أحلى رجيم ،، وعن تجربة شخصية ،، وشكلي برد اسويه

تبون تعرفونه ؟؟؟؟؟
دشوا الموضوع مو تطلون من بره خليجية

بنات اكيد بعظكم قرا تجربتي مع رجيم طالب وشلون تعبت منه وسبب لي عوار راس وتركته اخر شي
عشان جذي شكلي برجع لرجيمي القديم
تبون تعرفون شنو اهو ؟؟؟؟؟؟
بروحي طبقته لا دكتور ولا شي
رجيمي الله يسلمكم ما يلي

كنت من الاحد لي الأربعا
ريوقي توست اسمر وجبن وخس وخيار او اي نوع من سندويجات امريكانا او بس قهوة يعني ريوق خفيف
غداي وعشاي عبارة عن مشويات او خضار او ربيان مشوي او لو غدانا لحم او دياي اكله بروحه بدون العيش واحيانا العشا بس كابتشينو مع ككاو او اكل سلطات ابأنواعها

الكابتشينو والقهاوي اللي اشربها ابأي وقت من اليوم كانت تروبيكانا او قهوة تركية
والككاو كاندريل
والسكر سويت لو
المايونيز استعمل اللايت
والكولا لايت

يعني طول هال 5 ايام ماكو نشويات لا عيش ولا بطاط ولا معكرونيات ولامعجنات ولا اي نوع من الحلويات ابد ماعدا ككاو كانريل

نيي ايام الراحة
الخميس واليمعة والسبت
ما احرم روحي من شي ابد ابد ابد ابد والله اني كنت اشتري علبة السينابون ام 4 قطع واكل منهم على كيف كيفي
واروح مطاعم واكل انواع الباستا بالكريما والحلويات واكل اللي ابيه اونس روحي بالويك اند عشان الطلعات وزوارات اهلي واهل زوجي

على ما ايي يوم الأحد مرة ثانية الا انا مرتاحة ومو حارمة روحي من اي شي وارد مرة ثانية للرجيم ونفسي مفتوحة الى الويك اند
يعني كل اسبوع 5 ايام رجيم والويك اند فري

مشيت على هالنظام 3 اشهر
ماشالله ماشالله نزلت 9 الى 10 كيلوات

وكل من شافني قالي شلون ضعفتي جذي ؟؟؟؟؟؟؟

عاد تدرون شنو المفاجأة اللي صارت ؟؟؟؟

وانا بعز رجيمي والجسم صار شي خطير خليجية
تأخرت علي الدورة وقلت يمكن من الرجيم
جان اكتشف اني حامل خليجية
اللي بالمختبر تقولي مدام ليش تبجييييييين ؟؟؟؟ قولي الحمدالله
اقولها الحمدالله بس توني نزلت 10 كيلوخليجية
الحمدالله على هالنعمة بس طبعا رديت اللي نزلته كله وفوقهم بعد خليجية

والحين بعد ما ولدت انشالله برجع لنظامي اللي قلت لكم عنه
خليجية

واللي مالها مزاج للرجيم القاسي خل تتبع هالطريقة معاي خليجية

موفقه خليجية

يا قللللبي عالبـــركه

وانشالله تضعفين بصحه وعــافيه، عــاد جد شكله ريجيمج اوووكي

بالتوفييق

حبيبتي انشالله تضعفين بصحه وعافيه

يااااااااااااااااااارب تضعفين وموفقه

يارب تضعفين ونضعف معاج واجسامنا تصير تينن

آآآآآآآآآآآآميييييييييين

يارب كلنا نضعف بصحة وعافية بدون مرض

اااااااااااااااااه ولي مشكلته مو الاكل
يعني اخفف اكل بس ماكو فايده لاني اساسا اكلي جدا جدا طبيعي
بس الرياضه والكسل ياربي
ومشكووره بجرب رجيمج والله كريم
إن شاء الله يارب ماشووف بالكوويت بنت متينه يارب <<<<حدهاا متازمه

مع اني مو متينه حييل بس مليانه وقابله للزياده

اي انه امجربه نفس رجيمج من زمان بس صج نزلت عليه 15 كيلو في 4 شهور بس مه الاسف رديت
وقفت عنه لكن الحين شجعتيني ارجع له

مشاء الله رجيمج وايد حلو واهم شئ نهايه الاسبوع ما نطوف الاكل ولا الطلعات خليجية

ووودي اجربه لان شكله سهلخليجية

الله وناسة واله خوش ريجيم

وإن شاء الله تضعفين وآنا باسوي نفس الشي بعد

بس سين سؤال:
أو بطريقة ثاني عندي سؤال يسدح نفسه خخخخ

المهم
شنو اللي قتيه هذا

(ماعدا ككاو كانريل)
يعني شنو هالكاكاو؟ ووين أحصله؟؟؟؟
ومشكورة حبيبتي على إفادتج فديتجخليجية

اهم شي ريجيمج السينابون <<< شوفي البطن شتسوي افكار *_^
انا عن نفسي قصتي معروفة لوووووووووووووووول بسني اسولف عن تجاربي الفاشلة ههههههههه
لكن !!
وايد وايد فادني ريجيم دشتي اللي تقريبا انتي خذيتي منه انه النشويات ممنوعة وايد عجيب نزلني 15 بالشهر لكن التزام مو طبيعي
ويوم كسرت خربتها فتحت حلجي بحري لووووووووووول
موفقة ياقمر فرحتلج وايد

اهلييييييييييين بنات خليجية

قولوا آمين
الله ياخذ الرجيم والمتن بكبره
خليجية

على قولة اختي لو نشم هوا زيادة انتفخنا
لووووووول

n9.eng
حبوبة ككاو كاندريل اهو ككاو للرجيم واللي فيهم سكر ،، لانه بدون سكريات وانا جم مرة اشوفه صدفة بالصيدليات بس عموما انا اخذه من الجمعية او سلطان تلقينه بقسم اكل الرجيم وفي منه اشكال وانواع

خوش نظام ومبروك الحمل الله يقومج بالسلامه

يونس رجيمج

موفقه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top