خشم الفنانه بسمه بوسيل زوجة تامر حسني مو صج

السلام عليكم .. شلونكم بنات

قبل شوي وانا قاعده افرفر بالنت والا طحت على صورة تامر حسني مع زوجته .. دققت بصورة زوجته وقلت كأني اعرفها .. وكانوا حاطين اسمها فدورت عنها بالنت والا طلعت من اللي شاركوا ببرنامج ستار اكاديمي بالموسم اللي شارك فيه ابراهيم دشتي

المهم امبيه خشمها وشكلها حيل تغير خليجية .. مو صج طالعه كأنها وحده ثانيه وخشمها هم مو صج خليجية .. حيل حيل حلو وطالع طبيعي خليجية

اهي كانت عندها مشكله ان خشمها كان شوي طويل وفيها عظمه بارزه خفيفه بعد العمليه شالت العظمه وصغرت خشمها .. وشكلها امسويه عميلة تجميل اكثر من مره لان بكل صوره شكل خشمها غير وبكل صوره شكل خشمها احلى من الثاني خليجية

اعتقد اللي سوا لها العمليه دكتور فرنسي لان المغاربه يعرفون يتكلمون فرنسي واغلبيتهم لهم اهالي بفرنسا .. وبعد ما اعتقد انه في دكتور عربي يقدر يسوي مثل خشمها بهالاحترافيه

فبنات اللي تعرف منو اللي سوى لها العمليه تكفا خل تقول لنا وانا مستعده من باجر اروح اسوي عند دكتورها ههههه خليجية

(ما حطيت لها صور لان صورها تارسه غوغيل فجوفوا صورها بغوغيل)

ما يندرى عن المشهورين وين يحورفون بعمرهم

ايه والله صاجه وجان زين لو قالوا لنا علشان الواحد ما يغامر يسوي خشمه عند اي دكتور

خشمها عادي صراحه
أي تذكرتها كانت بستار اكاديمي
بس جيكره ماحب هشكل

لا بالعكس خشمها حلو واللي خلاه حلو انه صاير طبيعي وحلو بنفس الوقت وهالمعادله حيل صعبه يعني صعب تلاقين دكتور يقدر يخلي خشمج طبيعي وحلو بنفس الوقت

وخشمها حيل متنساق مع ويهها ومو مبين انه عمليه تجميل يعني اللي ما يعرفها قبل ما راح يعرف انها مسويه تجميل وهذا اهو المطلوب من العمليات التجميله انه ما يبين انها مسويه عمليه

المفروض انه اكثر الدكاتره يقدرون يخلون شكل الخشم حلو وطبيعي عيل ليش ياخذون 1600 دينار قطيعه تقطعهم صج حراميه الواحد قام يروح حق 3 دكاتره عشان يسوي شي واحد بس يبيه

صح المفروض يسوون جذي وخاصة ان العلم وعمليات التجميل تطورت حيل بس المشكله ان دكاترتنا على حالتهم ما يتطورون ولا راضين يتعلمون ويكتسبون خبره اكثر .. يعني المفروض يسافرون برا ويتدربون ويتعلمون احدث التقنيات العلميه في مجال التجميل ويتابعون اخر تقنيتات التجميل مو يظلون على نفس التقنيات اللي يعرفونها وما يزيدون خبراتهم .. لا بعد يخربون خشمج من داخل واهني المصيبه .. والاطباء الاجانب يسمون اطباء التجميل عندنا بالجزارين لانهم وايد يشيلون اجزاء داخليه رئيسيه بالخشم مثل الغضروف على بو انه يخلي الخشم يطلع بيرفيكت وعلى قصة معينه وبالآخر يطلع صناعي ومو متناسق مع الويه وهالشي غلط لان الخشم عضو رئيسي في الجسم والمفروض ما يشيل اي جزء منه بس يعدل عليه

في سؤال ابي اسأله ليش الدكاتره اهني يشيلون الغضروف من الخشم من انه شغله اساسيه بالخشم ويمكن اهو اللي يرفع الخشم وما يخليه ينزل ويصير عريض فما ادري ليش يشيلون الغضروف وما يخلونه؟؟!! يعني ما يقدرون يعدلون الخشم الا اذا شالوا الغضروف؟ مو كاهم الاجانب يخلون الغضروف وبالآخر النتيجه تطلع بيرفيكت وطبيعيه واحسن من شغل العرب وبدون مشاكل داخليه في الخشم

الواحد صار يخاف يسوي عمليه تجميل من كثر ما سمع عن المشاكل اللي تصير بعد العمليه بسبة ان الدكتور شال الغضروف

ترا الدكتور الشاطر واللي عنده ضمير اهو اللي بس يعدل عيوب الخشم .. واللي يحذف الخشم ويرسمه ويشيل اجزاء من الخشم ترا يمكن يسبب مشاكل داخليه للخشم بعد فتره

في وحده من رفيجات اختي مسويه من زمان عمليه تجميل بإيران بشيراز عند دكتور اسمه درويش ومو مبين عليها انها مسويه عملية تجميل .. قالت ان الدكتور قال لها انه بس راح يعدل العيوب وما راح يسوي مثل الدكاتره الثانيين اللي يرسمون الخشم وكأنه قطعه فنيه ومو كأنه عضو اساسي ورئيسي بالجسم

فديروا بالكم من الدكاتره اللي يرسمون الخشم ويحذفون اجزاء داخليه رئيسيه في الخشم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.