تخطى إلى المحتوى
الرئيسية » عندي دبلوم وابي اكمل بكالريوس سنتين .شلون و وين ؟؟؟

عندي دبلوم وابي اكمل بكالريوس سنتين .شلون و وين ؟؟؟

السلام عليكم بنات

انا عندي دبلوم من التكنولوجيا هندسة كمبيوتر والحمدلله متخرجة بامتياز

حاليا انا موظفة بمكان الكل يحلم فيه وما افكر اطلع منه …

بس ودي اكمل دراستي وآخذ البكالريوس بالكويت وسنتين عقب الدبلوم مو من البداية .

طبعا بحكم اني ام عيال ما اقدر اسافر بره الكويت وهم ما اقدر اطول فترة طويلة بالدراسة يعني اذا سنتين او سنتين ونص وتكون فترة العصر ؟؟

الي عندها فكرة تساعدني فيها اكون شاكرتلها من كل قلبي وادعيلها

انا مثلج خريجه تكنولوجيا هندسه الكترونيه -اتصالات اول شي دوامج ما عندهم اجازه دراسيه يعني في اماكن يعطونج بعد 4 سنن وفي بعد سنتين

شوفي احنا لنا تكمله بجامعه الكويت بس ما يعادلون لج شي من المواد الا 6 وحدات شنو مانبي يقولون في الجامعه الاستراليه الي بمشرف فيها دقي بس الكورس سالتهم بس 2500 شدعوه ليش ما تبين تكملين بره في وايد دول انا اعرف ورحت مكتب من قبل قالي الهند في تكمله لنا بس مو على شهاده الدبلوم على شهاده الثانويه 4 سنيني كل سنه تروحين مره على كورس وكل سنه تكلف يعني كورسين 800 دينار

بذمتج مو قالو لنا في تكمله بالتكنولوجيا ولا سووها انتي متى دشيتي الكليه اي سنه

الجامعة العربية تقبلج بس صعبة
اختي روز صح كلامج قالولنا ان في تكملة بكالريوس عقب الدبلوم وهذا وجه الضيف ؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!
الاسترالية وايد غالية خصوصا وان ولدي مدرسة خاصة !!!! يعني ادفع حق منو ؟
جامعة الكويت طواله 5 سنوات ؟!!! انا بدرس ولا بدرّس عيالي ؟؟؟؟
الهند شلون طريقتهم ؟؟؟

للصبر حدود : الجامعه المفتوحه اكمل فيها 4 سنين ولا سنتين ؟؟؟؟

انا حسب ما المكتب قالي انه اهم ماشييين على النظام البريطاني حلو يعني تروحين شهر 12 وتروحين شهر 5 يعني على الامتحانات تدرسين تقدمين وتردين الديره وطول هالوقت ما تدوامين حتى لو موظفه تقدرين تاخذين اجازه وتدرسين هذا اذا يرضى دوامج يعني واي
ناس سووو جذي والهندسه اربع سنين يعني كل السالفه تقريبا 4000 دينار حسبي السنه ب 800 + 800+800+800
والله قاهريني الكليه قالو لنا

في عندج ببريطانيا نفسها تكمله لنا 11 شهر ومايبون توفل ماشي بس ما تقدرين تكملين ماجستير تبين ماجستير تكملين 22 شهر يعني 11+ 11 هذا الي اعرفه بجامعه اكسفورد

وانا اقولج روحي اي مكاتب البعثات ولا سالي مكان توظفيج ولا الديوان عرفتي من موضوع مني بالقسميتكمل عن تكمله الدراسه كنت حاطه اسم المكتب والعنوان بس ضاعو من الحين احاول ادور لج الموضوع

انا عندي دبلوم حاسب ألي من التجاري ووحاليا انا ادرس في جامعة في الاردن وعادلوا لي 36 وحده يعني ان شاء الله بسنتين ونص أخلص….وعلى فكره انا موظفه واخذت اجازه دراسيه براتب كامل
حبيت افيدج وبالتوفيق
اقول اللولو في تكمله لنا هندسه مناك ولازم حضور ولا يصير انتساب
ايه اختي روز فيه تكمله للهندسه بالاردن بس لازم حضور مافي انتساب خصوصا التخصصات العلميه………
الله يووفق الكل

انا مااعرف عن تخصصج بس دام الموضووع انفتح

انا دبلوم اعمال مكتبيه وودي اكمل …بس مادري ااذا يصير بجامعة الكويت ؟؟ او انتسااب بأي مكان ؟؟

انا عن نفسي ما عندي فكرة عن تخصصج حبيبتي

بس انا بمشي على كلام روز واروح مكاتب البعثات

وربي يوفق الكل خليجية

رووز انتي نفسي بس انا الكورس الياي اتخرج و ودي اكمل بس مابي 4 سنين احس واايد
ابي سنتين نفسكم رفيجتي سالت بجامعة البحرين تقول يقبلون ويعادلون المواد
وتخرجين بسنه جنه اذا مويايبه دي بمواد بس ابي بالكويت مابي برة
البحرين فيه انتساب لتخصص الادارة ؟

او علوم مكتبيه ؟

واي ديره يكون فيها انتساب بجامعاتها ومضمونه؟

والله انا ضروري اكمل دراستي لو اعيد وادرس اي تخصص ثاني الحين احنا بالتكنولوجيا في بنات يابو امتياز وخذو بعثه داخليه صح بالله لا يكون عبالكم هندسه طل انارفيجتي خذت بعثه داخليه بالجامعه الامريكيه بالسالميه شنو اداره اعمال بالله عبالي بيخلونا ندرس بره

انا اقولكم روحو مكاتب البعثات هذا اولا اهم همون كثر مني بعدين اي جامعه تشوفنها تناسبكم تروحون التعليم العاي وانتو تسالون مو تخلون المكتب ويقص عليكم انتو روحو وتاكدو معترف فيها ولا لاء

ثانيا انا الي اعرفه من اخوي يعني مو سامعته حجي من بره اخوي رفيجه يدرس بالهند هندسه انتساب وحتى اهو قالي على بو اروح اكمل بس ماعندي فلوس صراحه ناطره اتوظف واشوف بعدين والي تقولكم والله الهند ماكو عطوهم طااااااااااااف لانهم ما يعرفون شي واذا وحده قالت لكم وييييه عاد الهند اي قولو لهم اي الهند اذا امريكا اول دوله تاخذ اي احد متخرج من الهند ليش لانه دارستهم قويه وشوفو بس مهندسينهم وفينيين لهم اذا الي اخترع الهوت ميل هندي مو متاكدين دشو قوقول وشوفو

الله يوفقكم انا مره سالت قالو لي في جامعتين بالهند بمنطقه بنجلور السياحيه احلى منطقه بالهند واذا سالتو وشوفتو لا تبخلون علينا قولو لنا شصار ووين وبجم وشكثر

الله يوفقكم

والله ماأعرف ..
بس دعواتي لكم بالتوفيق خليجية
الله يوفقكم جميعا

انا نفس الحاله بس انا دبلوم محاسبه من التجاري والحمدلله متخرجه امتياز

سمعت عن البعثات الداخلية اللي يعطونها لخريجي الدبلوم لوحده من هالجامعات الخاصه بالكويت وتصير على حسابهم

بس اللي ودي اعرفه شنو شروطهم يعني يقبلون اللي مرت على شهادته 3 سنين او 4!!!!

انا اللي قاهرني اني من قبل لا ادش المعهد واسمع يقولون بيسوونه 4 سنين بكاليريوس بس ليلحين ماشفنا شي!!!! 😐

0 فكرة بشأن “عندي دبلوم وابي اكمل بكالريوس سنتين .شلون و وين ؟؟؟”

  1. السلام عليكم بنات ابيكم تساعدوني انا تخصصي سجلات طبية دبلوم ابي اكمل بجامعة برا الكويت بس ابيها تكون اون لاين لان انا موظفه والي تعرف اسامي الجامعات تفيدني فيهم وشكر

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.