الرحم مفتوح بس مافيني طلووق؟؟شسوي؟؟؟

عفيه بنات قولولي شسوي ؟اليوم كانت مراجعتي عند الدكتور وسوالي فحص وقال مفتوح الرحم 3 سانتي
بس البيبي مو نازل بالحوض وايد..
ومافيني طلوق..قالي الطلق اهوا اللي ينزل البيبي للحوض
فقالي اذا تبين ادخلج المستشفى وطلق صناعي بس يمكن ماينفع؟؟؟

انصحوني شسوي؟؟ اخر موعد لولادتي 31/1

الله يجزاها خير اللي ترد علي

حبيبتي الله يهون عليج

عليج بالمشي والدارسين والله يسهل

وبشرينا بولادتج اوكي

الله يسهل علييج وياااارب تسهل ولادتج وتجيبين طبيعي يااارب
بس حبيبتي نصيحتي صبري على نفسج يعني تاكدي ان وضع البيبي اوك يعني المشيمه زينه وتغذي البيبي والمااي حول البيبي كافي اذا قالج اي
خلاص صبري يلف البيي وينزل راسه فالحوض ونشالله ربي يسهل عليييج يارب
بس ادعي وكثري الدعاء وامشي
طمنينا عليج صج

نطري وصدقيني الولاده والطلوق من الله يعني الله اللي امر انه تحملين ورزقج وربي سبحانه راح يسهل علييج بس ادعي وامشي وصبري لا

تستعيلين على الطلق الصناعي ونشالله را

نفس حالتج الله يصبرنا

مشكوووره حبيبتي على الرد..

والله ما اقعد..كله امشي ما بقى مجمع تجاري ما دخلته!!بكل مناطق الكويت

لدرجة صار معاي عوار بظهري موطبيعي بسبة المشي..

البيبي راسه تحت بس مو داش بالحوض..؟

الله يريحج دنيا و اخره يارب مثل ما ريحتيني بردج..صج كل شي قضاء وقدر..وبامر الله..خلاص ماراح استعجل بالطلق الصناعي
بصبر ليما الله يفرجها
حبيبتي الـــــــــــــف شكر لج حبوبة والله يجزاج عني كل خير يارب

الله يفرجها علينا يارب ويسهل عليج يا كريم

ببدي اشرب من باجر دارسين..ووايد مدحولي عشبة كف مريم بس مادري متردده اخذها

شكلي بصبر هاليومين وبعدين اخذها

طمنينا عليج حبوبة

حبيبتي الله يهون عليج

حبيبتي انا سالت الدكتور عن راس البيبي اذا دش الحوض لانه دكتوره قالتلي اذا مو نازل الحوض لازم ينزل … قالي الدكتور اصلا وثت الولاده ينزل الراس الحوض يعني لاتخافين من هالشي وعلى فكره كف مريم شربتها مافادتني والدارسين نفس الشي يعني لاتخافين شربي وتوكلي على الله لانه ماسوالي شي بس مادري اذا من وحده لي وحده غير مادري بس عن تجربتي وشغله ثانيه انا شكثر مشيت بعد وللحين ناطره الفرج ترى كله بيد الله والسهالات من الله اموفقه وربي يسهل عليج وعلينا

نطري يمكن اييج طلق طبيعي هاليومين لا تستعيلين وتدخلين المستشفى

وشربي من السوالف اللي تحمي الطلق واكيد لا تنسين الدعاء

والله يهون عليج ان شاء الله

الله يهون عليج وتبشرينا بولادتج

عسى اللة يسهل عليج يارب

انا سامعه اللي تتبخر بحلتيته تولد بسرعه والله أعلم

والله يسهل عليج يارب

الله يكون بعونج ، شربي شاي (الدارسين أو كف مريم أو خروع) + الجماع بعد المشي ( المشي بروحه ما يسوي شي ) كل هذا يحمي الطلوق .

عادي الرحم يصير مفتوح بس مو حق ولاده يصير الرحم الين وارق وقت الولاده

واذا على البيبي مو نازل عادي ينزل عند وقت الطلق لاتحاتين حبيبتي

سوي مثل ماقالو لج البنات وانشالله تولدين بالسلامه