|
|||| كسبت صحتي لما خسرت ||||
يسعدنا افتتاح مسابقتنا الاولى من نوعها وحصريا بمنتديات كويتيات النسائيه
برعاية سفريات الفصول الاربعه للسياحه والسفر
هالمره مسابقتنا غير!
وطريقتنا غير!
وستايلنا بعد غير!
مسابقتنا فيها كل التشجيع وكل التحدي والاصرار
بنشوف من خلالها واقع ملموس لانجازات صارت ولازالت من عضواتنا وبنشوف قوة ارادتهم وتحديهم واصرارهم
والي بيعرف تفاصيل اكثر عن مسابقتنا يدش على الموضوع التعريفي الي فتحناه الاسبوع الي فات
مدة المسابقه من تاريخ 25-10-2008 الى تاريخ 31-10-2008
وبعدها راح يتم الفرز واعلان النتائج
استعديتوا؟؟ جهزتوا صوركم؟؟
المسابقه موجهه للبنات الي نزلوا وزنهم وضعفوا وتغيرت قياساتهم بعد الالتزام بالرجيم او الرياضه
المطلوب
كل وحده تورينا ملا بسها قبل لا تسوي الرجيم واقصد بمرحلة السمنه مع ذكر الوزن الي وصلت له
وتورينا ملا بسها الحين بعد الرجيم ونزول الوزن
او ممكن تحط صورتها الشخصيه مبينه التغيير بقياسات الجسم ولكن مع تغطية الوجه واجزاء الجسم وطمسها
نبي نشوف الفرق ونبي نشوف قوة ارادتها وانجازها قبل وبعد التعديل و نشوف اشلون كسبت صحتها لما خسرت وزنها ؟؟؟وهو شعار مسابقتنا
مع ذكر الوزن بالمرحلتين وقياسات الجسم ان امكن
كل مشاركه تقدر تعرض عدد الصور الي تبيهم وكل الصور ستدخل التقييم
والمتسابقه الي راح تكون صورتها الاكثر تعبيرا والاكثر اظهار لانجازها وتحديها اهي الي راح تفوز بالمسابقه وتحصل على شعار الفوز ومو بس شعار الفوز راح تحصل على الجائزه الكبرى وهي
^
^
^
^
^
^
تذكرة سفر
كويت – دبي – كويت
مقدمه من سفريات الفصول الاربعه
تستاهلون يا كويتيات ياا حلوين
يلا ورونا ابداعاتكم وتفننوا بالتصوير
واكيد الي تفوز معانا
راح نسوي معاها لقاء مفتوح بينها وبين العضوات من خلال طرح الاسئله للتعرف اكثر على تجربتها في نزول الوزن
اسماء المشاركات
music_teacher88
Miss_Moon
* حلوه و ماكو احلى منى *
SWEET TIME
go0omar
miss-one
لليلحين ناطره
عنيدة_وماتطيع النصيحة
عود ومسك
بطه رشيقه
Mulan
w7shteene
عنيّد
مستشاره قانونيه
OM 3ABOD AL 7LOO
w7shteene
وطبعا ما يحتاج اذكركم خواتي بالامانه في وضع الصور الخاصه فيج فعلا وليس صور شخص اخر!
يَا أَيُّهَا الَّذِينَ آَمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ
وبالتوفيق للجميع
للتذكير
( وَلَوْلَا إِذْ دَخَلْتَ جَنَّتَكَ قُلْتَ مَا شَاء اللَّهُ لَا قُوَّةَ إِلَّا بِاللَّهِ إِن تُرَنِ أَنَا أَقَلَّ مِنكَ مَالاً وَوَلَداً )
وعنه صلى الله عليه وسلم :
( أَنَّهُ كَانَ إِذَا رَأَى مَا يَسُرُّهُ قَالَ : الحَمدُ لِلَّهِ الذِي بِنِعمَتِهِ تَتِمُّ الصَّالِحَاتُ )
وياريت كل البنات يذكرون ربهم ويدعون للبنات ان الله يحفظهم ويبارك لهم و يالاستمرار والاراده ان شاءالله كلكم تصيرون رشيقات بالصحه والعافيه يارب
ملاحظه هامه جدا
هذه الصور خاصه بمنتديات كويتيات النسائيه ولا نحلل اي احد ينسبها لنفسه او ينقلها
بالبدايه اشكر المشرفات على هل موضوع المميز … وشكر صديقاتي المشتركات … والله يقدرنه على انه انفيد ونستفيد وهذي اهي الجائزه الكبرى في نظري
من ناحيتي انا راح اعرض لكم قصتي واغلبها راح تكون مصوره .. طبعاا بدى عندي السمنه من سن البلوغ 12 سنه وقررت ابدي الرجيم من قبل سنتين يعني انا صارلي سنتين اسوي رجيم لو تلاحظون بنات سنتين يعني مدى طويله بس انا مخذه قاعده اذا مشيت اشوي اشوي صعب اني ارد بسرعه
وزني قبل الرجيم 96 والحين 70 طبعا لازلت اسوي رجيم ليمن احقق حلمي انا راح اقلب اسمنه وابدا ماراح اخلي السمنه تقلبني
مشكوووورين يا خواتى المشرفات ويا سمسميه وكل البنات اللى قاعدين يعاونوونا ويساعدووونا عشان نشد الحيل والله انا كل ما احس انى تعبت او بيحوووشنى احباط او تردد ادش هالمنتدى الغالى واشوف
واقول لا خل اكمل لما احقق هدفى وربى يوفقنا فى هالمسابقه الحلوه وصدقوووووونى الفوز مو مهم كثر ما يمعتنا وتحفيزنا وحبنا لبعض وحرصنا على صحتنا يكون اهم
…. انشالله قاعده اجهز نفسى واحاول انى اسوى كل اللى اقدر عليه وربى يوفقنا كلنا بس عندى سؤال صغير
الحين نعرض الصور مره وحده ونختار ايهى اللى بندش فيها التقيم كله مر ه وحده صح ؟؟؟ والا نحط كل يوم شى ؟؟؟؟ يالله انطر الرد عشان اجهز نفسى ….. بالتوفيق
فكرتج حلوه انج تسردين القصه
بانتظار الصور
_03ba:
بطه
حبيبتي عندج من الحين لي تاريخ 31-10 تعرضين الصور الي تبينها واخر شي قوليلي اي صوره اخترتي للتقييم
كيفج بتنزلينهم مره وحده او على فترات براحتج
باتظاااركم خوااتي المتساابقااات
وعسى الله يوفقكم كلكم … والفوز للأفضل والأجدر …
وانشاءالله تكوونوون قدوة حسنة حق كل المتبتبااات … واللي آنا وحدة منهم …
وهذا الورد مني لكل المتساابقاات .. ولأختنا سمسمية على هالأفكاار العجييبة ..
الله يوفقكم ان شاء الله انا كانت يايتني بعد فكرة اني احط صور ملابسي قبل وبعد العملية ههههههه بس سبقتوني
بس صدق اللي ينزلون بريجيم ورياضة بس الله يصبرهم
ومشكووورة اختيييه والله يتمم لهم على خير ان شاء الله ويوصلون للوزن المثالي انا بعد
والله أنا جني انصدمت من مدة المسابقة ، بس اسبوع !
يعني انا ضعفانه بس مو الضعف الي يبين بالصور
قلت يمكن المسابقة فيها شهر ع الأقل ، فيبين المستخبي
يالله عسى على آخر الأيام يبين شي
موفقيييييييين
هالمسابقه غير عن اي مسابقه ثانيه لأن هالمسابقه فيها فايده للكل ومو مهم عندي الفوز فيها كثر مايهمني اعطي دافع لخواتي انهم يضعفون ويكسبون صحتهم..هالمسابقه ان شاء الله بتصحي ناس من نومهم ههههههههههه وتخليهم يستجمعون ارادتهم اللي تبعثرت وتعطيهم اصرار وعزيمه..اكيد شفتو بالتلفزيون شلون الناس تغيرت واكيد شفتو صور اجانب شلون تغيرو بس الحين غيييييير بتشوفونا احنا شلون تغيرنا
بس طبعا احنا للحين ما وصلنا للوزن اللي نبيه هالصور بتكون شي من لا شي يعني للحين جدامنا مشوار نكمله وبتشيجعكم بنكمله ونبي نشوفكم معانا وان شاء الله اختنا سمسميه بتعيد هالمسابقه عشان نشوفكم ونشوف شلون تغيرتو وكسبتو صحتكم…عن نفسي كان وزني
ههههههههههههههه 110
والحمدالله انا طلعت من ال 3 ارقام وللحين ماشيه برجيم عشان اوصل للوزن اللي ابيه…
ترقبونااااااااااااااااااااا
ان شاء الله اليوم انزل اول صوري
وبقولكم اني اول مره ادش مسابقه واشترك دايما اكون مع المتفرجين
اتمنى التوفيق لي ولكل المشتركات
وصج المسابقه وااااااااااااااااااااايد ممتعه وهادفه
ابي اسهل طريقه من غير ما ارفعها بسايت شلون؟
واذكرو ربكم يا بنات ترا العين حق
اذا بتعطوني عين قولو بل بل بل شمتنها عشان اضعف هههههههههههههههههههههه
ان شاء الله تكون معبره