تأيدين الاستقبال بالمستشفى؟

السلام عليكم

حبيت اشوف راي الاغلبيه بسالفة الاستقبال بالمستشفى

اتأيدين هالشي ولاا اتعارضينه؟

يعني البعض يقولون احس اسوي استقبالي بالمستشفى ومالي خلق الاوادمم كل يوم يايني البيت

وبعضهم لاا يقولون احنا تعاابه من الولاده وباخذ راحتي مابي احد

وانا بالنسبه ليي محتاره مرات اقول اي ومرات لا وبشوف راي الاغلبيه

وبالنسبه حق اللي والده قيصريه وسوت استقبال شلون كان الوضع

يالله بناااات ناطره مشاركتكمم

شوفي حبيبتي

إذا كان مو أول ياهل الإستقبال بكبره سواء بالمستشفى أو البيت نوووووووووووووووو

صراحة ماله داعي كلش وبالنسبة لي آنا لأن مو أول مرة فماراح أسوي أستقبال بالمعنى المفهوم
يعني راح أحط كفر زين وألبس زين وأحط حلو وقهوة بس ما راح أدرز مسج إستقبال وراح أقول حق حمولتي المقربين طبعا وأهلي المقربين بسسسسسسسسسسسسسسسسسس

وعليه أصوت ل لأ

مشكووره حبيبتي

وبااجي البنات وينكم اشفيكم مريتو مرور الكرام نبي راايكم

بالمستشفى أحسن الياهل عند السسترات والناس يايه يايه المستشفى ، يعني بتولدين بسكات ومحد يزورج كلش ، مستحيييييل

بالبيت أفضل.

بالنسبه لي مااحب شي اسمه استقبال او احدد ايام حق استقبال الناس
الحمدلله بيتنا مفتوح ٤٠ يوم و استقبل عااادي …. منو شافت مقابله ماما امينه في هي واخواتها صاجه بكلامها

سوري ماما انيسه ضيعت لووووووووووووووووووووول

حسب عادات اهلج و اهل زوجج

مو كل العوايل يسوون

احنا نسوي حق اول ياهل ضروري و الثاني و الثالث مو ضروري بس يفضل لان الناس تبي تبارك و في ناس تستحي تيي البيت
و نوعنا نعتبر سالفة استقبال البيت موضة قديمة شوي
و بالنسبه لي استقبال المستشفى كان شي وايد مريح و ماتعبت كلش
لان نايمة بالفراش
و البيبي بالحضانه عن النيرسات ما احاتي رضاعته
ولا لازم ارتز باستقبال البيت

استقبال البيت مكلف مثل استقبال المستشفى اذا بتسوين شي مرتب
غير جذي لازم ارتز و اوقف مع الناس و اتمكيج و اكشخ و ممكن اكون تعبانه و سهرانه مع البيبي فا اتعب زياده

استقبال المستشفى وايد مريح و عن تجربه سويته يومين مساءا فقط و ساعات محددة بالمسج

انا مع استقبال المستشفى الي غير مبالغ فيه

عشان احنا طريقة اهلنا اول ما يسمعون خبر الولاده .. لازم يباركون بالمستشفى .. فلازم اكون متزهبه لاستقبال الضيوف ..

بس بصراحة المسج ما ادزه الا للمقربين وصديقاتي الي يوصوني ..

انا قلت نعم
ليش؟
لان صراحه الوحده من تولد احس تفرح بزياره اهلها لها واقاربها ويباركون لها الولاده…
لكن انا مو مع التبذير بفناتق الاستقبال.. لا لا حرام التكاليف الباهضه
ودج اللي تفنتق اللي حملت عقب مده .. مثلا عقب 2 او 5 سنين اي هني تستاهل تكلف
لكن اللي كل سنه تحمل ماله داعي الخرابيط الزايده.. ليش ؟ تبي الناس ترقعها عين عالماشي

مشكورين وصااجين باللي قلتووه

بس الوضع يختلف اذا وحده والده طبيعي ولا قيصري ولاعادي ؟

والله انا اشوف ماكو فرق طبيعي والا قيصري
بس انا مالوم بعض البنات … اذا بالغو وكلفو
لانهم عند حموله جذي نظامهم فالوحده تخاف يقولون عنها بخيله والا ماتعرف السنع والتقديمات الحلوه
عرفتي؟ فتحاولي تجاري الوضع اللي هي انجبرت تعيش فيه

مؤيدين الاستقبال في المستشفي

بالمستشفى لأن في ناس اتوجب و اتقدر بس ماعندها احساس بالوقت وماتراعي هالنقطه يعني في ناس يبسطون عندج لي نص الليل و في ناس اتصلي الصبح واتيي فعالأقل بالمستشفى عساهم ينامون عندي ماعندي مانع و حياهم الله

انا مع الاستقبال فالمستشفى..

معليه استحملي يومين وحطي فنآتقج.. وخلي الناس اتوجبج.. ابرك من ان كل يوم يقولون بيجون البيت
وتزهبين القهوه والفطاير والسوالف ويآجلون ثاني يوم..

انا اشوف فالبيت الوحده لازم اتحط في بالها انها اتكون استاند باي في الاربعين يوم.. ماتدرين اي
وقت بيقولون لج بيطبون عليج..

اما فالمستشفى تفتكين تقريبا والاغلب يشوف طلعة المستشفى اخف من طلعة البيت..

وهاي رايي.. وتسلمين نونا عالموضوع.. وربي يهون عليج