الانناس يذيب الشحوم والدليل في الداخل

صبآحكم هنآ وسعآدهـ يآرب

..

بنات هذي اول مشاركه لي انا سجلت وبسرعه وبدون تردد منتداكم عجيب ورهيب والقسم لي جذبني حيييييييييييييل هذا القسم السمنه والنحافه وقريت مواضيعكم اغلبها تبع الرجيمات والمسابقه نجمه الرشاقه وحيل عجبني فيكم شي واحد ان كل واحده قاعده ترفع معنويات اختها وشادين الهمه انا وحيده معندي حد يرفع معنوياتي وبشهر سبعه عندي زواجين وانا اسوي رجيم من اسبوعين اخذته من النادي الي اروح له انا مناعندي مشكله من الاكل مشكلتي مع الرياضه اكرهها اروح لنادي بس انواع الطفش ماتحمل خمس دقايق على السير بس عندي لكم الانناس حبيت انصحكم فيه لجل تدعون لي لنه ينحف حيل ويذوووووووب الدهون وربي وربي بشكل رهيب حتى لو ماتسوين رجيم وتاكلينه تنحفين انا جربته انا الحين لي اسبوعين اسوي رجيم بالاسبوع الثاني تركت الانناس ماكلته ولاشربت عصيره ولاتنسووووون اهم شي انناس طازج مو معلب وربي مفعوله رهيب وبتحسين فيه وانتي بكرامه بالاخراج انه شحومك ذايبهوانا بصراحه جاي هنا ابيكم تساعدوني

طولي 165

وزني 113ونص قبل اسبوعين

واليوم وزني 109 ونص

يعني نزلت 4 كيلووووو بأسبوعين مع الاهمال بلاسبوع الثاني اكلت حلويات وكذا بس على خفيف حبه باليومم او حبتين

واذا تبون انزلكم لرجيم الي اسويه قولو لي وانزله لكم انشاالله اليوم العصر

وابيكم تساعدوني باي شي ينحف وتحفزون همتي وبعد اسبوعين انشاا الله بخبركم كم وصلت وزني انا كل سبوعين اقيس وزني واذا احد يسوي رجيم يخبرني لجل نتسابق انا وهي انا متحمسه حييييييييييل

انا اتمنى انزل30 كيلو اقل شييييي

انا اكثر شي يقهرني بجسمي العضدين مترهلاااااات حيل يفشلوووووون ماقدر البس كم قصير موليا اما بطني ماهمني عندهم ولله

ونا هنا خبرتكم بفايده الاننااس بأذابه الشحووووووم طبعا انناسه وحده باليوم كل يوم لمده اسبوع وقيسي وزنك اتحدى وحده تسوي رجيم ولاتنزل معه امي ماتسوي رجيم بس تحذف وجبه باليوم وتاكله وتسويه عصير وينحفها شرايكم؟؟! لاتطالعوني كذا جربو وردولي والي ماتسوي رجيم يسوي لها تثبيت وزنها اقل شي هذا اذا مانزلت فابيكم تساعدوني كيف اشد يديني عضديني من فوق وتقولون لي شنو ينزل الوزن غير الانناس بس بلييييييز لاتقولون لي اعشاب اكرهها كلها ما استسيغهااا

بليز ساعدوني الله يساعدكم

ادري طولت عليكم بس حبيت اقول الي عندي مره وحده والي عندها اي استفساارات عن رجيمي والرياضه تخبرني بشيك عالموضوع على طول

..
كونوو بــ خير

الله يسلمك ياعمري حلو يكون جاهز انا اكره تقطيعه صعب اخلي امي تقطعه لي واناا اعصره بعصاره خاصه بالفواكه عندنا لنه اذا اكلته كذا يشقق الشفايف الله يبارك فيك وعقبالك انتي يارب ومثل ماقلت الرجيم بنزله تحت شوفيه

..

كوني بـ خير

لله يحيك ويبقيك عزيزتي نور الله دربك اي والله يعطي نتيجه والا كان مانصحتكم فيه اي حبيبتي لاتاكلينه اكل يطلع دم من اللثه والاسنان ويعرو الحلق واللسان بس انتي احصريه لعى شكل عصير وخفيفيه بالمااء لأنه قوي على شكل عصير يفيد اكثر بس لاتروحين تشترين من المعلب الجاهز مليان سكر مايفيد اعصريه انتي والله فكره حلوه رجيم الفواكه اذا خلصت رجيمي هذا ببدى برجيم الفواكه الي تقولين عنه إن شااء الله لما اوصل الوزن الي ابيه العفو ولو كل من عندها مايفيد اخوتها ماتقصر علينا ولانقصر معها ان شاء الله وعلى فكره المفروض انزل اكثر من هالوزن لكن انا بالاسبوع الثامي كان اجازه وخربته شوي مو كثير بعد ان شاء الله كلنا يد واحد لتخفيف الشحوم والمظهر الجيد والصحه والعافيه بأذن الله

..

كوني بخير

الله يحييك و يبقيك حبيبتي تسلمين حبيبتي عالنصيحه مثل ماقلتي عن فكره صدى الاحزان الرهييييييييييييييبه وكلنا ندعليها وادعي لكم كلكم على ردودكم لي وتشجيعكم الله يرزقكم كل ماتتمنون

..

كوني بخير

يلا بنات بروح امشي شوي وبعدها انام اشوفكم على خير تعبت اليوم حيل صاحيه من بعد صلاه الفجر ورحت للنادي ورجعت 12 وتغديت انسدحت ارتخيت شوي وفتحت النت والعصر سويت شغل البيت ورجعت عالنت واانا لازم انام بدري عشان بعد الساعه سبع ما اكل شي وسوري ماكملت ردور وماكتبت رجيم لكن ان شاء الله الفجر لاصحيت اصلي بكتبه لكم

استودعكم الله

..

كونو بخير