|
|
قوه بنات …….
هالموضوع اقتباس من رد لي على موضوع وحده من البنات اللي تقول انها صارت حديث الموسم من الخلطات اللي شرتها من العضوات و من عنايتها الدائمه ماشالله بنفسها…
واخر شي تقول انها سوت نفخ للخدود و نفخ براطم و رفع حاجب … ( يعني ما سوت تجميل بس رتوش )
آنا ماأعرف اسوي صراحه نفسها خلطات وبرنامج بالبيت ( مو عن بس ما اثق بسوالف الحريم ولا روب و خميره بالويه عادي يعني مو مشكله )
… و ما احب اشتري خلطات من الحريم الله العالم شنو حاطه فيها…
اهيا راحت سوت تجميل رتوش يعني اللي خلاها حديث الموسم اهو التجميل و الخدود و رفع الحواجب و تفخ البراطم ( تغير كامل ) يعني عشان اصير حديث الموسم لازم اسوي هالرتوش انا صراحه ابي الله يوفقني بزواجي و تعديلي لجسمي بالرجيم و الرياضه و اهتمامي فيه مو للناس لزوجي الله يخليني له قرة عين و يجعله قرة عيني و انا حلوه ما فيني اي عيب الا مناطق اغمج من مكان ثاني بشي بسيط و كم حبه بويهي و شوية وزن زايد بس ما احتاج اوسع عيوني لو كانت ضيجه أحاول اوسعها بالمكياج و لا انفخ خدودي و لا اتفخ براطمي و اللي موعاجبه كيفه اهم شي اعجب زوجي بشكلي الحقيقي مو المزيف ترا النفخ و الشد يبفش
شنو الفايده لمن اكون حديث الموسم و الله يشيل محبتي و زهوتي بذيج الليله من عين زوجي
بنات ترا التجميل حرام مو تناقشون و تقولون حلال الحلال التنظيفات التقشير الليزر تخسيس الوزن لعب رياضه لتكبير اماكن معينه و شد الصدر و ازالة الكرش
بالنسبه للإهتمام بالجسم
انا صراحه اهتم بنفسي بمراكز التجميل المتخصصه كريماتهم من سويسراو باريس مو شغلات ما ادري شنو خالطه وشنو حاطه انا ما ابي اتشوه و لا تطلع لي بلاوي لو قطعت الخلطه و أسعارهم لو بفكر فيها و احسبها صح نفس سعر الخلطه اللي تكفيج 3 مرات
يعني خلطه بسبعين و لا حتى بثلاثين ازيدها شوي و اسوي معاها بخار بهالمراكز المتعمده و تقشير و كل مايخطر على بال
يعني اخلط هرده و روب و احطهم على جسمي يعني ترطيب و لا احط ليمون على الركب و الكوع و هالسوالف المعروفه
انا شاريه منتجات لبشرتي للترطيب و العنايه الليليه و النهاريه من جيرلان بشرتي الكل يسالني عنها و الحمدلله لو ما احط كريم اساس على الاقل لونها حلو ما فيها شحوب و اخذ فيتامينات لأني اسوي رجيم و احط خلطات عنايه بالشعر بالصالون شغلهم ما ادري شنو يحطون و على فكره انا عمري ما صبغت شعري عاجبني لونه الطبيعي يعني نموه زين و ما فيه تساقط بس قاعده اعتني لأني ابي فيه حيويه و لمعان و نعومه
و احط زيت فازلين للشعر قبل لا اغسل شعري كل يوم انا اتسبح بس كل يومين اغسل شعري..
و استعمل كريمات من سالي هانسن للايد و الرجل
غير البرامج اللي مشتركه فيهم
عليج بالف عافيه ياللي تسوين نظام بالبيت بس نظامي يختلف عن نظام الخلطات اللي يبيعونهم التاجرات أنا ابي اشوف الفايده في عنايتي اللي بتدوم انشالله طول العمر مو يوم او شهر يعني لمن اوقف مده بسيطه ما يقلب لوني و لا تطلع ىثار جانبيه علي
و اتمنى لكل العرايس التوفيق
واذا تبين تكبيرين بعين زوجج راح تكبرين باخلاقج و تعاملج و كلامج الحلو مو بنفخة شفايف و الا برفعة حواجب
و اصلا الزواج يزيد من جمال البنت طبيعي مع الاستقرار النفسي و الراحه مو من تجميل ولا من اي شي ثاني و ما في احلى من الجمال الطبيعي مو المزيف
الجمال الطبيعي مثل الورده الطبيعيه يكون فيها رونق و الجمال الصناعي مثل الورده الصناعيه ناشفه و ما فيها رونق
و بالتوفيق
