مساعدتكم يا بنات ,, تكفوووون .




السلام عليكم جميعاً

خليجية

بغيت مساعدتكم خواتي بجم شغله ولا عليكم أمر

بغيت أسألكم عن أول شي الشاي الأخضر سمعت إن يهضّم بس آنا الصراحه ما أحبه إلا مع شكر و أحس شالفايده
دام قاعده اشربه مع شكر ما راح يهضم شي ,, فأبي رايكم هَلْ يأثر الشكر ولا لأ ؟

ثاني شغله عصير الكيوي والأناناس سمعت إن يحرق الدهون , أبي أتأكد من هالمعلومه لو سمحتوا و أبي الخلطه شلون , جنه سمعت إن معاه حليب .

و ثالث شغله و الأخيره , ريجيم التمر سمعت إن وايد يضعفون عليه , و آنا بصراحه مو عارفه الطريقه عدل يعني أي نوع من التمر آكل ولا شلون ؟

و بس سلاامتكم و تعيشون ان شاء الله =)
و ساعدوني أبي أنزل عالأقل 10 كيلو و لأني صغيره عُمري 17 سنه و قالوا لي إن تقدرين تنزلين بسرعه دامج صغيره

مشكورين و سامحوني اذا كان فيه إزعاج :*




شوفي بغيت اقولج شغله عن الشاي الاخضر …لاتحطيين معاه شسكر مااينفع اكييد … بس اذا تبيين شي يحسن الطعم ؟؟

قصي ربع ليموونه وحطيها فيه مع عرق نعناااع … ريحته تصيير وااااو يخلييج تشتهين تشربينه خليجية

ودامج تبيين تنزلين عشره كيلو بس خلييج من رجيم التمر وهالاشيااء اللي تذبح وماتخلييج تستمريين فيها … قللي اكلج .. يعني كل اكلج خليه نص كمية اكلج الطبيعيه … ولا تخربطيين بين الوجباات … وقلصي وجباتج قد ماتقدريين … واهم شي العشاا كنسلييه …وشربي شاي اخضر ولعبي ريااضه …. ينزل وزنج ع راحته بس تقدرين تستمرين عليه لانه مايتعب …

موفقه حبوبه




^ ^ ^

حبيبتي مشكوره عالرد

بس آنا نوعي ماقدر أخفف أكل يعني يا آكل عدل لما اشبع , أو ما آكل :
و مو قادره التزم بريجيم معين خليجية !

عموماً مشكوره يالغاليه =)




ساااعدوووووني خليجية



ليش ما تجربين رجيمات المطوع وايد مريحة وتناسب حتى بالطلعة ما تتوهقين

رجيم التمر يبيله حكرة بالبيت وإنتي عمرج 17 يعني بالثانوية شلون بتاكلين تمر ولبن بالمدرسة ؟

و10 كيلو ممكن تنزلينهم إذا ما تتعشين وكل يوم تمشين




اقتباس:
المشاركة الأصلية كتبت بواسطة زحمة حكي خليجية
شوفي بغيت اقولج شغله عن الشاي الاخضر …لاتحطيين معاه شسكر مااينفع اكييد … بس اذا تبيين شي يحسن الطعم ؟؟

قصي ربع ليموونه وحطيها فيه مع عرق نعناااع … ريحته تصيير وااااو يخلييج تشتهين تشربينه خليجية

ودامج تبيين تنزلين عشره كيلو بس خلييج من رجيم التمر وهالاشيااء اللي تذبح وماتخلييج تستمريين فيها … قللي اكلج .. يعني كل اكلج خليه نص كمية اكلج الطبيعيه … ولا تخربطيين بين الوجباات … وقلصي وجباتج قد ماتقدريين … واهم شي العشاا كنسلييه …وشربي شاي اخضر ولعبي ريااضه …. ينزل وزنج ع راحته بس تقدرين تستمرين عليه لانه مايتعب …

موفقه حبوبه

انا راي من راي زحمة حكي

بس تقدرين اتحطين شكر رجيم بالجاي في شكر تروبيكانا مايضر

واهم شي انج ماتتعشين ولا تعشي بس سلطه او حبة فاكهه




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *