تخفيف قلق الشهر التاسع :)

السلام عليكم
اشلونكم ياحوااامل والامهات الحلوين
عندي اسأله ودي كل منكم تتكلم عن تجربتها
مثل ماتدرون حبايبي الوحده بالتاسع تصير النفسيه عندها جدا تعبانه وتكون اهي متوتره علي اقل شئ والعصبيه الزايده
وتبدي معاها بعض الاالام اللي ماتعرف اهي طلق والا ثقل والا شنو
انا عن نفسي درجه التوتر والعصبيه والقلق ظربت عندي حد العداد خليجية
والاكل صايره عندي شراااااااااااهه مو طبيعيه ( استغرب من اللي يسون رجيم )خليجية
ومع هذه في حريم تقول انا ابدي اجهز بالتاسع علشان يمشي الشهر عندي = انا بالنسبه لي خلصت جهازي قلت عن الثقل
وفي ناس تقول اتفرغ حق بيتي = انا حطيت دوبي ودوب الخادمه نظفي عدلي سوي وشكلي بنحشها قبل لا اولد خليجية
وفي ناس تقول ابدي امشي علشان يتوسع معاي الحوض = انا امشي وامشي وامشي وشكلي بيولدوني قيصريه لانه البيبي مو نازل بالحوض
بتقولون اهم شئ قراءه القران وشرب ماي زمزم= انا من حملت ختمت القران 5 مرات غير الختمه اللي ماخلصت والحمدلله اهدي شوي وعندي ثقه برحمه رب العالمين وانه ارحم الراحمين
بس ابي اخفف من حده التوتر والقلق بنات انا انام ساعه واروح الدوام وارجع انا م ساعتين الظهر وتلاقيني بالليل قاعده الناس كلها نايمه الا انا
ماعليه صج طوووووووووووووووووولت حيل بالقرقه عليكم اسمحولي بس انتوا مثل خواتي
ودي بحل يخفف من حده التوتر والقلق الشهر التاسع او خل نقول نهايه الحمل وشنو تجاربكم وشنو كنتم تسون وتشغلون حالكم فيه
صحيح انا مو بجر بس علي بجري ماسويت جذي خليجية
يعطيكم العافيه خليجيةخليجية




الله يسهل عليج يا دب وتولدين بلسلامة بما انج مو بجر فانتي عارفة الوضع شلون راح يكون عقب الولادة ماااكووو نوم وكله معابل مع الياهل وبجي الياهل فكري فيها استغلي الفرصة وارتاحي كثر ماتقدرين لان بعدين ماكوو رااااحة وقعدي ويا بجرج لعبي ويااه وعطيه حنان كثر متقدرين وفهميه عن البيبي الثاني



يعطيج العافيه اخت بلونا ماقصرتى



الله يعينك غمضي فتحي وان شاءالله يخلص
بالحمال الياي ان شاء الله ما تحسين بالوقت لانك بتكونين حايسه مع الياهل وشطانته الله يقومك بالسلامة



مشكور ة حبيبيى ام الخير



المحاتات موجوده بس تختلف من وحده لي الثانيه

انا استغرب من اللي تقول اجهز بالتاسع

اولا ماندري متى نولد وثانيا الشهر التاسع تعب

يالله الوحده تبدي تمشي وتضبط امورها

ان كان دوام ولا غيره وعلى قولتهم نرتاح

مع ان النومه صعبه وعوار الظهر ومغض البطن

وغيره من امور تخلي الوحده ماتبي تسوي شي

انا حاليا اكبر همي دوامي والمرضيات وولدي

احاتيه لي ولدت شراح يسوي وغير لويتي

اخاف شي ينقصني احاول اشغل تفكري عن الولاده




الله يكون بعونج



انا بشهري ونفسيتي تعبانه ابي اوووووووووووووووولد واشووووووووووووووووف ولدي
وهذا بجر انا مستانسه ان بييني بيبي
بس لا انام ولا ارتاح غير الدوام الكئيب والحمام مشكلتي باي مكان
بس الله يعين انشالله اولد وانسي التعب



والله انا نفس الحاله بس انا بالثامن احس بس تعبت
بوصل لدرجة الانفجار موقادره اتنفس عدل واتعب
حيييييييييييل من قعدة الارض وكله احس الام بأسفل
الظهر والبطن واحس اني بولد قبل التاسع يارب رحمتك
هون علي وعلى باقي الحوامل يارب العالمين وارزقنا
بالذريه الصالحه السليمه وقر اعيننا بهم اااااامييييييييييين



الله يقومنا بالسلامه حشمه والله نفس معاناتى احاتى بنتى حيل
شاكرة مرورج يالغاليه



شاكره مرورج مس جوكلت



اقتباس:
المشاركة الأصلية كتبت بواسطة al atwan خليجية
انا بشهري ونفسيتي تعبانه ابي اوووووووووووووووولد واشووووووووووووووووف ولدي
وهذا بجر انا مستانسه ان بييني بيبي
بس لا انام ولا ارتاح غير الدوام الكئيب والحمام مشكلتي باي مكان
بس الله يعين انشالله اولد وانسي التعب

عسالله يسهل امورج يارب ويقومج بالسلامه




بنات للحين محد نصحنا من تجاربكم اشلون خففتم توتر الاشهر الاخيره



الله يسهل عليج



مشكوره حبيبتى لوكي 22



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *