بنات الجنين يختفي ؟؟؟؟

السلام بنات

انا حامل واخر دوره كانت 27-9

رحت حق الدكتوره تاريخ 3-11

سوتلي سونار ورتني كيس الحمل والجنين صغييييير بس ماكان فيه نبض تقول تو الناس لاني تقريبا كنت بالاسبوع الرابع

اليومكنت ابي طبيه قلت بروح دار الشفا مره وحده بفتحلي ملف عشان ابي اولد هناك ان شاء الله

قتلهم ابي الدكتوره راجني حيل يمدحونها قالت مايصير لازم موعدد

قالت في دكتوره جديده اسمها رضا تدخلين بدون موعد المهم دخلت وياليتني مادخلت

سوتلي سونار جان تقول مافي جنين بس الكيس موجود

قتلها شلون الاسبوع اللي طاف انا مسويه عند دكتورتي سونار ورتني الجنين كان واضح نقطه سوده داخل الكيس

قالت لا انا ماشوف شي يمكن توج تعالي بعد اسبوعين يمكن يبين الجنين

لااااا وتقولي تبين اطرشج تحت ( مادري وين قصدها ) تقول السونار اوضح

قتلها مابي شي وطلعت لايعه جبدي

شككتني بناااااااااات الحين شسوي ؟؟؟

امانه ادعووووولي




حبيبتي انا مابي اخرعج

بس في بنات لمن يحملون يصير بالجنين ضمور يعني يصغر ويختفي بعد فتره

ومره انا كنت بالصباح سمعت دكتور يقول حق وحده بالشهر الثامن ان البيبي قاعد يصغر بدل ما يكبر

شلون هالحاله انا مادري

بس لا تحاتين انتي روحي حق دكتوره زينه وان شاء الله تطمنج

لان يمكن هالدكتوره مو خبره بهالسوالف

والله يسهل عليج يارب




شدعوه الجنين صغير شلون شفتيه المره الاولى وحتى المره الثانيه مايبين مايبين الا الكيس حق الحمل

انا اقول روحي مره ثانيه حق دكتورتج الاوليه شكلها شاطره




روحي مره ثانية وان شالله خير يا قلبي لا تحاتين



اسمها رضا ياسين اذا اهي ترى واااااااااااااااااايد زينه
مصريه كبيره شوي بالعمر ممتازه وان شاء الله سونارهم خرطي روحي السلام
او محمد سيد قطب عنده سونار ولا اروع حتى الشريان الابرطي وراني اياه



تمي اسبوعين وراجعي مرة ثانية وانشالله خير
عشان جذي الواحد مايروح حق دكاترة الخفارة لانهم اي شي ويلوعون الجبد ويرفعون الضغط
الله يتمم حملج على خير وادعي الله يرزق كل محروم بالذرية الصالحة



انشالله خير يارب



حبوبه سونارالشفا اللي بالعيادات ترى مو واضج .. اذا خايفه سوي السونار اللي تحت اوضح من اللي عندهم وايد

واتوقع ترى عادي الياهل ما يبين الا بالاسبوع السابع او السادس




حبيبتي لا تحتاتين ان شاء الله خير ولله يكتبلج اللي فيه خير



ان شاء الله ماكو الا العافيه وروحي للسونار اللي تحت اقوى واوضح .. تاكدي علشان ترتاحين



الدكاترة شاطرين بالتخرع ولاتخافين
انشالله مافيج الا العافيه
رووحي عند دكتوورة شاطرة
وانشالله تطمنج



سوي سونار من تحت إذا حي بيبين النبض من اللحين، حالتك صارت معي وسويت سونار مهبلي وماكمل حملي لإنه طلع كيس بدون جنين
والله يكتب لك الخيرة



روحي حق الدكتور اسامة صالحة بدار الشفا ترى وايد زين و انشالله ماكو الا العافية



تو الناس انه يبين الجنين اصلا انا ماشفت الجيني الا بالاسبوع التاسع
وقان شصغره كره صغيره وقبلها مابين الا الجيييييييييييييس
لاتحاتين بعد اسبوعين راح يكبر ويبين وترى عادي توج اول الحمل يعني سونار عن سونار يفرق
والحين تدرين شكبره اصغر من حبة العيش طبيعي مايبين

عسى الله يطمنج وبعد اسبوعين تبشرينه يارب




انا يوم كنت حامل وبثاني شهر خرعوني دار الشفا قالتلي في دم بجيس الياهل ويوم راجعت دكتورتي ناهده العلي قالتلي مافيج شي
والحمدلله حمالي زين وللدت ومافيني شي
بس انتي راجعي بعد اسبوعين وطمنينا عليج



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *