بنات باركولي سويت عملية التكميم على يد الدكتور خالد العنزي ولله الحمد

بنات باركولي سويت عملية التكميم عند الدكتور الرائع خالد العنزي بمستشفى السلام والحمدالله اموري على مايرام

بعد شوي اقولكم التفاصيل

خليجية




الحمالله علي سلامتج يا قلبي ناطرينج علي ناااار نبي بالتفصيل تعبتي والا لا وبجم وشكثر المدة من راجعتي الدكتور وموعد العملية وما تشوفين شر حبيبتي



مبروووووووك

الحمدالله على سلامتج




الله يبارك فيكم

الحين ابدي بالتفاصيل

دخلت المستشفى الاثنين بليل الساعه 12 ومن دخلت الغرفه استلموني الممرضات بهالابر لين قلت بس وبعدها نمت وقعدوني الساعه الساعه 5 ونص الفجر عشان اجهز حق العمليه عطوني ابرة السيولة وركبولي المضاد والساعه 9 نزلوني العمليه بس سمعت كلمت امي تقول ودعتج الله يانظر عيني انا هني بغيت اكنسل العمليه حاشني خوف موطبيعي صرت جذي خليجية لين وصلت العمليات وبنجوني وماحسيت بالدنيا الا الدكتور يقومني وحسيت نفسي ثقيله من البنج وكانوا حاطيلي بربيش بس حييييل مضايقني بذات لمى انام والحين مصوميني من قبل امس وبس . بس بنات على فكره منو مثلي لمى سوت التكميم كتفها اليسار عورها انا يعورني سئلت الدكتور قالي انتي فيج غازات منو صار فيها جذي ؟

على فكره العميليه كلها 3000
ايد الدكتور 2200

والمستشفى خذوا مني 800

وبس

خليجية




الف الف مبروووووووووووووك



الحمدلله على سلامتج



الحمدالله على سلامتج حبيبتي والله يعينج على البربيش اذيه الله يعينج



حمدلله على سلامتج…والعوار بيدج اليسار عادى حتى دكتورى قالى راح يحوشج عوار بكتفج اليسار لمدة ثلاث ايام ويروح والحمدلله اول الايام تعب بس اتعودين والله يعينج عالبربيش…….ومبارك عليج الشهر



الحمدلله على سلامتك ..وانشالله تصيرين احسن ..بس ليش سويتيها برمضان ؟؟مو تعب عليك ؟؟وشلون بتصومين ؟
عموما دكتور خالد عجيب يهبل انا سويت عنده شد البطن …وسلامتك



الحمدالله على سلامتج اغلب الي سوو تكميم والتحوير ياهم الم بالكتف مع الايام يروح عليج بالمشي



الحمدلله على سلامتج اختي
3000 كلها كلها
مع الدباسه ؟



الف الحمد لله على السلامة

طهور ان شاء الله




مبرووووووووك
وحمد الله على السلامه
انا قبل جم يوم كنت عند الدكتور ويوم سألته عن تكلفة العمليه قالى اهو ياخذ 2000 والمستشفى يمكن 800 ولا 1000
شلون اخذ منج 2200

وللامانه الدكتور اكثر من رائع اهنيج على اختيارج

بس سؤال حبيبتى
انت اخترتى التكميمم ولا الدكتور ؟؟
لأنى كنت بسوى تحوير لأن وزنى فوق 100 واستغربت يوم قالى يناسبج تكميم

وان شاء الله يارب تنزلين بصحه وعافيه




اقتباس:
المشاركة الأصلية كتبت بواسطة mangaq8 خليجية
مبرووووووووك
وحمد الله على السلامه
انا قبل جم يوم كنت عند الدكتور ويوم سألته عن تكلفة العمليه قالى اهو ياخذ 2000 والمستشفى يمكن 800 ولا 1000
شلون اخذ منج 2200

وللامانه الدكتور اكثر من رائع اهنيج على اختيارج

بس سؤال حبيبتى
انت اخترتى التكميمم ولا الدكتور ؟؟
لأنى كنت بسوى تحوير لأن وزنى فوق 100 واستغربت يوم قالى يناسبج تكميم

وان شاء الله يارب تنزلين بصحه وعافيه

صح عدل كلامج انا موعدي معاهم كان بتاريخ 118 بس دزو لي مسج انه موعدي تأجل
بس سالت العياده قالوا لي الدكتور ياخذ 2000 والمستشفى السلام 800

وعازمه ان شاء الله وبإذن الله اني اسوي العمليه عقب رمضان




الله يسلمكم ويبارك فيكم



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *