يا بنات شنو سالفة ابرة الظهر

بسم الله الرحمن الرحيم

السلام عليكم ورحمة الله وبركاته

ابي اسأل عن ابرة الظهر

حماتي خذتها وقت الولاده ما قدرت تساعد الدكتور يقول لها شدي ما تقدر وشفطو البنت شفط

وامس ولدت خالتي هم نفس الشي ما قدرت تساعد الدكتوره قامت الدكتوره تصارخ عليها فخالتي عصبت

وقالت لها احس رجولي وبطني يعني الجزء السفلي كله مشلول فما اقدر اساعدج ما اقدر اشد وهم جابو جهاز الشفط

وشفطو بنتها شفط وتقولي خالتي حتى وهم قاعدين يخيطوني حيل تعورت مع انها مخذه ابرة ظهر

فما ادري انا صرت خايفه حيل من ابرة الظهر منو مجربها وشنو صار وياه تكفون فيدوني الله يبارك فيكم

هذآ آلرآبط في كل آلمعلومآت عن إبرة آلظهر وهو موقع طبي تقدرين تستفيدين منهـ

https://www.6abib.com/a-339.htm

صرآحة بعد مآقريت عنهآ مآشفت إنهآ مضرة ومرعبهـ لهآلدرجهـ

وأنآ ناوية إنشآءآلله آخذهآ في ولآدتي ..

نصيحتي لا تاخذينها اذا الولاده طبيعي خلج عالكمام
اذا قيصريه بلا اخذيها انا مرت حماي خذتها بالقيصريه ومرت حماي الثانيه خذتها هم بالقيصريه عشان الطبيعي تقدرين تساعدين الدكتور بالبش وحلو انج تحسين بالطلق هههههههههههه عشان تحسين بامج يوم يابتج تعوري شوي ميخالف بس انا ما انصحج بالابرة كلش

اول شي مشكوره على الرابط

ثاني شي هم انا ناويه اخذها بس ما ادري قاعده اشوف جدامي حالات غريبه

يعني حماتي وخالتي نفس الكلام يقولون مو قادرين يشدون ما تقدر الوحده تساعد الدكتور

والشفط يعور مو سهله السالفه يعني فما ادري على العموم مشكوره وما قصرتي يا الغلا

صح كلامج لانه حماتي اول ولاده لها كانت قيصريه واخذتها وتخيلي سوت العمليه وهي صاحيه

لانه ابرة الظهر للولاده الطبيعيه تختلف عن ابرة الظهر اللي للقيصريه والله حدي خايفه وابي شي يسهل علي ولادتي

انا اكره شي بحياتي الالم اكيد كلنا نكره بس انا اكره كره مو طبيعي

ومشكوره حبيبتي على نصيحتج لي وما قصرتي

والله أنا ناوية آخذها بإذن الله

وأغلب رفيجاتي اللي خذوها سألتهم ان شلون تسوون بوش وانتوا مخدرين
قالوا فيه احساس خفيف يخليج تعرفين متى الطلقة وتشدين معاها …. مادري أنا بروحي مو مستوعبة بس يقولون تقدرين تسوين بوش
فيه دكاترة يخففون مفعول الإبرة حزة الدفع عشان تحسين معاهم بالألم على خفيف وتدفعين …
وفيه حالات وايد يضطرون يشفطون الياهل أو يسحبونه ماأنكر هالشي …. بس بصراحة مادري شأسوي … لو أفكر اني بولد طبيعي بدون مخدر أحس اني بأنهبل من الخوف
خصوصا ان الكمامات عندنا في البحرين مالها أي تأثير .. مو نفس اللي عندكم

الله يسهل علينا وعليج اختي … سوي نفسي واستخيري … أنا أستخير كل يوم وبخلي ربي يختار لي

انا نفسج والله مو قادره اتخيل نفسي اني قاعده اولد طبيعي ومن غير مخدر

والله حدي خايفه سبحان الله كل شي اول مره يخوف وسبحان الله ولاده عن ولاده تختلف

يمكن ربي يسهل علينا وتكون ولادتنا سهله ان شاء الله

مشكوره عزيزتي على مرورج الكريم

الله يسهل عليكم

بابرة الظهر ما تحسين بالجزء السفلي وبالكمام تنامين ودشين بعالم ثاني وما تدرين عنهم !!! يعني نفس الشي بالحالتين ماراح تقدرين تساعدي

انا خذيتها بس حالتي حاله معاها مادري منها ولا من التعب ولا من دكتورة البنج الله العالم

بس خواتي وبنات عمتي خذوها ومافيهم الا العافيه

والله يسهل عليج وتقومين بالسلامه

اللهم آمين

بارك الله فيج

تسلمين حبيبتي على هالمرور الحلو وعلى هالدعوه الاحلى

هو في ناس وايد قالولي انهم اخذوها وما صار وياهم شي بس اخر اثنين ولدو عندنا اللي هي خالتي وحماتي

هم اللي خوفوني بصراحه ما ابي سالفة الشفط هذي يمه اسمها يخرع

حبيت اسالكم هي تناسب الكل
طيب انتوا متى تعرفون انكم بتولدون طبيعي او قيصري بنفس وقت الولاده
طيب اللي تولد قيصري مره لازم كل مره قيصري
تكفون ساعدوني والله مااعرف شي وزوجي يحن علي احمل وانا ماابي لاني اجهضت قبل 5 شهور

ابرة الظهر ماتناسب اللي فيه مشاكل بالظهر

وبالنسبة للقيصري على حسب في حالات من قبل يقررون لج العملية وفيه حالات مثلي حزة الولادة فاجئوني..

والقيصري مو شرط كل مرة..على حسب الظروف في ناس مرة و في ناس كل مرة..

انا ولدت طبيعي وبدون ماأخذها ومع هذا اشفطوا بنتي لان من التعب ماقدرت ادفع صح
انا هالمرة باذن الله باخذها بس بستخير قبل
ونسيت اقولكم ان الشفط شي عادي جدا مامنه مضره اللهم الا راس الياهل شوي يصير طويل يمكن لمدة اسبوع بعدين يرد طبيعي

عسى ربي يسهل عليج وعلي وعلى جميع الحوامل

بس من جد انا كرهت مستشفى الصباح لانه الدكتوره كانت قاسيه حيل على خالتي

اصلا الوحده اذا تبي تولد ما تولد على ايد دكتوره تولد على ايد دكتور احسن لانه يتعاطف وياها اكثر من الدكتوره

تخيلي صارت تقول لها يالله دزي خالتي تقول لها مو قادره قامت تضغط على بطنها بكل قوتها تقول لها يالله خلصيني

امبيه وربي ما اتخيل نفسي مكان خالتي وربي لو انا مكانها لاعطي الدكتوره كف اخليها تنسى كل سنين الدراسه والجامعه

شلون خالتي استحملتها ما ادري

على العموم مشكوره عزيزتي على مرورج الكريمـ