بنات رايكم

قوه بنات شلونكم ان شاءالله تـــــــمام

بنات جايتكم بشغله وان شاءالله تفيدوني انا الصراحه مليت من شي اسمه رجيم وقررت ما سوي

قصب والله تعبت نفسيتي من الحبوب والنادي ومن خليت الرجيم والنادي الله لا يراويكم طلعتلي كرشه مدري

شلون صج كنت مليااااااااانه بس الحين بطه وكرش الكرش من خليت النادي كبرت ضاااااق خلقي والمهم

قبل جم يوم وانا طالعه من السوق قريت نشره لمستوصف الحساوي كلينك عن جهاز ليزر ثلاثي لشد

الجسم والترهلات وعلاج السيلولايت يعني كل هالشغلات يسونها بدون جراحه وعن ابره الميزوثرابي وانها

تزيل الدهون الموجوده بالجسم

عاد انــا ماجذبت خبر سيده دقيت عليهم واخذت موعد يوم الاثنين بس الحين خفت شوي

شرايكم بنات فيه وحده جربت من قبل وتنصحوني اروح ولا لا عفيه لا تبخلون بالرد والنصيحه




والله ياخيه مدري مامره سمعت فيهم
سوي بحث وشوفي لاتروحين وبس
الله يوفقك



ان شاءالله بسوي بحث ومشكوررره عالرد ماقصرتي

البنات اللي يعرفون احد جرب لا يبخلون بالرد عفيه




ياعمري اول مره اسمع ….انشالله البنات أفيدونج



تسليمين يازينه ماقصرتي

البنات ويـــــــــــنهم معقوله محد سمع




أنا جربت الابر بس أبد ماكو فايده حاولي تحذفين العشاء والغداء والفطور يصير موزون وماتاكلين بين الوجبات ويصير كل عشره أيام تاكلين كاكاو على شكل عشاء يعني حبة تويكس أو جالكسي يعني ماتكثرين وشوفي وزنك قبل بشهر ونهاية الشهر بس صدقيني في بنات جربوا طريقة حذف العشاء صدقيني كلهم ضعفوا طالعي منتدى الفراشة قسم الدايت أتوقع أني قريته هناك …………



صج لااااا ضاق خلقي كان املي الوحيد هالابره

اختي جربت الرجيم وهم الطريقه اللي قلتي عنها والله بسبوعين نزلت 8 كيلو بس

الحين اكره ما اسمع الرجيم ماني متقبله زين الا بره اللي جربتيها اهي الميزوثرابي وين اخذتيها

والله يعطيج الف عافيه عالرد ماقصرتي الغاليه




اول مره اسمع انشالله البنات أفيدونج



مشكوره اختي Q8 stylle

بنات معقوله محد سمع عنها المهم اللي تعرف ياليت تفيدني اليوم

لان بعد العشاء الموعد




الابر زينه اذا كنتي ضعيفه وتبين تشدين الترهلات يعني للتضبيط بس
اما اذا كنتي متينه وتبي تضعفين عليهم لا مايسوون شي
للتعديل بس
اختي كانت متينه وضعفت وجسمها اختربخليجية
اخذتهم وتضبط جسمها صار سمبتيك خليجية



والله ماقال إنها الميزوا ثيرابي أولا انا تعالجت بالرياض في عيادة التداوي شارع الملك عبدالله
لكن كنت أسوي معها دايت ورياضة ونحفت بس 7كيلو ورجعتها بكل فخر ههههههههههه
المهم الميزوثيرابي انا سمعت عنها في قناة الحياة مع دكتور مصري يقول أنها تصلح للتجاعيد وتعطي نضارة للبشرة
وللسمنة للاماكن اللي صعب يروح الدهن فيها كمان لازم تنتظرين بعد 4 جلسات وتظهر النتيجة مع ممارسة الرياضة لان الدهن بيتحرك من المنطقة ويروح للشرايين وهذا خطر زي ماإنتي عارفه على القلب حتى اللي يجي عندهم بالعياده وموضامنين أنه يسوي رياضة يخلونه يشترك في النادي حق العيادة ………هذا كل اللي أعرفه



حمام شاقني فنه مشكوره والله يريح بالج مثل ماريحتيني كنسلت الموعد

من وصل لي ردج

أحزان الرياض الف شكر اختي ماقصرتي عالمعلومات ويعطيج الف عافيه




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *