|
|
السلام عليكم ورحمه الله وبركاته
يوم الاربعا 4-2-2009 الساعه 2 الظهر كان موعدي بدار الشفا دخول عمليه
طبعا موعد الولاده انا حددته وانا الي اخترت انها قيصيريه مع الدكتورة معصومه الرضي والشهاده لله حاولت تقنعني انطر بس انا اصريت وقالتلي حاولي طبعي بس ما رضيت لانه ولادتي بريان كانت قيصيرة وتعذبت فيها وايد طلق 24 ساعه ورحمي ما تبطل ولا سانتي .gif "Eh S(14)")
دخلنا المستشفى انا زوجي بس لانه الدخول كان الساعه 2 والعمليه الساعه 5 فقلت حق امي ماله داعي تنطرين وتين معاي خلج مع ريان ولما اولد وخلص تعالي
سوينا اوراق الدخول واخذت غرفه يديده عندهم اسمها ميني رويال بالدور الثاني الي تروح تراجع بدار الشفا خل اطل على الدور اهو غير عن باجي الادوار وهذي الغرف مسوينها يديده صارلهم شهرين على كلامهم وماكو اعلان عنهم انا كنت رايحه مراجعه وشفت الدور سالت ليش هالدور غير قالولي السالفه فعجبتني الغرفه وتوكلت على الله وحجزتها
وصعدنا الغرفه وانا اعصابي حدها بارده وريلي يكلمني وانا عادي يقولي خايفه اقوله لا عادي
وحطولي مغذي والسسترات يمسحون علي ويكلموني ويقولولي انت اول مرة ولا ثاني مرة ومن هالحجي ووسوينا تخطيط حق البيبي وسمعنا نبضه وكل شي كان تمام الساعه 5ونص يوني عشان نروح غرفه العمليات اهني قمت ارجف مادري ليش مو حاسه خايفه بس كنت ارجف يقولولي خايفه اقول لا بردانه وصج كنت بردانه
دخلت العمليات وانا اقرى بقلبي ايه الكرسي 
عشان اطمن قلبي
والحمدالله كنت بغرفه العمليات الساعه 6 الا ربع حطولي كل شي ملوت تخطيط القلب وجذيي ويت الدكتورة تسالني متى يتي وانا سالت عنج وقالولي موموجوده وتقرص خدودي تقولي خايفه وجذي ولا دكتور البنج يقولها انبلش واهي تقوله انطر شوي ننطر دكتور ثاني مادري مال شنو ولا يقولها خل ااعطيها اكسجين عيل اهما كانو يدرون اني خايفه ومايبون يخوفوني زود الظاهر
عطاني مالت البنج ولا يقولي خذي نفس هذا حق البيبي مو لج عاد انا قاعده اتنفس ولا يقولي لالا مسكيه انتي عادي هذا اكسجين وبعدها مادري شنو صااااااااااااااااااااااااااااار
ماحسيت الا يقعدوني ويقولي مدام مدام الحمدالله على السلامه يامدام ولا عاد انا شنو قلت تتوقعون 
الساعه جم ههههههههههههههههه ليش عاد مادري ولا يقولولي الساعه 6 ونص بعدها جني كنت انام وارد انام وكل شوي انادي سستر مصريه بس والله يا بنات حنونه حدهاااااااااااااااااا كل شوي اناديها سستر ورد علي نعم حبيبتي اقولها ما اشوف عدل تقولي معلش نامي وانام ولا ارد اناديها وزين وين ابوي وين امي تقولي برى وبنتك معاهم كمان عاد صج اهلي برى وريان معاهم تنطريني 
ماطلعوني حقهم الا الساعه 8 وانا يدزوني كنت اسمع شي حلو شنو تتوقعون 
ريان قاعده تنطرني بره وتغني غنية بارني 
مع ابوي ولا شنو قمت اصارخ واقول حق السسترات هذي بنتي هذي بنتي واهما يضحكون يقولولي ايو صح دي بنتك واناديها ريان ريان ولا يدخلولي بس زوجي عند باب العمليات وسالته عن الولد شلونه وجذي وبس
الحق يابنات الي يقول ليش دار الشفا انا ارد عليه والله انهم عنايه شي عجيب غريب من اول مادشيت لما طلعت واهما شي عشا ما اطق الجرس لا يوني والحمام يدخلون معاي ويغيرون لي وانا نوعي اخاف من الابر يساحلوني ولما يعطوني ابر شوي دوها حار يقومون يمسحون على ايدي ولا ريولي ويدلكوني عنايهههههههههههههه عجيبه
واي استفسار انا حاضرة
مبروووك الف مبروك
والحمدلله على سلامتج
حبيبتي ويتربى بعزززج
عاادي انا نفسج الدككتوورة قعد تولدني وانا ادوور عالسااعة بشووف السااعه جم
ومبرووووووك ماااا يااااااااج …
مادري شنو سالفتنا على الساعه ههههههههههه
وشكله التخدير نفسي دكتور خالد المتين شوي قص علي قال اوكسجين للبيبي وبعدها ماوعيت الا يصارخون باسمي وماشوف الدنيا ضباب وصوتي يالله طلع اسأل الممرض الساعه جم ومتى اطلع وشلون البيبي
اهم شي سلامتج
ومادري دشيت مره ثانيه شكو
.gif "Eh S(1)")
وان شاءالله تشوفينه معرس
ومبرووووك النونو
الله يخليه لكم ويخلي ريوونه ان شاء الله
بس اشلون الغرفه صغيرة ؟
وانا نفس وضغج ومعصومة دكتورتي يكفي ابتسامتها مع المريضه
ومبرووووووك ماياج
يتربى بعزكم ان شالله
وشلون الغرفة ؟؟ كبيرة ولا صغيرة ؟؟