|
شلونكم بنات . . .
حطيت لكم الأدوية المهمة اللي لازم ما يخلى منها أي بيت فيه ياهل .
ولدي عمره شهرين ونص, وخلال هالفتره حسيت ان هالأدوية وايد مفيده وأحتاجها مرات, وحبيت الكل يستفيد .
واذا عندكم أدوية ثانية مهمة بليز بنات حطولنا ايها علشان نستفيد كلنا .
1- دوا الترجيع موتيليم … نعطيه الياهل قبل الرضعة بنص ساعه ومكون من الأعشاب فما منه ضرر .
2- البخاخ الفرنسي للأنف … في حالة انسداد خشم الياهل نبخ منه قبل كل رضعة وقبل النوم ويعتبر أيضا غسول للخشم .
3- ماي غريب … يخفف الغازات .
4- بيبانثين كريم … كريم طبي مرطب حق جسم الياهل , أنا استخدمه كل ما أسبح ولدي .
5- الترمومتر الالكتروني … لقياس حرارة الطفل بدقة ( حده مفيد ).
6- فيتوبالم (ماركة بيمبي) … دوا للتبخير نحط 6 نقط بماعون ونحط فوقهم ماي مغلي ونسوي حق الياهل تبخير في حالة انسداد خشمه .
نحط منه نقط على ملابس الياهل أو المخده علشان يفتح خشمه ويساعده على التنفس بسهولة .
7- دسفلاتيل … دوا للغازات أعطي ولدي 10 نقط 3 مرات باليوم وعلى حسب عمر الياهل .
8- تمبرا … مسكن للألم عجيب , وخافض للحرارة .
9- زيرتك … دوا للحساسية .
10- سودو كريم … بصراحة كريم عجيب انا استخدمة مع تبديل كل حفاضة تكرمون , يسوي عازل بين جسم الياهل والحفاضة .
وان شاء الله , الله يحفظ ولدي وعيالكم من كل شر , ويبعد عنهم المرض .
هذا انا صج ماقدر استغني عنة وايد حلو اهو والزيرتك والتيلينول دواء الحرارة
ومشكوورة على الافادة
اللي ما استغنى عنه التايلنول مكوود عندي بالثلاجة وايد نحتاجه ..
وتحاميل تايلنول ..
وتحاميل فولتارين حق الحالات المستعصية لأن بنتي العودة تتشنج لي صخنت اسمالله عليها وعلى عيالكم ..
بخاخ الأنف اللي على ماي بحر مااستعملته بناتي يصرخووون من قمة راسهم لي حطيتلهم ..
عندي نقط مادري شسمها للأنف وايد زينة بس ماستعملها وايد الا حق الصغيرة اذا خشمها مسكر ماتقدر ترضع ..
شنو بعد ؟؟
اي فلودريكس حق الانفلونزا بعد ما استغنى عنه ..
بريكانيل حق الكحة حق بنتي العودة ..
دوا الغازات ديسفلاتيل مثل اللي عندج + بمبي قاز بعد حق الغازات
ماي غريب ..
سودو كريم حق الصغيرة ..
وغسول abc tea tree حق الثنتين ..
ماذكر شنو بعد .. جنه بس
يبيلنا مزاولة
مشكورين على الردود .
و انا ما استغنى عن سودو كريم و لا بيبانثين كريم و ريحته حلوه بعد
و قبل كنت استخدم التايلنول بس قبل يومين ريلي راح حق اكر من صيدليه و ما حصله و قالوله خلاص اقطعوه مادري شالسبب
بس انا اللي استخدمهم
اهم شي تينول للحراره ينفع حق كل اعيالي
ودوا الكحه بروسبان
ودوا الحساسية الزيرتك
وحق الحفاظ سودو كريم ما طاح على بنتي
استخدم فازلين او الكريمين اللي اخلطهم مع بعض
وسلامتج
بس جد جد خووووووووووش موضوووووووووع
وصج هالأدويه ما نستغنى عنهم
وخاصة التاينول وادرويه الحراره