ازالة وسحب الحقن الدائم

السلام عليكم

شخباركم بنات خليجية

بنات انا قبل 6 سنوات سويت تفخ لخدودي بسيط الكمية ابرة وحدة وزعتها على خدين خليجيةخليجية

المهم ان الدكتورة قالت هاذي مادة دائمة وانا من الخبال اللي فيني حسبالي عادي…..

الحين المادة زي الكور الصغيرة بخدودي كورتين بخدي اليمين وكورتين بخدي الثاني ومتحجرين وايد

وانا خايفة منهم صج صغار ومو واضحين مرة خليجية بس خايفة و قعدت افكر اشيلهم ولما دخلت النت وبحثت بقوقل عن تجارب اللي حاولو

يذيبونها ويسحبونها خخخخففففففت واااااايد تجارب تخوف …..

بنات معقولة مافي حل معقولة هالمادة تبقى بخدي الى الأبد والمشكلة خدودي مو كبر بعض واحد

صغير واحد كبير شوي …..

بخاطري اعالج بشرتي احقن هالدهون الذاتية بس خايفة منهم يقولون مايصير تسوون شي وهم فيج…

وهم بعد خايفة اذا تركتهم يتحركون من مكانهم !

حسبي الله ونعم الوكيل على اللي يستغلون هالناس ..

بنات اللي عندها تجربة اللي قدرت تسحبها او تزيلها بعملية تخبرنا تجربتها……

اللي حاقنة ومتوهقة تجي تآزرني خليجية

رفع
هلا حبيبتي شنو الماده
عاطف علام بو حمره روحي له انسب شي وفي موضوع منزلينه تابعيه
اب اب اب
الله يعينج
أنا نفسح والله وصارلي تقريبا ٤ سنين رحت للدكتور وقالت له طلعت فيني كور سنو هذا قال عادي متخفيش وتخيلوا غزني ابر مره ثانيه قال اعمليلها مساج وهي تتوزع سويت واختفت لان اساسا تفخ خدودي وخففت الكور بس فشوا طلعت من جديد رحت له وقال راح تروح ها لحجي صار له سنتين وللحين ما راحت
وش صار عليكم يا بنات …؟؟؟؟
سحب بابر يعور و مايسحب عدل
بعمليه يدخلون انبوب. و يسحبون كل الماده
روز
انتي مجربتها يا قلبي .. وشلون النتيجة ..؟؟؟؟

2 فكرتين بشأن “ازالة وسحب الحقن الدائم”

  1. ياهلا يابنات انا حاقنه لي 7 سنين عند د عبد الاله بصاص وقالي مودايمه بس انها تقعد ااااطول من المؤقت اااااحسن لك تقعد 5 سنين وتذوب فحقنت وبعد اسبوع زادني لان الولى مابينت كثير وياليته حطها في اعلى الخدين لا حطها عالجنبيت يقول عشان وجهك طويل وااااابي اعرضه اااااااااه
    التهب خدي اليمين وتورم ورجعتله واطاني مضاد بالوريد لمدة اسبوع الى ان خف الالتهاب وياليتني شلتها من وقتها بس لا جلست كل مره اروح له ابي ااااشيلها يقولي لا باصغرها بماده ذايبه بتصغر بس اصبري عليها اسبوعين عشان تبان النتيجه
    بس جا يوم ورحتله قلت مابيها شيله موقلت تقدر تشيله باي وقت ابيه خلاص شيلها ماناسبتني
    حاول يشيل خد طلع شي من الماده ومافكر يشيل الخد الثاني والتهب هالخد الي شال منه الماده لاني حركت الماده والله لايوريكم اروح له يحاول يسحب الصديد من وجهي وانا اتاالم وأصيح قام وصارخ علي وعصب اني ماخليته يشتغل زين واقوله وجهي يعورني يقولي كذابه آآآآآه حسبي الله عليه اضطريت انطم عشان يكملي ودموعي بس تصب صب من الالم ومن القهر من أسلوبه الى ان ركب لي انبوب يطلع منه الصديد وارجع له اسبوع كامل والصديد ينزل من وجهي الى ان هداا الالتهاب
    ويوم شفت الوضع كذا تميت سنه واروح له ابيه يشيلي الخد الثاني حاول ماطلع شي طبعا محاوله اي كلام خايف يصير له معي زي أول قالي مافيه شي الخد بس تليف بكل بساطه تقولي كذا
    المشكله يوم حاولت اروح خلال هذيك الفتره عند دكاتره غيره يساعدوني في ازالتها الجميع يرفض ويقولون ارجعي له هو الي حقنها هو يشيلها
    الى أن قرات في منتدى اخت شالتها نفس الماده عند دكتور اسمه وائل رحت له وافق يشيلها بس ماوعدني انها تطلع كلها لان المده طويله وفيه تليف فعلا واختلطت الماده بالانسجه وموعدي بعد اسبوعين وخايفه مررره من الاثار الجانبية للعمليه وهل يتورم الوجه قصدي عشان الدوام
    الي جربوها يشرحوا بتفصيل اكثر كم جلسه؟ وكم بين كل جلسه وجلسه؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.