نبات الصبرة . والتنحيف

شلونكم بنات
ماراح أطول عليكم وبدخل بالموضوع على طول
قبل فتره شفت وحده أعرفها كانت متينه .. وحياتها كلها رجيم في رجيم
ولما شفتها ماشاءالله وحده ثانيه … ضعفانه حيييل
وفوق كل هذا الدلع .. كانت تتدلع جدام المعازيم رايحه راده من كثر ما كان جسمها حلو ( مسكينه مو مصدقه انها ضعفت )
طبعا انا أعرفها ما تعلم
فسألت وحده تصير لها وقالت لي
انها تستعمل نبات اسمه الصبرة
ويضعف بالأسبوع كيلوين تقريبا
عاد قلت أعلمكم واي استفسار انا حاضرة

صج نسيت أقول لكم انا جربت الصبره وسويت الطريقه
بصراحه سدت شهيتي عن الأكل
وهي تسوي اسهال كرمكم الله بس خفيف….وهذا راجع على حسب الجسم
ونزلت بعشرة أيام كيلوين
بس ما كملت
بس طعمها شلون؟؟
انزين من وين اتيبين الصبرة ؟ و شلوون تستخدمينها ؟؟؟ و شنو كان نظام اكلج ؟؟ و كنتي تلعبين رياضة ؟؟
اقتباس:
المشاركة الأصلية كتبت بواسطة أسووم خليجية
بس طعمها شلون؟؟

بصراحه طعمها مر شوي ( مثل طعم المره )
بس انتي مارح تشربين كميه كبيره منه يادوب بطرف الملعقه وتذوبينها بماء حار
بعد شوي بنزل لكم صورة الصبره والطريقه

اقتباس:
المشاركة الأصلية كتبت بواسطة lulita خليجية
انزين من وين اتيبين الصبرة ؟ و شلوون تستخدمينها ؟؟؟ و شنو كان نظام اكلج ؟؟ و كنتي تلعبين رياضة ؟؟
هلا حبيبتي
الصبره تشترينها من الحواج …
بس ملاحظه مهمه …في نوعين للصبره .. انتي اطلبي من الحواج الصبرة الخاصه للشرب
( في صبره تحطها الأم على صدرها عشان تفطم الياهل من الرضاعة )
وهذه طريقة استخدامها
أول ما تصحين من النوم تشربين الصبره على الريق
تاخذين بطرف ملعقه الشاي الصغيره ( أقل من ربع الملعقه ) …وتذوبينها بربع كوب ماي حار
على ما تذوب الا الماي صار دافي .. بعدين اشربيها بسرعه واشربي وراها ماي أو عسل
وانطري شوي بعدين تريقي ( يعني من ربع الى نص ساعه )
يعني تنشرب عالريق الصبح بس مره وحده
بالنسبه لنظام أكلي بصراحه كان عادي ما غيرته بس حاولت اني أبتعد كثر ما أقدر عن العيش
عموما انتي راح تلاحظين ان شهيتك للأكل مسدوده والله عن تجربه

والرياضه مو دايما .. متى ما فضيت

نطروني على ما أنزل صورة الصبره
واي سؤال انا حاضره


خليجية

انا قريت تقرير يقول اذا كليتي اربع جوز تقل دهون جسمج بنسبة 30% ..

مشكورة

والله مايندرا عن الجوز بس بشوف صورة الصبره خليجية
ومشكوره عالموضوع الحلو
ولو اني أرد وأقول كل هالاشياء تنفع مع الاراده القويه خليجية
خليجية

وهذه صورة الصبره
طبعا انا طحنتها عشان تذوب بسرعه

اقتباس:
المشاركة الأصلية كتبت بواسطة noway2know خليجية
انا قريت تقرير يقول اذا كليتي اربع جوز تقل دهون جسمج بنسبة 30% ..

مشكورة

جان زين…. دهون تقل بالأكل الله خوش شي
بس بالنسبه للصبره أحسن شي فيها تقلل الشهيه

اقتباس:
المشاركة الأصلية كتبت بواسطة الجوري الوردي خليجية
والله مايندرا عن الجوز بس بشوف صورة الصبره خليجية
ومشكوره عالموضوع الحلو
ولو اني أرد وأقول كل هالاشياء تنفع مع الاراده القويه خليجية
صح كلامج حبيبتي الإرادة مهمه للرجيم
بس هذا مو رجيم
الي عليج تشربينها مثل ما وضحت الطريقه
وراح تبين معاج النتيجه انا بديت احس بالشبع من أول يوم

صار لي ساعه أحاول أنزل الصوره مادري ليش موراضيه تضبط معاي
المهم الصوره صايره تحت بالصور المرفقه … ضغطي عليها
يمكن الصوره مو واضحه لأني مصورتها بالنقال وصغرتها عشان أقدر أنزلها
حبيت أوضح شغله
انا قريت عن الصبره ان الأفضل انج توقفينها فترة الدوره … ولا تستمرين عليها أكثر من اسبوعين
انا لمن قريت وقفتها بعد اسبوعين وقلت كل شهر باخذها اسبوعين
لا تخافون الصبره مالها أضرار كلش ( بس تسوي مثل ما قلت من قبل اسهال خفيف)
وعشان تتطمنون سئلوا الحواج أو سووا سيرج عن نبات الصبره وشوفوا مميزاته العجيبه

يسلموووو ام تويو

الصبرة زينه وتضعف بس نقعيها بماي وشربي منها فنجان او اثنين بالكثير يوميا ولاتكثرين منها لأنها موزينه سمعت انها تسمم الجسم
وتموت خليجية

اتنى من اى حواج شريتيها وجزاج الله خير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top