاندات بالونات
سويتهم حق مدارس الابتدائيه طلع وايد حلو
يعطيج العافية
شوفى انا عندى راى اشرايج بالشخصيات يكون اى شخصيه تعجبج
مثل ماقالت الاخت شخصية ام خماس او بوقتاده وام نبيل
طبعا يكون معاهم شى يعطونه حق الاطفال…
و سلامتج