حبوب منع الحمل ديان 35

السلام عليكم اشلونكم حبايبي
حبيت اسألكم عن حبوب ديان 35
اشرايكم فيها ؟؟؟
و انا اول مره آخذ حبوب منع الحمل و الصراحه ما اعرف حق طريقتها كلش اشلون يعني آخذها انا الحين بآخر ايام النفاس باقيلي جم يوم و اخلص بس احس انه فيني عوار دوره تكرمون و الدكتور قالي اخذي الحبوب آخر يوم بالاربعين بس اذا يتلي الدوره و انا قاعده آخذهم شسوي اشلون
ساعدونيو الي يعافيكم ترى ميح ما اعرف حق الحبوبو هذي كلش

و يعطيكم الف افيه مقدمن

حبيبتي والله ودي أفيدج بس ما عرف ان شالله البنات يفيدونج .. بس نصيحه اذا ما تبيبن اتحملين اخذي الحبوب

لأني أنا تفلسفت عقب الأربعين قلت ما ابي حبوب ولا شي بستخدم طريقة العزل أو الله وكيلج شهرين جان أحمل ..

الحمدلله على كل حال ..

مشكوره بعد عمري ضي2007

عاد تصدقين انا قلت نفس كلامج
بس بعدين خفت يا معود انا بدرس و بخلص
باخذ شهادتي ما اقدر بعد حمال
يعطيج العافيه حياتي ماقصرتي

والله الحبوب على حسب نوع جسمج يمكن تسبب لج عصبية يمكن ماتمشي معاج

انا مشت علي ديانا لكن الحين احاول احمل من تركتهم والا ادور الحمال وربج ماكتبة

ماعندي فكرة ليلحين ما جربت آخذ حبوب

بس أسمع إن حبوب ياسمين زينين وعلى حسب كل جسم

وعليكم السلام .. شوفي حبيبتي اقولج الصج انا حبوب ديان 35 ما اعرفها بس انا دقيت على دكتورتي وقلت لها شلون إذا باخذ حبوب منع حمل قالت لي اخذهم من يوم 35 من النفاس واسألتي إذا ارضع ولالأ قلت لها لأ وقالت لي اخذ حبوب ياسمين لان اكو حبوب منع حمل للي يرضعون واللي ما يرضعون تاخذينها عادي بس قالت لي الدكتوره لازم يكون بنفس الموعد يعني انا اخذها الساعه 7 لازم كل يوم اخذها الساعه 7 وتقدرين اتجدمين ساعه او تأخرين ساعه بس لازم تقريبن يكون بهالوقت والحبوب عددهم 28 إذا خلصو توقفين لما تييج الدوره تكرمين وإذا يت لج الدوره تردين تاخذينهم من 5 يوم وجذي

إنشالله اكون فدتج باللي تبينه