|
|
شي يحز بالخاطر وربي
تخيلو بنات انا الله مارزقني بضنا الا عقب 9سنين
وعلى كثر ماوجبت الناس
وامي حبيبتي ياكثر ماتهدي فلوس وحتى هدايا
توقعت لما اولد بتييني هدايا شكثر
أولا : لان والدة عقب سنين وكل من فرح لي
ثانيا: ان انا وامي وجبنا الناس شكثر خصوصا ان في ناس كل سنة يحملون
وامي حبيبتي تعطي
لما ولدت تفاجأت
( خصوصا اهلنا )
وربي لي لحين اقول حق امي اهلنا مايستحون
طلايع ولدي اغلبها من اهل زوجي
وربي ماقصروا حمواني عطوني فلوس وحريمهم هدايا
ولا اهلي مايستحون
انا مو هامني ان يوجبوني
وجبو امي الحشيمة لها
وربي عيب
يعني خلال هالتسع سنين امي جم مرة هادت وعطت
وهذي اول مرة يهادوني والله العالم اذا في مرة ثانية
( يارب ترزقني باخت حق ولدي )
بس صج منقهرة على هالسالفة
احد صار في نفسي
والحمدلله على الصحه والعافيه
والا الناس ماتبين منهم
شي والله يبارك لج في ذريتج ولا يجعله وحيد اللهم
امين
وانتي الحين عرفتي الناس اللي تستاهل واللي ماتستاهل
كل من حسب اصله اعامله
و مبروووووووك ما ياج 
و عساه من الذريه الصالحه يـــــــــــــــااااارب
حبيبتي لاتهتميـــــــــــــن بالناس
انتي وجبتيهم و لج الاجر ان شاءالله لاتنطرين منهم مقابل
و الحين لازم تفرحين بضناج لا تشغلين بالج بالناااااااااس
ترى مشاكل الناس ماتخلص
يلا قوليلنا قصة ولادتج و شنو سميتي النونو؟؟
والحمدلله على سلامتج ومبروك ماجبتي
والله يرزقج بالضنى الصالح يارب
واذا بتشوفين الناس بتشوفين العجايب انا يما قدرت ناس وقفت معاهم وحطيت وسويت ويوم صرت بنفس مواقفهم مالقيت احد معاي
من عقبها عرفت الاى يستاهل من الاى مايستاهل وصار عندي قاعده اني اذا بسوي شي اسويه لانه هذا طبعي احب اخدم الناس واساعدهم واهديهم
الله يخليه لج ان شاء الله ويرزقج اخوان وخوات له
اكيد خلال هال 9 سنين يأذونج الناس ها ما حملتي ها ليش ما حملت
وشفت شنو استفدتي منهم
والله هالايام ما يحبون الا المصالح والله
اهم شي احلي هديه عطااجيااه ربج هو ولييييدج
والحمدالله علي سلامتج
وانا ادري انهم يعطون فلوس والمشكلة وحدة من عماتي قالت جدامي انا معطية ولد عمتي الثانية فلوس تقول اشكره
وربي عيب
المشكلة عملتي يموتون بابوي بس احنا مالنا حظ وياهم يحبون الكل سواء عيال عمامي الثانين وعيال عماتي
الااحنا
اقولكم ليش
وربي ماتصدقون
لان امي سنعة ودينة وماترادد
ولما يغلطون عليها ماتغلط عليهم
ومالها لسان ابد بعكس حريم عمامي اللي مايسكتون عن حقهم
واللي يقهر ان امي تدافع عنهم مالت عليهم
واهم مايحشمونه
بس امي تحتسب كل شي عند الله
وتوها توعى ان في ناس ماتقدرها بس شعقبه
عشان جذيه انا الحين غيرت طريقتي
وقلت حق امي اللي مايقدرج لاتقدرينه
سيري عليهم بس مثل ماهادوج بولادة بنتج هاديهم
اللي يقدرج قدريه
انا من حريتي نسيت اقولكم
انا والدة
من سنتين
لاتعصبون
تكفون سمعوني
انا الله يسلمكم قريت موضوع وحدة
كاتبة انها والدة ولااحد سأل عنها
جان اتقرقع بقلبي هالسالفة الا اقولها
اسمحولي قبل سنتين ماتشرفت بمعرفة هالمنتدى
وسالفة ولادتي شرايكم اقولها
صعبة انساها وليلحين اتذكرها لانها متعبة
بس كل شي عشان وليدي يهووووووون
فديت خشته
قوليلنا القصه وعسى الله يباركلج فيه ويرزقج اخو واخت له يارب
والحين عرفتيهم على حقيقتهم احتسبي الي طاف كله لله عشان مايضيييييييييييع اجرج
ومنهم لله
ومرة ثانية مبروك المولود ويبتربى في عزك وعز أبوة واتشيلين خواته واخوانه إنشاء الله
قطي ورى ظهرج وانسى ولا يهمونج والمهم سلامتج وسلامة البيبي