التهاب البول و الحمل

مبارك عليكم الشهر الحمدلله طلعت حامل و اليوم رحت للمستوصف وسويت تحاليل و طلع فيني التهاب بالبول؟ المهم رحت للصباح و خدوا عينة للزراعة انا خايفة وايد ما ادري شسوي في احد مجرب الحمال مع التهاب البول و شكرا

اولا مبروك الحمال
ثانيا انا عمري ماحملت الا كان صديقي في حمالي هالالتهاب عادي
راح يعطيج الدكتور حبوب اسمهاzinnat لمدة 5 ايام مرتين باليوم وخلاص تسوين التحليل مره ثانيه وانشالله ماكو
بس لازم اتعالجين ترى باول الحمل يسبب اجهاض وبآخر الحمل يسبب ولاده مبكره

هلا و الله مو كان دكتورج انا دكتور المسالك البوليه بالصباح عطاني cap amoxil و normancol

انا طبيب النسا نفسه اهو اللي يسويلي التحليل وكل شي

انا ضيعوا لي الزراعة البول ولا احد يدري؟؟

كل اللي خايفة منه اني ما بي احد يدخل ايده تحت ولا يادوني بالدوية

الله يتمم عليج والف مبروك
عادي لاتحاتين شوية ادويه ويروح

حبيبتي النورما كول حق الأمساك و الأموكسيل حق المعده والحموضه ماله شغل بالتها البول

شوفي طبيبج واهو بيعطيج انا صادني في الحمل وعطاني زينات ولا تحاتين بس اهم شي حاسبي لنفسج وشربي سوائل وايد وعليج بعصير الكرنبيري وايد زين حق التهابات البول شربي وايد منه

ومبرووك الحمال

الف مبروك الحمال عسى الله يتمم عليج

انا وايد حاشني التهاب البول وجم مرة يصير معاي حصوات

كثري الماي على قد ما تقدرين وانصحج بالبقدونس ترى والله عجيب

انا قالولي افوحه واشرب الماي بس صراحه تعيزت فكنت اكله عادي

ماشالله طيحلي الحصوات ووخر الحرقة اللي فيني وكل ما يحوشني التهاب اكثر بقدونس

وشربي ماي شعير اللي اهو البربيكان وجذي هم زين وقبل فترة قريت ان البابونج زين حق الاتهابات

ما تشوفين شر حياتي

عآدي حبيبتي انا صآر معاي جذي
وتعالجت الحمدالله لاتحاتين ياقلبي شوفي دكتورتج شنو تعطيج
والله يتمم علينا وعليج انشالله ^_^