مطاعم تنفع للرجيم

السلام عليكم ورحمة الله وبركاته

موضوعي اليوم غير
نبي نستفيد من بعض

تعبناااااااااااااااااااااا من الرجيم

خليجية

بس عندنا عزيمة وإرادة وبنكمل إنشاء الله
إذا رحتي المطعم شتطلبين عشان ما يخرب رجيمج ؟؟؟

نبي كل وحدة تحط لنا الأكل الخفيف إللي ما يمتن مع إسم المطعم
يعني مثلا
في مجمع الأفنيوز فيه لو فات واايد حلو
وعندكم سب واي خفيف

يلا بنات كل وحدة عندها مكان حلو تقول مانبي نحرم نفسنا من المطعام عشان الرجيم
بالعكس نطلع ونلاقي إللي يفيدنا

نااااطرتكم خليجية




اي مطعم تقدرين تطلبين مشوي وسلطه وبجذي تكونين ماخربتي ريجيمج



اممممممم يعني انا مرات من دايت سنتر ومرات من ستاربكس بس بصراحه ضعفت كنت بس اكل سلطه منهم يا نيسواز والحين اقطعوها او سيزر وبليل اخذلي شي خفيف من البيت ..

وفي من اي مطعم لبناني اخذلي كباب ومن نايف اخذلي ديايه مشويه ومن تشيليز وفرايديز سلطه بس يعني جذي .. خليجية




يعني لما تروحين فرايديز

طلبي سلطه

والوجبه اخذيلي بي بي كيو جكن وقوليله يشيل البطاط ويخليه كله خضارررر

واهيا عباره عن قطعتين صدر دياي مشوي وبنكهه الباربيكو صوص امبيه لذيذه حدها

وطبعا الحين هابين يحطون معاها ربيان انتي قوليله يخلي لج مشوي

جربيها تنفع للرجيم




كل المطاعم تقدم اكل صحي ولو فات ومشوي وسلطات

انتي عليج تختارين الأكل انا ما عندي مشكلة اروح اي مطعم واطلب اكل صحي




عندج مطعم لوفات موجود بالشعب وفتحو لهم فرع بالافنيوز ممكن اذا رحتي لهم تطلبين منهم حتى سندويشات في
اذا تبين
لو فات طبعا



توني ادري ان لوفات عنده فرع بالافنيوز مشكوره اختي على المعلومه
بس اذا عشا شلون يابنات انا اتوهق
انا ماعندي لحوم بالليل لازم توست وسلطه وبدون صلصات ولازم حليب قليل الدسم شلووونخليجية



السلام عليكم

الي جربته لوفات – في ثلاجه حق دايت كير بمركز سلطان – فيه مطعم اسمه هيلث ستوب بس ماجربته – طلبي من كبابجي شأف أو شيش طاووق – او من دجاج تكا أممممممم بعد تقدرين اذا رحتي مطعم تطلبين سلطات او مشاوي على حسب الرجيم اللي انتي ماشيه عليه ..

و تعلمي تتبتكرين في البيت .. عن تجربه اكل البيت مال الرجيم احلى ..




لوفات لذيييذ هبيت في اسبوعين بس جذيه اجرب نزلت كيلوين و انا مادري !! خليجية بس اوهو مطعم حق الي تبي اكل healthy اكلهم خفيف و صحي .. و health stop هم لذيذ .. بس صرف يبيلهم مزانيه ابروحم.. انا كل يوم اشتري



مشكورين على التفاعل

إممممممممممممممممممم
شوقتوني خليجية
يلا نبي بعد




خووش موضووع عاد انا غرررامي اكل المطااعم وامس اكتشفت ان دياي ناايف عندهم فروج منزوووع الجلد وهذي شغله مهمه بالريجيم طلبتها سبايسي بس خفيف عجبتني
اتوقع قصدج ابله كويتيه اصناف معينه من المطااعم نقدر نطلبها بريجيمنا ندري ان كل المطااعم فيها مشوي وسلطات بس في بعضهم الله يديم النعمه ما ينوكل كلش لا سلطه ولا مشوي

انا باقولج على جم شغله الي يو على بالي الحين
مطعم ديفاز عندهم شي مشوي عبارة عن قطعتين لحم وخضار وايد لذيذ نسيت اسمه اطلبه حق الريجيم ومطعم بيتزا اكسبرس السطه مالتهم سوهو مادري بولو اسمها عجيبه كلها خس انواع ومعاها دياي مشوي وااااو
وما انصحج تطلبين سيك من فدركز ماقدرت اكله كلش

واذا تذكرت شي راح اقوولكم




منانا مشكووووورة وااايد
عد تصدقين توني رايحة دياي نايف بس ما إنتبهت للطلب مرة ثانية بطلبه

وشكرااا لكل البنات إللي مروا وفادوني

يلا نبي بعد
ماكو مكان في الكويت تروحين له مافيه مطعم
ولااااازم ناكل بره إذا طلعنا خليجية




شوفي يا حياتي

مثل ما قالت وحده من البنات المطعم ما يأثر على رجيمج

اذا كنتي ذكية بـ اختياراتج

شلوووووون ؟؟

طبعا معروف ان الخبز و عيال عمه من باستا و معجنات

كثرتها مو زينه لو تحدين منها بحيث ان حصتج من الكربوهيدرات اللي

تاخذينها من هالاصناف تكون نصف خبزه و بفضل تكون من القمح الكامل او

الأسمر أو طبق صغير من الباستا مثلا خليجية

لي بغيتي ستيك من اي نوع ممكن تطلبين منهم صوص لو فات

السلطات …… الطامه الكبرى خليجية هههههه بعض البنات طايحين فيها على اساس

انها صحيه و سعراتها الحراريه قليله اممممم بس هل يا ترى فكروا بالـ دريسنج

و شنو مكوناته و الدهون اللي يحتويها !!!!!

و بهالمنطلق احكمي على اكلج و حددي خياراتج حبوبه خليجية

ادري كثرت حجي بس بغيت ابين لج انج تقدرين تدشين اي مطعم

و انتي كلج ثقه بنج بتردين البيت و انتي ما تحسين بتأنيب الضمير خليجية




الحالمة كلامج صح 100%
ومفيد وااايد
شكراااا لج على المرور




يعطيج العافيه

بس ياليت الي قالت عن فروج دجاج نايف تقول شنو فيها وحلو ولا لا

واي وحده جربتها تقول عنها

لان اللي عندي دايم يطلبون من نايف وانا اقعد اموت جوع خليجية

ويعطيكم الف عافيه




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *