اكلي وانحفي

السلام عليكم ….
خليجية
اليوم راح نتكلم عن رجيم دشتي ….

ادري ان الموضوع مو جديد …بس حبيت اشارك فيه بما اني اراجع عن الدكتور نفسه وصار لي شهر بالرجيم ..(وشفت نتايج حلوه حييييل فيه)

بالاول ابي اقولكم اني بالبدايه ما كنت مقتنعه بالرجيم ولا مصدقه اني اكل كل هالدهون وينزل وزني..وبما اني ماخليت رجيم ما جربته …خصوصا اكلات الدايت وقليله الدسم

والحين قاعده اكل العكس(كل شي كامل الدسم) … وقاعده انزل (شي غريب بس محد يصدق الا اللي يجرب)

حبيت اني اشارك عشان افيد خواتي بقسم الرجيم وخاصه (احب الرشاقه) لانها شجعتني اكتب هالموضوع.
))))))) اللي ما تعرف الرجيم او تقرا عنه بالنت راح تحس انه معقد ومراحل ولخبطه ))))

بس انا ببسطه لك …. بالاول احنا كلنا راح نجرب المرحله الاولى لحد ما نقرب من الوزن المثالي ….وبعدين راح نتكلم عن باقي المراحل..(كل شي بوقته)

هذا الرجيم
يعني يصلح للكل باستثناء (الحوامل والمرضعات ومرضى الكلى ..<<بسبب البروتينات اللي فيه.
الحين اقولكم شلون هذا الرجيم يحرق دهون الجسم ((يحرق الاماكن الاكثر تركز بالدهون مثل البطن والاجناب )))

اقولكم شلون تبدي القصة … بالاول احنا بهذا الرجيم ما ناكل الكربوهيدرا ت( النشويات -الحلويات -الالبان) الابنسبه قليله

جدا وهي اللي نتكون موجوده في بعض انواع الخضار اوكيه …

الحين الجسم يعتمد في مصادر الطاقه على الكربوهيدرات >>>> ولما يكون في نقص بهذه المواد يضطر الجسم انه يغير مصدر

الطاقه فيقوم يحرق الدهون والشحوم المتكوده بالجسم… ولما تنحرق هذي الدهون يفرز الجسم ماده كيميائية وهي الكيتونات

تخرج مع عزكم الله (البول والعرق والنفس)

من خلال قياسك لنسبه الكيتونات بجسمك راح تعرفين اذا انتي دخلتي مرحله الكيتون او لا

الجسم يحتاج في بدايه هذا الرجيم الى يومين الى ثلاث حتى يدخل مرحله الكيتون ويحرق الدهون

في اشرطه تشترينها من الصيدليه تقيس نسبه الكيتونات بالجسم
الاشرطه اللي عندي تقيس نسبه الكيتون بالبول وهي تتغير الى اللون البنفسجي الغامق اذا كان معدل الحرق عالي والى افتح وافتح كل ما قل معدل الحرق او خربطتي بالرجيم ( اهيا مو ضروريه بس تشجعك)

الحين نجي للرجيم ::
اهوا انك تاكلين من الاشياء المسموحه وتمتنعين عن الممنوعات

&&& الممنوعات && (الخبز -الرز-المعكرونه -البطاطا,كل انواع النشويات_ السكر-الحلويات العسل -التمر-الفواكه بانواعها-المكسرات-البقوليات(الفول-الفاصوليا-العدس..)
منتجات الالبان جميعها ما عدا الاجبان كاملة الدسم

&& المسموحات && البروتينات (جميع انواع اللحوم سواء مقلي مطبوخ مشوي+دجاج+سمك+نقانق (الجاهزه عادي )همبورجر+مرتديلا+تكه +كباب+ ستيك+مام + فري+بط+ضب

السلطات (خصوصا الورقيه+ اضافه 2-3 ملعقه زيت زيتون

الخضراوات الغير نشويه من كوب الي كوب ونص يوميا ( الطماط عادي-الباذنجان-البقدونس- البصل -…..)

البيض باشكاله (مقلي- مسلوق_اومليت

الاجبان كامله الدسم (كل الانواع …. فيتا -تشدر -شرايح -مثلثات-حلوم…..)

الاسماك ( كل الانواع _ تونا بالزيت-سردي-ربيان-جميع انواع الاسماك…)

الفطر- الفقع

من10-15 حبه زيتون (خصوصا في حاله الامساك تاكلينها عالريج مع ماي)

السوائل ( الدايت_الشاي الاخضر_القهوه بدون كافيين (اذا ما تقدرين ممكن واحد كوب كافيين باليوم)

+++++++++++++++++++++++++++++++++++++++++

(((((((((((((((اهم شي الالتزام على الاقل لمده يومين حتى يرتفع مستوي الكيتون بالجسم ويبدا الحرق

يعني اي لقمه سكر او نشا تدخل حلجك راح يخرب كل شي ولا راح تنزلين)))))))))))))))

الحين شنو تاكلين ( اكلي على راحتك حتى لو تروحين عزيمه او مطعم ماراح تحسين انك تسوين رجيم …بس لا تنسين الممنوعات )

مثال:

ريوق: بيض +خس+زيتون +طماط+ قهوه (بدون كافيين او واحد بكافيين باليوم)

غدا ( همبرجر بالخس الامريكي او كباب جاهز او سلطه سيزر بالدجاج بدون خبز)+دايت سفن

العشا ( تونه + سلطه) او كوسا محشي بلحم مفروم

وتقدرين تنويعين بالاكل مثل ما تحبين

اما بالنسبه لي انا نزلت 6 كيلو بشهر + 9 سم بقياس الخصر(خلال شهر

وانا للحين بالمرحله الاولى

نصيحه ((( لا توزنيين قبل مرور اسبووووووووع )))

اذا في أي سؤال انا حاضره




شكرا اختي بس بغيت اسالج شرايط الكيتون وين حصلتيهم وايد دورتهم ومالقيتهم



اقتباس:
في اشرطه تشترينها من الصيدليه تقيس نسبه الكيتونات بالجسم
الاشرطه اللي عندي تقيس نسبه الكيتون بالبول وهي تتغير الى اللون البنفسجي الغامق اذا كان معدل الحرق عالي والى افتح وافتح كل ما قل معدل الحرق او خربطتي بالرجيم ( اهيا مو ضروريه بس تشجعك)
خوش سؤال …

اي والله اذا رحت حق اي صيدلية شنو اقول ؟؟

اقولهم ابي شريط الكيتون

انزين اشلون صاير شكله وهل في شركة معينة اتبيعه ؟؟ وبجم ؟؟ واذا بالامكان اتحطين صورة حقه بالموضوع ؟؟

وانزين هذا الشريط للاستعمال مرة واحدة ولا ؟؟

انزين عادي ناخذ السكر قليل السعرات الحرارية بالريجيم ولا ؟؟

وشكرا جزيلا




وييييييييييييييه هذا ريجيم اتكنز مال دكتور حسين دشتي وثبت فشله وله اثار جانبية

مشكورة




اقتباس:
المشاركة الأصلية كتبت بواسطة moooon خليجية
وييييييييييييييه هذا ريجيم اتكنز مال دكتور حسين دشتي وثبت فشله وله اثار جانبية

مشكورة

7abebty hal rajeem naj7 o ana jrbta o ma feh ay 16arar il7amdallah o jsmay tsna3 o 9ar 7alw

o shkrn 9a7bt el mo’6o3 3la el m3lomat o el tashjeee3 خليجيةخليجية




يعطيج العافيه بجربه انشالله



ريجيم حده عجيب
يعطيج العافيه



يعطيج العافيه بجربه



شوقتيني ..

اذا جربته راح ادش واقولج النتيجه .. خليجية




أنا وزني ماينزل ثابت على 80 تنصحين أروح له



شكرا لكل من ردت على موضوعي

وبالنسبه للاخت mooon

من قالك ان هذا الرجيم فاشل هل انتي جربتيه بنفسك عشان تحكمين عليه وشنهي الأثار الجانبية يا ريت تنفعينا وتقوليلنا على هالتجارب والأثار السيئة…

اختي توته انا وزني ما تحرك الا على هالرجيم …

مو شرط تروحين له اقري موضوعي عدل وطبقيه لانه ما راح يعطيك نظام يقولك اكلي جذي ووجبات محدده لا انتي تختارين شنو تبين تاكلين

dream اي اذا رحتي صيدليه قولي ابي اشرطه قياس الكيتون بالبول




اختي ممكن تحطين صورة الكيتونات عشان نشتريهم



يعطيك العافية اختي سواري ان شاء الله بدور صورة لة وانزله ان شاء اللة



اقتباس:
dream اي اذا رحتي صيدليه قولي ابي اشرطه قياس الكيتون بالبول

يعطيج 1000 العافية ملهمة




يعطيج العافيه



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *