|
|
السلام كروشات انا عندي هالتامين من 4 سنين ويوم ولدت بنتي استفدت منه وايد
ولدت سنه 2024 بالشفا ومادفعت ولا دينار وكنت ماخذه الجناح الامبراطوري بس دفعت فرق الغرفه بالليه لان التامين يغطي الولاده كامله مع الغرفه العاديه يعني الغرفه العاديه ليلتا 55 والامبراطوري 700 انا دفعت 654 يعني يشيلون السعر الي يغطيه التامين والصراحه عجيب وحبيت افيدكم
بنت خالتي قبل شهر ولدت بالسيفوطلعت عليها الولاده ابلاش بس اهي خذت الرويال 4 ليالي الليله 700 فالتامين غطى 100 يعني دفعت باليله 600 هذا الي يبي غرفه كبيره انا بالنسبه لو تاخذين الغرفه العاديه تطلع عليج الولاده ابلاش
بس لازم تكونين مسويه التامين قبل لاتحملين علشان يغطي كل المراجعات والولاده
انا سويته حقي وحق عيالي 2 وزوجي دفعت بالسنه 700 دينار بس صج نفعني حتى حق عيالي
مثلا بنتي اسم الله عليكم فيها حساسيه بصدرها جايده مع كل تغيرت جو تصخن صخونه مو طبيعيه وتحتاج تنام بالمستشفى فلما نوموها 3 ايام طلع علينا الحساب 540 ومادفعنا ولا شي التامين غطى كل شي
بالمختصر المفيد حبيت افيدكم للي ماعندها تامين ترا جد ينفع وحدا عجيب
.gif "Eh S(15)")
انا عندي تامين تبع زوجي
وادفع كل زيارة حق مراجعة الحمل 5 دنانير بس
وهي يغطي 1500 دينار (مراجعات الحمل + السونار + تحاليل الحمل + الولادة)
واذا اكثر ندفع الفرق
بس اهم شي اللي بتسوي التأمين وتبيه يغطي الولاده
لازم تسويه قبلها بسنه
يعني اول سنه بالتأمين ماتغطي الولاده… السنه الثانيه تبدي تغطيه الولاده
وعلى المستشفى والقعده
انا ريلي اسم الله عليه صار فيه كسر جايد واحتاج عمليه يركبوله براغي وقعد 3 ايام بالمستشفى غرفه عاديه
مادفع الا 400 دينار سعر البراغي
التأمين وااايد فايدناا
وانا فادني بعد مع الحمال الحمدلله
فانا معاج انصح البناات فيه
وان شاءالله ماتحتاجووونه الا بالولاده 
ههه
والله يجزاج خير
بس صجج وايد فادنا الحمدالله
انا قبل كنت انا مسويه التأمين
بس الحين دوامي عطوني تأمين فما جددت تأميني
انا بالنفط ونفسج
المراجعات بلالاش
والسونار بلالاش
والدكتور طلب مني تحاليل حق الحمل بس مادري شنو اهما كانوا 100 وشوي هم اطلعوا علي بلالاش
بس على حسب الدكتور
لان في دكاتره مو مشمولين بالتأمين
انتي حاولي تثبتين على دكتور ترتاحيله وبنفس الوقت يكون شامله التأمين
وموفقة ان شاءالله
سوري صاحبه الموضوووع انا تليقفت شويه
وطلبوا التأمين الصحي
عندهم نوعين
نوع بلسم ونوع بوبا
انا شخصيا افضل بلسم
اي مراجعه بأي مستشفى تدفعين بس 18% من قيمة الفاتوره
مثلا فاتورتج 10 دنانير بس تدفعين دينار و800 فلس
وطبعا في ممنوعات او علاجات مايشملها التأمين
مثل تقويم الاسنان… التجميل,,,, وغيررره الاشياء المعروفه
والامراض المزمنه
وهم سوووري اقيين لصاحبه الموضووووع اني رديييت
بس حبيت اساعدج لول
|
المشاركة الأصلية كتبت بواسطة انوثة من حرير
 شلون طريقتة وضحي اكثر حق كل شخص ولا العايلة كاملة تشمل التامين وجم ياخذ التامين فلوس وين مكانة ومنكم نستفيد
والله يجزاج خير |
نفس سؤالج ؟؟ انزين اذا زوجي عنده تامين عادي اولد بحسابة(كل شي جايز)
تسلمين عطيتيني فكره ما ندري عنها
وضحو اكثر جزاكم الله خير
بس بليز ابي ارقام الشركات اللي مسوين فيها التامين