|
|
السلام عليكم ورحمه الله وبركاته
اشلونكم يا بطبوطات شخباركم ان شاءالله بخير .gif "Eh S(8)")
حبيباتي الله يسلمكم انا قصتي قصه مع الوزن كنت متيييييينه مدربحه والكرش الله وكيلكم مرتز جدام ويفشششششششل
مع اني لمه كنت اوقف جدام المنظره كنت احس اني متينه بس ما توقعت اني متينه بهالشكل لووووول 
مادري ليش كنت اشوف جسمي ساعات زين ورشيق لووووووووووول
المهم الكرش وصغرناه شوي ونزلنا من وزنا الحمدلله 
اما بعد
انا حاليا ابي انزل 17 كيلو عشان اصير سمبتيك ان شاءالله 
وكل يوم اقول اليوم طبعا عارفين القصه وهالمسلسل اللي اغلب البنات ومنهم انا نمر فيه 
المهم بنات قلت ماكو الا اتحدى نفسي وابذل الاسباب واتوكل على رب العالمين وانزل هالموضوع بكويتيات ويشاركوني البنات ويشجعوني واثبت لهم ولنفسي واتحداهم واتحدى نفسي اني قادره على التحدي بعون رب العالمين
لان يا بنات احس اني وصلت لمرحله ان وزني كل ماله ويزيييييد وهو حاليا زايد واحس ان الاراده شوي وقفت عندي وماني قادره التزم مره ثانيه
فقلت انزل يومياتي وريجيمي ان شاءالله مع شويه زيارات من البنات على الموضوع ومشاركات
وتشجيع ان شاءالله بوصل للهدف
فالموضوع ان شاءالله راح يكون لمده شهر ان شاءالله وراح يكون كامل وشامل لامور الريجيم وابي يا بنات تشجيعكم ومتابعتكم وياي …. طلبتكم
ابي احقق هدفي وانجز حلمي بالرشاقه انا على قولتهم وصلت نص الطريج وباقي النص الثاني بس محتاجه شوي تشجيع وعلى قولتهم شويه دز للمتابعه
اي صج نسيت اقول
انا طولي 157 ووزني حاليا 77 وابي اوصله 60
هذا الرابط مال الريجيم اللي مسويته عشان رحلتي للوصول للكنز الثمين وهو الرشاقه ان شاءالله
والسياره بتوصل للكنز بعوووون الله
اي صج نسيت اقول حاليا ما عندي هدوم قاطه كل هدومي ومخليه جم عباه مع قميصين مادري 3 قمصان طوال بسس ماعندي بنطلونات عندي جم قطعه من هنيه وهناك ما يصلحون يركبون على بعض ولا ينلبسون
وقايله ماني شاريه الا لمه اوصل لهدفي ان شاءالله
امممممممممممممممممممممممم مادري شقول وشنو اضيف بس هذا حاليا اللي ببالي فكل اللي اطلبه منكم انكم توقفون وياي وتشجعوني وانا ان شاءالله بسوي اللي علي والباجي على الله
شككككككككرا
يعطيج العافيه
بنات نسيت احط اكلي امس
تريقت
توست وجبن
الغدا
سيخين كباب مشوي صغار مع 6 ملاعق عيش ابيض مع روب خالي الدسم
زرقت شوي بس الحمدلله ما خربطت وايد وان شاءالله المره اليايه اتجنب التزرق
ما مشيت ما مداني
ودعواتكم
موووفقـــه
ادعوا لي بنات محتاجه لدعائكم
والله يوفق الجميع عبوره
والله خوش فكره
بخليكم تشوفونها ان شاءالله بطريقتي الخاصه
ادعوا لي بنات وابي تشجيعكم
وبدعييلج و ادعيلي انا يبييلي درب على الرشاقه ههههههه ..
يالله الله يووفقج يااااااااارب و تصيرين سمبتيييييييييييك ان شاءالله ..
سنابل شدي حيلج والله يوفقج يارب وتصمدين والي الامام دائما لجسم رشيق وحلوو
انا بسوي رجيم من باجر قبل شهرين سويت رجيم 10 ايام نزلت 6 كيلوو زين من غير مشي بس انا اكلي كله مشويات ورياضه واكل حبوب الردكتيل يلا انا بدش كل يوم اقولج شنو سويت واشوفج بعد انتي اشسويتي استمريتي وله لا اوكي اتفقناااا
تصوري قبل فتره سويت رجيم ووزني من 87 وصل لمه 77 وساعات 76
بس انا خبله خربطت وسفره ودوام ومنقثه منهم وكل ما اعصب اكل ككاو واخربط ورد وزني لمه 81 واذا ماكله يوصل 82
وودي يوصل 65 هم يبيلي 17 كيلوا
يالله بشارك وياج وبكتب يومياتي تبيني ولا لا 
وانا مشتركه بنادي من سبوع فبسوي رياضه 5 مرات بالاسبوع مشي لمده نص ساعه او ساعه الا ربع وقاري 10 دقايق او ربع ساعه
وانا الحين بالدوام واشرب ماااي
وريوقي بيكون نسكافيه ويا شكر تروبيكانا
حبيبتي خوش شي لمن اتفكرين بالرجيم .. وموفقه يااااارب
ونصيحه من اوخيتج .. اليوم الي تاكلين فيه خبز لا تاكلين عيش ابيض!! .. واذا بتاكلين خبز ولا توست اكلي توستتين ولا نص خبزه باليوم فقط!!
واذا تبين النتايج وااااوو قطعي الخبز موليه ويا العيش الابيض .. ولا اكلي مره بالاسبوع خبز ومره عيش ابيض عرفتي!
وعليج بالمشي اهوا الي يضعف اكثر واكثرويشد الجســــم يعني لا ترهل ولاهم يحزنون
وموفقه
نبدل ادري صعبه بس بدال العيش خبز و بدال الخبز خس ايييه خس يعني ناكل ( انا معاج ) اللقمة بخس بدل الخبزه
و نقلل من اللحوم و نبدلها بخضروات و نكثر من الشوربات اشقلتي يا سنبوله يا حلوة صدقني راح انلاحظ الفرق
انشالله والى الامام
انا نزلت الربع وبقالي ثلاث ارباااااااااااااااااااااااااااااااااااااااااااع
ومن الله التوفيق
وخلي ارادتج قويه ولاتقولين حق احد انج مسويه رجيم
لان الناس فيهم فضول
سوي سكاتي بس قوليلنا احنا ههههههههههههههههههههههههههههه
وموفقه يارب
