فستان عروس ملكي

بنات السلام عليكم
من فترة كانت لنا احد المعارف تزوجت وكان عرسها في قاعة
العروس ابهرت كل اللي الموجودين بسبب فستان زفافها كان اسطورة يجمع بين الفخامة والرقي بنفس الوقت
المهم تبققت عيونا واحنا نطالعها واكيد ان الشغل الفستان مو محلي يعني شاريتة من برا
والكل يخمن يمكن من لبنان والا من اروبا والا والا

المهم بعد العرس بيومين عاد انا ماصدقت واتصلت ع اختها ادري العروس ماراح تفضانا فدقيت ع اختها وسأتها من وين اختج جايبة فستانها
البنت حبوبة وصريحة وكان بامكانها تقص علينا وتبالغ لان الفستان الحق ينقال يستاهل
المهم قالت انه اختها اشترتة عن طريق النت في وحده توفرة مادري من وين تجيبهم بالضبط من تركيا مادري من وين بالتحديد
وعندها كاتلوج للفساتين تختارين منه والحقيقة الفساتين كل واحد يقول الزين عندي
تعرفون الشغل المرتب من الكريستال والشك يعني ذوق خليجي يخلي الوحده تلق من تحت لفوق ,, وتبهر الموجودين
عاد المفاجأة انه الاسعار مقارنة بالاسعار اللي عندنا فرق السما والارض
واخت العروس تقول ان فستان اختها ماتعدى ال800 دينار وتخيلي سعر شرائة بهالقيمة بس في عندهم فساتين توصل لل1000 او ال1500 هذا حدهم بس اكيد بيكونون قمة والاسعار تحدده الشغل اللي بالفستان

بوريكم صور للعروسة خذيتها من تلفون اختها وقالت عادي حطية بالنت دام ان الصورة مو واضحة
وانا بحط لكم صورة العروس وهي داخلة

خليجية

ماشاءالله وااايد حلوو
حلوووو نفشته مبين مناسب للخليج

بس مواضح حيل

وين اللي تبيعهم ؟ ممكن الموقع !!

شكله فخم…
تسلمون حبايب قلبي ع الطلة الحلوة

طموحة ياعمري اكيد مو واضح تبينا نبين صورة العروس ههههه

بتذبحنا اختها
بالنسبة للنفشة الفستان ايه بالفعل تناسب الخليج الوحده تحب تبين انها اميرة من الاميرات

الموقع انا مادري عنه بصراحة بس ممكن اسأل اخت العروس من وين جايبتة بالضبط

شكلـه حلوو بس تـرى مو مبيـن حييل

يـآريت لوو تزودينـا بمعلومـات اكثر

يعنـي :~

اسمهـا ..؟!

عنـوانهـا .؟!

رقمهـا ..؟!

موقعهـا ..؟!
<< تحقيق خليجية

اقتباس:
المشاركة الأصلية كتبت بواسطة queen_q8 خليجية
شكلـه حلوو بس تـرى مو مبيـن حييل

يـآريت لوو تزودينـا بمعلومـات اكثر

يعنـي :~

اسمهـا ..؟!

عنـوانهـا .؟!

رقمهـا ..؟!

موقعهـا ..؟!
<< تحقيق خليجية

خليجية
عيوني لج ,, ماطلبتي شي
بس امهليني افتح باجر التحقيق مع اخت العروس
وارد لكم خير خليجية

بنات انا كلمت اخت العروس وعطتني ايميل البنت اللي توفر الفساتين
اللي حابة تتواصل معها هذا ايميلها
والله يوفق كل العرائس
xxxxxxxxxxxxxxxxxxxxxxxx

تنبيه من الاشراف

يمنع منعا باتا ادراج مواقع خارجيه او ايميلات خاصه بالمنتدى

حلوو في احلى منه

الله يهنييها ويوفقها ويرزقها الذريه الصالحه امين

اقتباس:
المشاركة الأصلية كتبت بواسطة الفراولـه خليجية
حلوو في احلى منه

الله يهنييها ويوفقها ويرزقها الذريه الصالحه امين

خليجية تسلميلي ع الطلة
والدعوة الطيبة
واكيد يالغلا ف احلا
مافي شي يوقف عند حد معين
بس شوفة عيني تقول ان الفستان روعة بكل ماتحوية الكلمة من معنى

شاكرة مرورج

مومبين النفنوف حسافة !!!
ماشالله شكله حلوو ..الله يهنيها ويوفقها
فخم؟؟؟
عادي ..
وبعدين مصورت من ورا مافي شي غريب..
وبعدين لوتلاحظين الفسات اللي عالنفوف قديم حدة ..
وجهة نظري لاني شفت نفنوف ملكي حدة غريب عجيب على بالي اللي في بالي فعلشان جذي دخلت عالموضوع بسرعة..
اقتباس:
المشاركة الأصلية كتبت بواسطة مساء مونترو خليجية
فخم؟؟؟
عادي ..
وبعدين مصورت من ورا مافي شي غريب..
وبعدين لوتلاحظين الفسات اللي عالنفوف قديم حدة ..
وجهة نظري لاني شفت نفنوف ملكي حدة غريب عجيب على بالي اللي في بالي فعلشان جذي دخلت عالموضوع بسرعة..

خليجية
وجهه نظرج ع العين والراس غلاتي
والمثل يقول لولا اختلاف الاذواق لبارت السلع

شاكرة مرورج

مشكووووووورة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top