سويت عملية تكبير الصدر عند الدكتور الفرنسي الزائر ايريك بلو

السلام عليكم

بقولكم قصتي مع عملية تكبير الصدر
اولا انا بنيتي صغيرة و صدري كان صغير حيل بس وايد قالولي لما تتزوجين يكبر و يتغير و لما تزوجت لقيت العكس لاني سويت رجيم عقب الولادة لقيت نفسي قاعده اضعف بس الصدر كل ماله و يختفي و يترهل و علامات تمدد و مع اني ماحب البوش اب برا بس قمت البسهم شسوي بعد و كرهت قمصان النوم لانه فاااضي المكان ماكو شي و انا جسمي زين الحمدالله بس هالشي اللي حيل مضايقني و مأزمني نفسيا ،، و صارلي 6 شهور ادور على تجارب البنات و تجارب لليوتيوب الاجنبيات و وااااايد عجبتني النتيجة و تاكدت انه مافي ضرر عالرضاعه و جذي توكلت على الله و قلت بسويها و من الدكاترة اللي كان ببالي اسويها عندهم الدكتورة قيي الالمانية بس مواعيدها بعيدة حيل،،و الدكتورة صابرين زامل و الدكتورة شيرين ابو الفتوح و الدكتور عبد الرضا لاري وحدة اعرفها مسوية عنده عججججيب شغله مشالله و الدكتور عادل قطينة و صراحة مادقيت علا ذكتور دكتور عشان المواعيد بس مجرد حاطتهم ببالي المهم و انا ادور و لا صدفة لقيت اعلان بالنت انه في دكتور زائر فرنسي اسمه اريك بلو توكلت على الله و رحت استشارة ،،،الاستشارة ب 50دينار،،دشيت عليه جان يقولي من وين عرفتيني حسيت اني بامتحان هههه قتله من النت المهم سألني عن التفاصيل بس بكتب لكم هني عشان لا تتخخربطون
قبل العملية مقاس 34B
بيحطلي 320cc سيليكون ماركة Sebbin-High Profile فوق العضلة

المهم كنت ابي اكثر من 320 لاني اشوف بالمنتدى 400و طالع بس قال لي انتي محيط الصدر عندج صغييير ما ينفع اكثر من جذي بيصير شكلج مو مرتب و بعدين اقتنعت و توكلت على الله طبعا الدكتور حبووووب بس اهمه الفرنسيين شوي مو فريندلي يعني بسرعه بسرعه بيخلص شغله و كان معاه دكتور ثاني لبناني و يتحجى فرنسي بعد صاير مثل مترجم هذا حبووووووب حيل طبعا اعترضت على انه بيحطه فوق العضله مو تحتها قالولي عشان انتي في نية لج تحملين بعد و صدرج بيطيح بعد فيصير implant فوق و الحلمة تحت و يبين شكله حيييييل انج مكبرة صدرج لانه على طبقتين،،هني حسيتهم شطار حيل و قاللي الدكتور اللبناني implant هالماركة ممتازة و نستعملها بلبنان و توهم يايبينها الكويت و بفرنسا احنا بالاسبوع نسوي 2-3 عمليات تكبير بس بالكويت مو هالكثر و يتراوالي صح كلامه المهم عقب ما اتفقنا عالحشوة و كل التفاصيل قالي متى تبين عمليتج قلت له باسرع وقت قال لي في باجر اذا تبين و في الشهر الياي انتي اختاري انا ما صدقت خبر قتله ابي باجر لانه ظروفي تسمح لي و الحمدالله دفعت 500 دينار مقدم و رحت محل قبال الافنيوز شريت ستيان رياضي لانه الدكتور قالي الستيان الرياضي وايد احسن و اريح لج من المشد شريتلي واحد ماركة اديداس و احترت بالمقاس مادري جم اخذ جان اخذ 14 ،، المهم رديت البيت و صليت استخارة مرة ثانية و زهبت اغراضي و اتفقت مع اختي اهي توديني و دشيت المستشفى الصبح الساعه 9 و عمليتي بتكون الساعه 12 دشيت عشان ادفع بالكي نت و لا من قرادة حظي مو يايبة كي نت مال حسابي التوفير متخربطة يايبه كي نت ثاني و حولت عن طريق النت الحمدالله و دفعت الباجي من حسابي و دشيت غرفتي و حطولي الابره البلاستيكية اللي تعووووووور اكرهها و خذوا دمي بيحللونه و حطولي درب مغذي و يالي دكتور فحص جسمي كله و تأكد انه ماعندي امراض وجذي و عقبها نمت انا و اختي ريحنا شوي و بعدين عالساعه 11.30 يتلي السستر عطتني هدوم العملية و قالتلي افضخ كل الاكسسوارات و كل شي و عقبها رحت جناح العمليات و اشوف السسترات ضايق خلقهم ليش انا دشيت و السب انهم مو ماكلين ههههههه المهم دشيت غرفة و السسترات يهبلووون يضحكون وياي يخففون عني التوتر جان يدش الدكتور و يخطط على صدري و دشيت غرفة العمليات و دكتور التخدير حطلي البنج العام و قمت و انا مربطة و قمت اكحكح ححيييييييييييييل و السبب انه اولريدي كان فيني كحة و ما عالجتها و اتوقع بالعملية حاطينلي تيوب الاوكسجين بحلجي و اللي زود علي كحتي و قمت اكحكح و السستر مخترعه حسبالها من البنج قتلها عادي انا فيني كحة من اول طيعا تحسفت ليش ما خذت ادوية لانه كله ما اكح صدري يعورني و قمت الساعه 3 و ودوني غرفتي الساعه 5 و الكحة خفت الحمدالله ،، طبعا مافي عوار حيل حيييل يعني شي بسيط و اتوقع عشان فوق العضله ما يعور كثر تحت العضله يعني عادي قمت و مشيت و بدلت هدومي بنفسي و رحت الحمام بروحي و انتوا بكرامة بس كنت دااااااايخه مو بوعييي حتى يوولي خواتي و رفيجاتي و انا اسولف و مو بوعيي و الدكتور يا عالساعه 8 شاف صدري مرة ثانية و لبسني البرا و قالي لمدة 6 اسابيع تلبسينها ما تشيلينها و كان معاه دكتور ثاني اسمه عماد قاللي اراجع عنده عقب ما يسافر الدكتور اريك طبعا انطباعي الاول عقب العملية واااااااو مع انه الصدر موووورم و منتفخ بس حدها عاجبتني النتيجة و مستانسة الحمدالله و طبعا اكيد بتسألوني ليش سويتي العملية عند دكتور مو دكتورة والله انا كان ببالي مرة بس عندي شوية ظروف حدتني استعيل بالعملية و ما اقدر أأجلها اكثر من جذي لاني مسويتها من ورا امي و من ورا ريلي محد يدري لانه ريلي خابزته مستحيل بيرضى مستحيييييل و هالعملية خلالالااااااص ابي اسويها دام عندي المادة و دورت عن حكمها تعتبر حلال بالنسبه للي صدرها طايح عقب الولادة و للي هالشي مضايقها نفسيا و انا هالشي مضايقني حيل مع نفسي و مع زوجي و ظروفي الحين تسمحلي لانه ريلي مشغول بداومه والحين بكشتات البر و الدوانية ،، نرجع للموضوع طبعا العوار باول يوم 7 من 10 و العوار مو اهو عوار كثر ما اهو ثقققققققل و تحسين صدرج شااااااد حيل بينبط و كل يوم يخف عن اليوم اللي قبله و اول يومين تنامين على ظهرج الحمدالله انا عادي عندي و انا الحين بالضبط صارلي اسبوع و الحمدالله ماكو عوار بس نقزات بسيطة و مرات يعورني اذا شلت بنتي طبعا ممنوع تشيلين شي ثقيل بس ساعات اضطر اشيلها فيعورني ،،طبعا قبل يومين راجعت عند الدكتور عماد شال لي اللزقة و حطلي لزقة ثانية بدالها تصك عالصدر و تقربهم يم بعض لانه انا من الله صدري بعاد عن بعض يعني المساحة اللي بالنص فااااااضية فاذا سويتي عملية تكبير ترا ما راح يصير صدرج بيرفكت لا نفس شكل صدرج بس العيال كبار ههههههه و للحين ما شال لي اللزقة بس النتيجة عاجبتني الحمدالله لاهو اللي كبير حيل و لا صغير يعني اتوقع Full C و هالحجم مناسب لتركيبة جسمي و بعد اذا بتسوين عملية تكبير لازم الدكتور يحدد لج الحجم المناسب للحشوة و الحمدالله الحين بكتب لكم التفاصيل بالترتيب
المستشفى : المواساه المراجعه كانت بالمبنى الكبير و العملية و النقاهة بالمبنى الصغير
الدكتور الزائر: ايريك بلو فرنسي
من وين عرفته: من النت وحدة كاتبة انه ضبط لها خشمها و نوعا ما مجازفة لانه ماقط سمعت احد سوا عنده عملية تكبير صدر
الاستشاره قيمتها 50
سعر العملية كلها ب 2900 و الدكتور اللبناني خصم لي 100 صارت2800 مع الادوية مضاد حيوي و مسكن و اقامة ليلة بالمستشفى طبعا قلت حق ريلي انه بنام عند اهلي و نمت بالمستشفى لانه كلش مافيني حيل اتحرك
دفعت 500اول يوم من سعر العملية و الباجي اليوم الثاني2300
مع اقامة ليلة بالمستشفى طبعا العناااااايه و لا اروع بالمستشفى و السسترات يهبلوون حيل عجبني اهتمامهم
صدري قبل مقاس 34B
طلبت منه ابي اصير مقاس D و حطلي 320cc
و الدكتور قاللي بيصير مقاس صدرج 36D بس ليلحين ما احس انه d احس انه C
الريكفري سهالات الحمدالله و وقت العملية طبعا ما تحسين بشي لانج مبنجة
العوار اول يوم متوسط الشدة و بعدها يخف يوم عن يوم و العوار بشكل رئيسي اهو يضايق لانه على شكل ثقل
حاليا صارلي اسبوع مسويتها و عندي مراجعه بعد 5 ايام عند الدكتور عماد طبعا مو ببلاش يعني 15 على كل مراجعة عشان يشيل لي اللزقة و بعدين الشهر الياي يرجع الدكتور ايريك و بدش عليه عشان يشوف النتيجةالنهائية
ممنوع حمل الاثقال و الحركة السريعه
الجرح صوب الحلمة و شفت الخياط ممتاز ماشالله بس انطره يطيب اتوقع مارح يبين و انا اخترت هالمكان لانه احس وايد احسن من تحت صوب ثنية الصدر يبين و بعد يضايق لالبست برا
الاحساس بالنص التحتي من الصدر مفقود و الدكتور قال لي بيرجع الاحساس بعدين
حركتي جدا عادية بالبيت عقب الاسبوع و النومة مريحة 70٪ يعني اقوم من النوم احس بعوار من الثقل و لاني بوضعيه وحدة طول الليل
عطاني مرضية اسبوع و بداوم باجر و ما اتوقع بيلاحظون لانه انا من زمان كنت البس Push Up Bra
امممممم و بنات اللي بتدش و تفتي على راسي و حلال و حرام تحتفظ الكلام لنفسها الحمدالله الدين يسر مو عسر و في شيوخ مثل ما اجازوا عملية التكميم هم اجازوا هالعملية بشرط اخفاء هالمفاتن عند الخروج و الحمدالله لبسي ساتر جدا لما اطلع خلاصة الكلام لحد يفتي كل واحد حالته خاصة رجاء عدم التعميم ،، و اللي بتقولي شلون تسوينها من ورا اهلج برد عليها من الحين مو شغلج رجاء ،، و بس اذا في اي سؤال انا حاضرة حبايبي و طبعا بوافيكم بالتفاصيل

مبروك اختي علي نجاح العمليه
والحمدالله علي السلامه
وان شاء الله تعطينا باجي التطورات
الحمدالله على سلامتج اختي
بصراحه عمليتي الشد موعدها قريب تنصحين اسويها لانه صدري مترهل من بعد الضعف
الحمدلله على السﻻمه
سلامات
قوة بناااات اول شي شنووو هذا ماكو تعليقات والله انصدمت منكم شدعوه اكتب موضوع طويل عريض و التعليقات بس ٤ كلش ما تشجعون بس يالله بكمل عشان اللي علقوا

اول شي اللي سالتني عن عملية الشد حياتي ترا انا عمليتي تكبير مو شد فانتي الحكم الوحيد بهالسالفه انا ما اقدر اقولج روحي سويها ،، اليوم صارلي ١٨ يوم من العملية بقولكم تسلسل العوار ،، طبعا قدرت امارس حياتي الطبيعيه رحت الدوام و بالبيت اشتغل شغل بسيط بس اراعي سالفه انه ما اشيل بنتي بس في عوار و لما رحت مراجعتي عند الدكتور قاللي هذا شي طبيعي لانه هذا جرح داخلي و شال لي اللزقة و قالي تقدرين تتسبحين و عمليتج نتيجتها ممتازة اللهم لك الحمد و ما صدقت خبر لما رديت البيت تسبحت و تفركت و تنظفت و قعدت جدام المنظرة اتمقل بصدري للحين حسيته مدوووور حيل Fake بس حسب تجارب البنات الاجانب بالنت انه بينزل و يصير طبيعي مع الايام ،، عقب الاسبوعين خف الورم حييييييل و قاعد يلين شوي شوي بس طلعت عندي مشكلة يديدة طبعا تدرون اول ما طلعت من العملية كانوا مربطيني باللزاق المهم انا كللللله اتضايق من هاللزاق و كله اقعد احكحك فصارت علامة بجسمي و الحين عقب ما شالوا اللزاق توهقت بهالعلامة ،،بس الحمدالله ياربي صدري حجمه ممتاز راكب حيييييل على جسمي تصدقون محد لاحظ اني مكبرة صدري كلش لا من ريلي و لا حمولتي و لا امي و لا صديقاتي و قبل جم يوم كان عندي عرررس فاضطريت اروح السوق اشتري ستيان و نفنوف رحت فكتوريا سيكرت و طبعا طلبت من الموظفه تقايسني طبعا قايستني فوق الملابس و قالت لي مقاسي 34C بس مستحيل انا c لانه بالبيت عندي مقاس سي ستيان شاريته بالغلط و كلش مو قدي فرحت صوب ستيانات مقاس 34D خذيتلي جم ستيان و رحت قايست و طلع صج مقاسي 34D وناااسه الحمدالله و رحت العرس وانا لابسة الستيان و رقصت الحمدالله ما عورني صدري بس شكلي بالنفنووف واااو متوازن جسمي صج جسم انثى يعني قبل بس عندي اللي ورا و صدري ممسوح اممممم بس الحين جسمي متوازن اللهم لك الحمد ،، بس بنات اللي مسوية صدرها بسألكم عقب شهر او شهرين من العملية هل بيكبر الصدر اكثر لانه السيلكون ياخذ راحته ؟ ،، حسيت من تجربتي عقب ما فش الورم الصدر صغر شووي بس قاعد يفرش لما البس الستيان الرياضي و قاع يلين،،طبعا اكيد بتسألون عن علاقتي مع زوجي اول اسبوعين كنت حاطة اللزاق قلت حق ريلي انه حاطة دوا ،،و قتله بنفس الفترة انه انا قع اكل حبوب تكبر الصدر عشان اذالاحظ ما يستغرب ولما تصير العلاقه اتعمد ما افصخ بلوزتي و اضيع الصقلة هههههه ،، و هالاسبوع يتلي الدورة فقاع اشد حيلي و من كيفي قاع احط ميبو عالحلمة و ماشالله عالجرح التئم بس بقى شوي يبيله انشالله على نهاية الدورة يلتئم نهائيا و افاجئ زوجي هاهاهاها،،بس والله احس احلى خطوة و اجرأ خطوة سويتها انه كبرت صدري الحمدالله واااايد مستانسة بشكلي و مستانسة اكثر اني نقيت الجرح حوالين الحلمة لانه الجرح صاير حوالين الحلمة على شكل خط دائري و عقب الاسبوعين الجرح قاعد يلتئم لانه اشوف بنات يسوون الجرح تحت الصدر احس لا لا لا لانه وايد واضح ،، و بعدين الحمدالله الاحساس ما خف صوب الحلمة احس صارت حساسة زيادة بس للامانة احس بخدار بالنص التحتي من الصدر بس الذكتور قاللي شي عادي و خلال سنة كلشي يرد طبيعي لانه الاعصاب ترد لوظيفتها شوي شوي و الملمس للحين يابس بس اخف من قبل و متأملة انشالله يخف اكثر و اكثر لانه قاعدة اشوف فيديوات باليوتيوب الاجنبيات كل جسم عن جسم يفرق في اجسام بسرعه جسمها ياخذ عالسيلكون و في اجسام لاء يبيلها وقت ،،و بس مادري شقول اكثر بس اذا في اسألة سئلوني ،،، و انشالله لما اكمل شهر راح اكتب لكم ريفيووو،،

حمالله على السلامه بشريني عن النتيجة

ماشاء الله اول شي الحمدالله على سلامتج
وان شاء الله جسمج اللحين عاجبج و كل اللبس صار عليج احلى
بالذات لبس المناسبات
مشكورة على المعلومات

الحين خلصت ٣اسابيع من العملية و الحمدالله النتيجة عجبتني حيل مرات احس يا ليتني مكبرة صدري اكثر بس مرات لما اشوف صدري حجمه مشالله حيل لايق علئ جسمي يعني كبير على مرتب مو اوفر و بعدين وراي حمل و رضاعه يعني بيكبر بعد اكثر ،، مشالله الجرح طاحت خيوطه بقى شي بسيييييط لا يذكر و صاير خط فاتح حوالين الحلمة بحط عليه ميبو عشان يختفي اسرع،، و الصدر لان اكثر بس للحينه يابس ،، و الصدر اليسار قاعد يلين اسرع من اليمين،، الصدر اليمين للحينه متحجر اكثر،،بس في شي مخوفني انه الصدر اليمين جنه في كرة صغيرة تقريبا حوالين الحلمة يابسة شوي مادري من شنو و للحين لما اقوم من النوم صدري يوورم بس اتوقع هذا شي طبيعي لانهي قريت عنه بالنت قالوا لمدة سنة بيورم الصدر كل صبح بس يختفي عقب فترة ٣ ساعات،،و الحين صدري يصير اقربهم يم بعض بالستيان الطبي طبعا و يطلع خط الصدر ونااااسه ،،شي شي ،، اللهم لك الحمد ،، بعد جم يوم بيي دكتوري الكويت و بشوفه انشالله عشان يطمنني بنتيجة العملية و يشوف الكتلة هذي اللي بصدري شسالفتها
اممم الله كريم
ماشالله الحمدلله على سلامتج و ربي يتمم عليج الصحه و النتايج الحلوه

تصدقين انا من زمان ودي اسويها و رحت حق دكتور كروز و جي و اشرف عبدالقادر بس سبحان الله

طلعتلي ظروف و وقفت شغلي بس انشالله ربي يسهلها لي هالمره و انا عندي 3 يهال ربي يحفظهم و
يبارك فيهم
و نفس ما قلتي بعد الحمال و الولاده الصدر حيل يخترب خصوصا اذا انتي بالاساس ماكو شي ممسوحه من جدام خليجية

ممكن سؤال ،، شرايج بدكتوره صابرين الزامل و دكتوره شيرين ابوالفتوح ؟؟؟
اسمع ذم و مدح على دكتوره شيرين و دكتوره صابرين ما بحثت عنها عدل ليلحين
Up

متاااابعين يارب تكمل تجربتها وتمم لها على خير وترزقها الذرية الصالحة

رررفع
الحمدالله ع السلامه ويارب يتمم لج ع خير يارب وانت باتم صحه وعافيه

9 أفكار عن “سويت عملية تكبير الصدر عند الدكتور الفرنسي الزائر ايريك بلو”

  1. ماشاءالله تبارك الرحمن ..
    اولاااااا : منووووو  قالج ان محد شاف كلامج .. انا وحده اقرا بس ما اعلق لأن مالي خلق اسوي تسجيل 
    وغيري تلقين اللي طالعو كلامج 100000

    ثانياااااا : اناااا حبيتج حيل وحبيت تجربتج لأني اتمنى كل اللي كتبتيه خصوصا ان شعور خط بالنص شي ثاني
    وقمصان النوم بحد ذاتهم حكايه .. صج اللي ماعندها صدر او من الحمال والرضاعه طاح ومن الاساس مافي تحتاج حيل عشان النفسيه بتكون صفررررر

    ثالثا : انا مو متزوجه وصدري بالضبط صدر ريال توه داش نادي .. حلمه صغيره حيل ومافي شي نهائيا
    بس شاد حيل لأني ضعيفه .. يمكن لو رحت استشاره لأي دكتور بيرفضني لأن ماكو مجال .. جلدي بيتشقق
    وغير جذي تخيلي شكل السيليكون على جلد مشدود .. بالضبط شيميل بتايلاند ويمكن يتفرقون بعد من كثر ما في مساحه

    فكرت اتزوج واحمل واولد واسويه بعد الولاده اذا الله كتب لي وتزوجت

    وفكرت اني انطر على الاقل اخليه يترهل او يصير شي عشان يحطونه وانا مرتاحه
    قريت وايد عن سالفه تحت العضله وفوقها
    قالو ان الفرق الانسجه والاورده والغدد اذا فوق بيلمسها الدكتور وهذا خطر انه يحوش شي اذا مو شاطر
    وقريت ان اذا تحت العضله عوار اكثر والصدر والانسجه وكل هذول ينرفعون فوق ومالهم شغل .. الكلام بيصير تحت العضله اهمه محد حاشهم او لمسهم ..بس تجربتج بما ان الدكتور فرنسي انا اقولج انه شاطر ومضمون لأن بفرنسا شهادة التجميل جدا صعبه واهم البلد المتخصص بالتجميل العلاجي .. يعني اي تشوه بسم الله عليج وعلي بأي شخص من حادث او حرق يعالجونه بتجميل بيرفكت

    السؤال ياقلبي .. انتي اخترتي نوع السيليكون دمعه او مدور ؟ ولا اهوه حط وبس ؟
    وشنو اسم السيليكون ؟
    قالج ضمان جم سنه ؟
    ماكلمج عن الضغط او اذا اهوه ينبط مثلا ولا قوي ليدرجه انه ماينشق
    واذا لاسماح الله بعد سنييييين تحتاجين تغيرينه يتبدل يعني ولالا
    سمعت عن ضمان 10 سنين حق شركة امريكية مالت افضل سيليكون قالت انه على السيليكون مالهم ضمان بعدين تبدلينه بعد 10 او 15 سنه ..
    الحين قوليلي شلونه صدرج وشصار عالاحساس والشكل والملمس يابس ولا لين اليمين؟
    مشكوره الله يهنيج يارب

  2. الحمد لله ع سلامتك ,, و جد خطوة جريئة و حلوة كتير , و انا ان شاء الله بحسن وضعي الاقتصادي و بعملها كمان

  3. حبيبتي طمنينا عليج الحين انا ودي اسوي العملية و حيل خايفة حييل و اهم شي الاحساس ماحب شعور التخدر و سمعت ان الاحساس يقل

    والحمدلله على سلامتج و انا ودي بدكتورة مرة الي تعرف تفيدني

  4. جزاكي الله خير حبيبتي ع هالموضوع
    انا كمان نفس وضعك حبيبتي بعد الولادة
    وودي اسوي هذي العملية بس واااايد غاليه ما اقدر على تكاليفها ماكو حل ثاني بالنسبه لاسعارها
    اللي تعرف شي زين ومضمون تفيدني يجزاكم الخير حبيباتي

  5. الف حمدالله على سلامتج اهنيج على هالخطوه انا دخلت اسجل عشان اعلق اول وابارك لج واتمنى تقولين لنا سنو صار اتوقع مرة فتره عليج الحين .. انا باجر بسوي عمليتي تكبير الصدر عند ماجد تقي تكلفته بروحه ٢٨٠٠ بدون المستشفى.. المستشفى كلمتهم قالو يبون مني مقدم ٧٠٠ والسعر قابل لزياده حسب شنو يستخدم لي الطبيب

  6. الحمد لله على سلامتك حبيبتي،أنا من المغرب،وما عندنا دكاترة حيل مسهورين مثلكم،وكمان البنات مابيعملون مثلكم،الكويتيات والسعوديات والخليجيات ماشالله بتفيدو بعض الله يجازيكم بالخير وبتفيدونا معاكم،المهم أنا قررت بعد حلم أكثر من عشر سنين تقريبا من لما كان عندي 16سنة،وأنا صدري حيل صغير،ومأزمني،كان أملي يكب. بعد الزواج والرضاعة،بس كلو شوية ڤوليوم مع الرضاعة وبيرجع بيفضى مثل الكيس،المهم أنا عندي بنتين ربنا يحفضهم لي،ومرضعتهم تقريبا أكثر من سنة ونص رضاعة صظري صغير جدا ومتقلص،فاضي،عملت كشف عند دكتور تازي مشهور عندنا،مابيعطي وقت طويل بالكشف وهادي أكثر سمة ما حبيتها فيه،راح معي زوجي كشف علي الدكتور وقالي تحتاجين لمقاس350cc فوق العضلة أفضل،قلتلو مافي أكبر قال ممكن 450cc مابعرف أنا محتاؤة الحين خيرني بين مقاس أخاف يكون علي صغير لإني أنهبل على الصدر الكبير،أحس ودي 400 D أحسو رح يرضيني،أما 450 أحسو أوڤر أو مابعرف أخاف يثقل على جسمي،أتمنى تفيدوني حبوباتي،لإنو للأسف نحنا ناعندنا منتديات مغربية تهتم بالمواضيع هادي،وطلبت منو تحت العضلة سمعت أفضل قالي لا من قالك بالغكس فوق العضلة أحسن شكلا وملمسا،والإثنين ما يأثرو عالرضاعة،أنا أحس برتاح بمقاس كبير 350 أحسو ما رح يرضيني،أامنى تجاوبوني صديقاتي وتفيدوني كثي فرحانة أول مرة أكتب فمنتدى او صفحة خليجية كويتية،ربي يسهل أموركم يارب،ما أبي. أحد يعرف غير زوحي إتفقنا لأنو بيلمس معاناتي،وكمان بينهبل على الصدر الكبير بس موقدي أنا أحس خالي محتاجتها،تعبت من البوش أوب والمعانات،ودي إنشالله أقعد عند أمي عقب العملية بس وش راح أقولها!؟ما أبي أحد يعرف الموضوع عندنا طابو ومو معروف يعني إلي بتعملو بتعملو بالخفاء،ربي يفرخ قلب كل يلي بترد عليي،والعملية قال بتكلف 35,000درهم مغربي لكل الأحجام نفس الثمن.

  7. الحمدلله عسلامه ولو متاخر بس اني هسه الا قريت الموضوع لاني ببحث واقره عن اعمليات الصدر واذا قريتي تعليقي ياريت تجاوبيين هسه شلونه صدرج والعمليه زينه ماكو مضاعفات او اي شي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top