عملية شد البطن والصدر عند دكتور كروز

السلام عليكم ورحمة الله وبركاته :
بناااااااااااات لازم الكل يرد علي والله حدي خايفه سويت عملياتي من 3 ايام وطلعت البيت اليوم الحمدلله الالم لا بد منه عرفناه بس جسمي موررررم واكثر شي مخوفني اني طولت بالعمليات ولما قعدت ايدي اليسار كانت متخدره ولاحظت انها متفوخه بشكل واضح مورمه اكثر من ايدي اليمين امي وخواتي يقولون يمكن من الدربات والبنج بس في ابره اخذها كل يوم الصبح مسيه للدم صغيره كأنها ابرة بنسلين عاد لما طلعت اليوم قالتلي السستر باقيلج اربع ابر منهم مادري اذا الكل ياخذها عادي؟؟
لان مكتوب عليها يعطونها للي مسوي جراحه ياليت تفيدوني

بالنسبه للبطن والصدر الم مو طببببيعي وكرهت نفسي صراحه هالعمليات يبيلها قلب قووووي وانا خررررطي خوافه بس الحمدلله الله ما ينسى عبده ((:

نتايج اللي اشوفها غير واضحه للحين والبرابيش موجوده قال ا يبيلها كم يوم +الممممممممممم اي قولوا لي عنهم اذا شالوهم يعور ولا لا ):

وبس سلامتكم عفيه اللي تدخل تقولي من تجربتها وعن التورم بعد العمليات اذا وحده صار معاها هالشي…




اب اب اب
الحمدالله على السلامه

مبروووووك الوك




الحمدلله علي سلامتج وانشالله كل يوم يمر تصيرين احسن والالم يخف وبشرينا بالتفاصيل



الله يسلمكم بنات af و نداوي للحيييين تعبانه شوي والنتايج ولا شي واضح ان شاء الله ببلغكم بالمستجدات..



الابر الي عطوج ياها ابر سيوله

عادي اخذيهم عشان لاقدر الله مايصير تجلطات بالدم

البرابيش اذا شلتيهم بتحسين بألم

انا لما شلتهم جنه روحي بتطلع بس الشغله جدا سريعه يعني 5 ثواني الشعور

يعني يسحب البربيش ع طول مو يقعد يماطل يسحب شوي شوي عشان ماتعانين واهو يسحبه

والحمدلله على سلامتج

بشرينا عنج

بخصوص الصدر حطيتي سيلكون .؟؟

وجم اخذ منج ؟؟

بخصوص الورم والانتفاخ لابد منه ان شاء الله تدريجيا بيخف لين الشهر

او شهر وشوي بتحسبن انه راح نهائيا




اهلاااا كلي غنج كنت انتظر ردج والله .. الله يسلمج ياعمرري طمنتيني بخصوص الابر خفت عبالي فيني شي لان جسمي منتفخ اكثر شي ايدي
اليسار يلا هانت تحملت الكثيرررر .. بخصوص الصدر بدون سيلكون بس شد وسعر العملية مادري بالضبط لان سوالي البطن مع الصدر ١٩٠٠ هذا اير حساب مستشفى السلام زلغوووني سعر ناري #_#

ادعولي بنات النتايج تكون زينة ومقنعه مو بس تعبت وفلوس عالفاضي ..




بسألكم عن شغله محرررررررجه جدا انا قبل اروح اسوي العمليات كنت مخلصة الدورة صارلي ٣ ايام
والحين جتني يعني سبقت موعدها اللي اهو بعد ١٥ يوم عادي هالشي ؟؟
مع العلم ان دورتي مو مخربطه صارلها اكثر من شهر منتظمه تجي بالتايم الحين شلون شالسواة؟؟؟؟!!!!



بالمراجعة سالي دكتورج او الممرضة اللي معاه ، من الدورة او من ابر السيولة اللي تاخذينها ؟



بنات انا محتاجة اسوي عملية شد لصدري بس اللي ابي اعرفه هل مع الحمال يرد مثل ما كان
و.منو ترشحونلي من الدكاترة و يا ليت اعرف تكاليف هالعملية شكثر ؟



ديما الكويت معقوله من الابر !! بس توني تأكدت ان الدم مو دم دوره لونه احمر فاتح ونزل نقطتين ووقف مادري خايفه )):

مس الكتريك ياعمري عن الحمال وكذا ما عندي معلومه ولا اقدر ارشحلج احد لان نتايج عملياتي مو واضحه للان ..




منى بعد عمري والله

شوفي الدم الي نزل دامه فاتح ومو دم دورة هذي استحاضة ياعمري مو دورة

واذا تبين تفهمين عنها اكثر قوقلي عنها

اكتبي ( الفرق بين دم الحيض والاستحاضة ) وبتعرفين انه فيج استحاضة غير عن الحيض

بخصوص سعر العملية جدا حلو ماشاء الله

احنا مايصلخنا الا المستشفى والله ولا العملية اكيد الدكتور يبي شغل ايده شي وشويات

بس المستشفى يستلعنون وترا على فكرة احسبولج انج مسوية عمليتين

عملية شد بطن / عملية شد صدر ولو مسوية زنود يحسبونها 3 عمليات

انا عملية الشد الحزامي وشد الزنود احسبوها على انها 3 عمليات

شد بطن ـ وشد ظهر ـ لانه حزامي دار مدار الحوض ـ وشد زنود

يبون يستفيدون اكيد

انا خذوا مني الف الزهير الطبي غرفة عمليات + مبيت ليله

غير وحدتين دم ب 120 و20 زيادة مادري حق شنو

غير اني قعدت زود 3 ليالي زادت 200 الا شوي

وماعليج ان شاء الله سهالات ويوم عن يوم بتحسين بتحسن ان شاء الله

واذا شالوا البرابيش بترتاحين اكثر

ودكتورج ماشاء الله شاطر لاتحاتين النتيجة بترضيج ان شاء الله

يالتوفيق واي سؤال من عيوني يالغاليه




حمدلله على سلامتج



فديتج كلي غنج دايما كلامج عسل ويريحني ،، على الدم اللي ينزل ما يدفق نفس الدوره يعني عادي طول اليوم مافي شي
واذا رحت الحمام حشاج ينزل نقطه جذي يعني وبس ولونه احمررر حيل بس اتوقع مثل ما قلتي استحاضه
كان اليوم موعدي بس تاخرت بالنومه وطافني يلا باجر بروح واطمن اكثر ،،انا احاتي شغله انه الدم بسبب العمليه !

وعلى المستشفى كنت متفقه معاهم على 1260 بس لما طلعت قالوا لا زادوا لانج زدتي كم يوم اقامه وفعلا
خذوا حقهم 1450 بس والله غالي يعني مثلا وحده تعبت حيل وين تروح الا مستشفى يدارونها

بسألج متى اقدر امشي عدل للحين اعرج والجرح ذابحني ما اضحك ولا اكح ما اقدر ))؛
بس صدري عادي مو حاسه بألم بطني اللي مكرهني حياتي بس الحمدلله اليوم احسن امشي بروحي
واتحرك (:

عسووله الله يسلمج عمري ..




هلا حبيبتي

سوري طولت عليج .. النت كان مقطوع عندي

اي حبيبتي بخصوص الدم لاتحاتين ..
استحاضة والله اعلم وانتي تقولين نقطه يعني مو شي يخلي الواحد يحاتي ويوسوس

ها بشري رحتي للدكتور بعد الموعد الي طافج ولا لا طمنيني عنج؟؟

بخصوص المستشفى اي والله صاجة انا كنت متفقه على الف ودفعتها قبل لا ادخل العمليات
وقبلها دفعت للدم وقبل لا اطلع هم دفعت لاني تميت جم يوم زيادة

المشية للحين بتكون صعبة .. بس عقب اسبوعين بالكثير 3 بتكون مشيتج اوكي ان شاء الله
واذا كحيتي او عطستي تحسين بآلام الجروح نفس الشي عقب اسبوعين 3 كل شي يختفي من هالاعراض

يوم عن يوم بتحسين انج افضل حبيبتي ماعليج شر اي سؤال ابشري ومن عيوني

طمنيني عنج




حمدالله على سلامتج اختي صارلها ٣ ايام شدت بطنها وليبو سمارت لفخوذها عند دكتور كروز
ماشفنا النتايج طبعا لابسه الكورسيه والبرابيش موجودة
والدكتور الصراحه حييييل محترم زارها ٣ مرات
وباجر مراجعتها
وسوتها بالصفاة الامريكي
كنا خايفين من هالمستشفى مانعرف عنة ولاشي بس نظيف وسنع والسسترات نفسياتهم حلووة
وخذو منها المستشفا حق ٣ ليالي٨٣٠ دينار
ودكتور كروز ١٢٠٠ دينار



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *