عدم انتظام الدورة و الحمل ؟

الـسلام عليـكم

شـلونكم بنـات انشالله بخيـر

بنـات انا توني متزوجـة صارلي شهر و نص و زوجـي مستعيل يبي من اول يوم ياهل

بس انا مشكلتي دورتي مو منتظمة يعني مرات اتييلي 35 يوم و مرات 30 و مرات 36 و مرات 33

يعني بالضبط ما اقدر احدد موعدها الياي ولا عرفت احدد وقت التبويض عندي

المهم مالكم بالطويلة انا اخر دورة يتلي تاريخ 1-1 و خلصت تقريبا 8 – 1 .. و من اول ما غسلت من الدورة

لي اليوم و ريلي محاولات عشان احمل يعني تقريبا شبه يومي

بس فيه مشكله ثانيه واعذروني يعني السائل المنوي ما يظل داخل يطلع بروحه مع اني اكون رافعه ريلي وحاطه تحتي مخده

يعني ما ادري اهو طبيعي جذي ممكن يصير حمل ؟

والشغله الثالثه الحين انا فيني اعراض يديده علي بس ما ادري هل اهي اعراض حمل والا شنو ؟؟؟؟؟؟؟؟؟؟؟؟
وما ادري متى اسوي التحليل بالنسبة لوضعي اذا كانت الدورة مو منتظمه ؟؟

والاعراض اللي يتلي صدااااع قوي و سخونه تروح و اتيي و بطني واااايد منتفخ جنه بطن حامل بس مو تو النااااس تصير هالاعراض ؟؟ انا قلت يمكن بطني عشان غيرت اكلي و طلعت لي كرشه بس لمه اشوف شكلها ما اصدق ان هذي فجأة طلعت لي عشان الاكل ؟؟ وبنفس الوقت اقول بسمالله تو الناس عشان يصير انتفاخ ؟؟ في وحدة بطنها انتفخ واهي توها بالاسبوع الاول والا الثاني ؟؟ الغريبه ان بطني منتفخ من فوق مو بس من تحت

وبعد احس بثقل برحمي وعوار بالرحم

في ناس قالولي من اعراض الحمل عوار بالمبيض بس انا اييني عوار بالرحم بالنص نغزات قوية هذا عرض حمل والا شنو ؟؟؟

و هم كله جسمي احس ما فيني طاقه وكله نايمه .. وواااايد حسيت بشعور الدورة تعرفون لمه تحسون شي غريب بالرحم وقت الدورة مو عوار لا تعب الدورة جنها يايتلج بس اهيا مو يايتلي ولا اهوه موعدها بالاساس ؟؟

يعني صارلي تقريبا اسبوعين احس مرات جنه علي الدورة بس هالاحساس يروح و ايي

بس اكثر شي حاسه فيه الصدااااااااع وايد قوي ويروح وايي يوميا انا قلت يمكن تصير فيني اعراض غريبة عشان بيتي تغير ومكاني وطريقة اكلي .. والا انتو ما صار معاكم جذي ما ادري

ابي اسوي تحليل منزلي ما فيني صبر بس احس ما يبين الحين لأن ما صار شهر من موعد الدورة اللي فاتت
باقي 4 تيام ويصير شهر بس المشكله انا ما ادري متى المفروض تنزل بأي يوم بالضبط لانها مو منتظمه
فشنو اسوي نصايحكم

حبيبتي انتي دورتج منتظمه اذا بينها وبين الدوره اللي وراها جم يوم بس ومافيج أللا العافيه
وعلى العوار هذا العوار اصير لمن اتصيرين حامل يعني باذن الله انتي حامل
والساءل المنوي عادي حبوبه يطلع هذا شي طبيعي بس اذا تبين خلي زوجج لمن اخلص ان مايطلعا منج ابسرعه خل ينطر دقيقتين على الاقل
حللي وان شاءالله تلقين انج حامل باذن الله لان اعراضج نفس الاعراض اللي يتني بالضبط

واااي حبيبتي ليش جذي !! ترا مافي حمال ودورتج مومنتظمه ؟!! انا كنت نفسج لما رحت حللت طلعت مو حامل وسولي سونار طلع فيني كيس عالمبيض فانصحج تراجعين دكتور وتقوليله ان دورتج مومنتظمه !! وبطنج متفوخه من الدوره لان مومنتظمه

وترا اعراض الحمال والدوره نفس الشي

والله يرزقج ويرزقني معاج

هلا والله حبيبتي مشكورة على ردج
بإذن الله الله يسمع منج
و السائل اهو يسوي جذي بس هم اغلب المرات يطلع بره
والله ودي احلل اليوم انشاءالله بس خايفه يطلع مافي حمل واتحبط
مع ان تو الناس بس اللي يشوف ريلي شلون متحمس من اول يوم
خلاني احاتي وانا مو مستعيله

حبوبه اشكثر باقي على دورتج الحين ؟؟

تسلمين حبيبتي عالرد
اي مو هذا اللي يحيرنا اعراض الدورة نفسها الحمل سبحان الله
و انا بطني انتفخ بنص الشهر يعني على غير موعد الدورة خلاني اشك
انا دورتي ما اتيي قبل ال30 يوم كله بالايام اللي ذكرتها
والكيس ما يمنع الحمل انا دكتور قايلي هالكلمه
خايفه وبنفس الوقت عندي أمل والله يرزقنا ياااااا رب

شوفي انا دورتي من سنين اتيني كل 30 – 36 يوم يعني بين هالفترة

وانا اخر دورة كانت 1- 1

واليوم 26

يعني باقي 4 تيام على الـ30

ممكن يكون اكثر من جذي لان احتمال ما يكون موعدها 30 احتمال 35 ويصير جذي 9 ايام مو 4

عادي انا كنت نفسج كنت اقول حق امي باول زواجي ان دورتي متلخبطه بس قالتلي انها مافيها شي مرات تتأخر اشوي من الاكل اللي ناكلا ونخربطا مثلا الاكل اللسبايسي هذا ااخر الدوره وكثرت البهارات عرفتي
عاد شوفي اذا ودج اتحللين في تحليل حمل وحده بوحده اهبببل انا استخدمتا وثاني اسبوع حمل لي وبين اني حامل بخط كان حيل عريض خيتا من بوتس اللي في الافنيوز لان مو كل افرع بوتس اكون فيها هالتحليل او روحي حللي دم يبين اكثر وانتي الحين باقيلج جم يوم على الدوره وان شاءالله حامل

تسلمين يا قلبي ما قصرتي

شنو اسم التحليل هذا ما عليج امر

والله يتمم عليج حملج

والله المشكله نسيت اسمه لان من 7 شهور انا ماخذتا وما اذكرا بس اذا ان شاءالله رحت باجر ولقيتا احط صورتا او اسما بس بالافنيوز لمن اتقولينلها انج تبين تحليل حمل اهيا راح اتطلعلح ايا لان احسن نوع

ولا تفكرين وايد بالحمل معني كنت افكر وايد اقولون ان كثرت التفكير اتسبب مشاكل وبعدين ماتحملين شي جذي بس والله انا كنت ام التفكير وحملت الحمدلله

اوكي حبيبتي مشكورة عالمساعدة يزاج الله خير

ههههه
شنسوي مو بيدنا حنة زوجج اهيا اللي تخليج تفكرين 24 ساعه

واذا مو حنته الاعراض اليديده اللي تصير فيج تخليج تشكين و تفكرين هذا من شنو اذا حمل او لا

نفسج بالضبططططططط ودورتي كانت 1/1. واخيرا اقنعت زوجي بالياهل عاد انه خلصت دورتي ١٠ يناير
وصار اللي صار وكاني ناطرة نفسج!
ونفس اعراضج وكلشيييي
رحت الدكتور امس كان عندي فحص شي ثاني وخذو عينة بول وقالتلي الدكتورة ليحين مبجر عالتحليل
نطري عقب موعد الدورة بخمس ايام

واااااي شيصبرنااااا؟؟؟؟

يارب نكون حامل ترا بنكون بالضبط مع بعض ههههههههه

تدرين امس لاحظت خط بني فاااااتح وصل صاير من تحت سري لمنطقة العانة!!!!
عمري ماكان عندي الخط!!!!

لاحظتيه ولا ماطلع لج؟؟؟

يارب نكون حمل ياااارب بحق هالمطر اللي قاعد ينزل عندنا الحين
انه وانتي نكون حوااااامل

يا حبيبتي الله يرزقج انشالله يا رب

و نبشر رياييلنا بالحمل انشالله

بالنسبة للخط لا ما طلع لي .. انتي بيضه ؟

انا بعد ياني جم مره عوار بالحلمة وحكة بالصدر يقولون هذا عرض حمل ؟
بس حتى بالدورة يصير جذي لكن الحين مو حزتها

انا بنطر لي يوم 30 و احلل انشاءالله
بس كل التحاليل انواعها مضبوطه والا فيه انواع بو طقه ؟