اقدر وزوجي مايدري صح

مرحبا شخباركم
بنات انا تعذبت من دكاتره الحريم عذبوني بهذلوني شويه الحين ابي دكتور وزوجي يقولي ماراح يولدج الا مرة اهو اصلا مايدري عني ولاعن معاناتي لانه مايهمه الارايه وبس لو ابجي دم وانا حامل ومابي اتعذب واشوف الموت مرتين انا تعبت الحين اقدر اولد عند دكتور وزوجي مايدري صح هو شعرفه ماراح يدخل معاي بنات الي ولدو فيدوني قبل لا اتوهق امانه




اختي بعدي عن المشاكل وسمعي كلام ريلج

ممكن يعرف انا اللي ولدتني الدكتوره بنفسها

طلعت من الولاده معاها ولد وباركت لابوه

وعطته اياه ودام في دكاتره حريم

دوري لج وحده يمدحونها لج وترتاحين لها




اشلون مايدري اكييييد راح يدري اذا بالخاااص و الله يكون بعونج و يهدييه لج و يسهل حملج



انا اليوم طلعت من المستشفى الفروانية ولدتي سستر وعادي ولادة مافية شي ..



شوفي انا ابجري من دكتوره لي دكتوره اخرتها رخت لدار الشفا ابي دكتوره فاضيه مالقيت قلت خنراجع بس فتح ملف عند مصطفي وولدتني مره اهي لشمي صج تحسفت قد شعر راسي الولاده زينه وكانت عاديه الخياط خررررررررررررررررررررررررطي عزج الله
واختي نفسنا كل تبي حريم علي بو مستحي واخر ولادة مالقت الا حسام بالشفا ولدها وليما الحين تدعيلخ ردها بنت بالخياط

وانا عقب ولدي رحت لحريم لاني ماحملت عقب بجري 5 سنين وكضه من عياده لي عياده من فوزيه لي نجيبه لي معصومه واخرتها رحت لمحمد دسوقي شايب شحليله عرف اشفيني من كشف واحد ويخاف ربه والسستر تسوي كل شي اهو مايطالع الا من داخل او السونار بسسسسسس
والحين بيولدني ريال وقلت لريالي انه محد غربلني الا الحريم واهو حس اني بولادتي ابجري مو مخيطه عدل فتفهم الوضع
انتي فهميه واقنعيه اذا كلش كلش شوفيلج وحده سنعه معانهم ينعدون عالاصابه وزحمه موت وحزة ولادتج ماتلقينها




روحي عند دكتوره شاطره ماتأذيج وله شي ؟
انتي وين رحتي اول ولادتين ؟



بنات مامن فيهم فهموني هو ماراح ينطرني بالولادة



اول مره الصباح



اختي مرة والا ريال والله الصحة والعافية من الله مو من الدكاترة خلي ايمانج بالله قوي وتوكلي على ربج



مستحييييييييييييييييييل يفهم اذا قلت له بيولدني بالصباح



اي بس الزوج شعرفة اني بويلدني رجال
هو بيقطني ويروح وبيجيني اذا قالوله ولدت



حبيبتى اصلااا مايجوز شرعاا مدام اكو حريم دكاتره شلون

تروحين لريال والله انا ولدت مرين عند دكتوره لينه بمواساءه

اتيييييين اشوويه وخياطه ولا اروع وان شاء الله نااويه اولد عندها للمره الثالثه

واذا تبين اسماء دكاتره حريم شطاار عندج واايد

دكتوره لينه مستشفى المواساءه
دكتوره شاديه عثمان عياده فرجيناا
دكتوره فوزيه القطان
دكتوره ليلى اشكنانى
دكتوره امل بمستشفى رويال حياه




اختي فالصباح مااااااراح يدش ريلج للولادة وبعدين اغلب اللي يولدون ممرضاات



اختي ان شالله احنا فاهمينج

حتى لو زوجج مايدري كل شي بالسر والتخشش

مايستمر وراح اتييبين حق عمرج المشاكل

سمعي كلام ريلج وادعي ربج يسهلج ان شالله




والله يابنات احترت اقدر اقول ان دكتوتي مايت ومالقيت الادكتور بس حرام اخاف بس شسوي كله علشان زوجي انا ابي اتسنع من تحت عشانه هو لانه اذا اختربت ووسعوني ماراح ياكلها الا انا



اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *