منو عندها درايه بسكر الحمل ؟؟

قوه بنات … انا حامل بنص الرابع … و صايره احس ان ريجي ناشف … يعني احتاج اشرب بطل ماي نص لتر عشان تروح حالة النشفان … و ما كان يصير فيني جذي من قبل …

اليوم بعد الاكل على طول يعني 5 دقايق بعد الاكل سويت تحليل سكر كان 4.8 و اختي تقول وايد نازل …
هل كلام الساعه 6 المغرب … و كنت ماكله 11 و نص الصبح توست و جبن و حليب و بس لي غداي الي صار عل 5 و نص يمكن ….

تتوقعون هبوط السكر هم مو زين و لازم اراجع ؟




حبيبتي المفروض ما تسكتين عن روحج لازم تراجعين الطبيب

انتي حامل ومحد بيفيدج غير دكتورج

والله يسهل عليج ياارب




حبيبتي التحليل لازم يكون عقب الاكل بساعتين مو خمس دقايق

2- في تحليل تقدرين تسوينه بالمستوصف اسمه تحليل السكر الدقيق عباره عن ياخذوون سكريج و انتي صايمه بعدين يعطونج شيء وايد حالي

و يوسن لج تحليل عقبه بساعه و مره ثانيه بساعتين هذا اضبط شيء علشان يعرفون اذا فيج سكر

3- انا كنت بالرابع لما عرفت ان فيني سكر و سويت دايت بس كنت اتعب لان كان فيني توائم …آخر شيء عطوني انسولين

و الحمدالله الحين صار لي 5 شهور ما فيني سكر يعني مع الولاده تعدل

فلا تحاتين و ضبطي امورج لان السكر مو زين حق البيبي يخليه ينتفخ على الفاضي يعني يكون كبير و لما ينولد يفش




مشكورين حبايبي
ايمانوفا .. اي عطتني الدكتوره و رحت و كنت مو صايمه و قالي لازم صايمه بروح الاثنين ان شاء الله



انا معاي سكر حمل

النتيجه وانتي صايمه 4 او اقل ويعطونج محلول تشربينه وتحللين عقبها بساعتين اذا فوق ال4 ل7 طبيعي واذا اكثر من 7 سكر حمل وان شاء الله مافيج شي




مشكوره غيمة مطر … و انشالله بجرب بعد الاكل بساعتين و بشوف … انا متغديه الساعه 2 يصير الحين اجرب



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *