اخر رجيم عطانياه طالب الشمري ،، تنزلون فيه مو اقل من 3 كيلو

بنات طالب الشمري معطيني رجيم وانا لي الحين اقل من شهرين والدة
بس من بديته صارلي 4 ايام والله لا يواريكم عوار الراس اللي فيني والله ما تفيد معاي المسكنات
انا ما ادري اذا من الرجيم هالصداع ولا لا
بس بدا مع الرجيم

سؤالي
الرجيم اذا كان قوي ممكن يسبب صداع ؟
وهل هالرجيم كيميائي ولا لأ ؟؟ لاني ما اعرف الكيميائي شلون يكون ؟؟؟
صج قاعد ينزل وزني بس ابيكم تقولون هل بسببه الصداع ؟؟

قبل الريوق لازم اشرب نص لتر ماي

الريوق
قفشتين نسكافيه مع قفشتين كوفي ميت او حليب

بعد مو اقل من ساعة من الريوق
ايي الغدا
يا اكل 3 همبورغر مشوي مع خس وخيار وطماط
او 3 توست اسمر مع جبن خالي الدسم وخس وخيار وطماط

المغرب
حليب وشاي
او نسكافيه

العشا
يا نفس الغدا ،، او قهوة وقطعة صغيرة ككاو

سألت الدكتور اذا يعت شنو اكل بين الوجبات ؟؟؟
قالي قهوة تروبيكانا او قهوة تركية وبس

ومدة الرجيم اسبوعين على اني انزل 3 كيلو

رجيمي هذا كيميائي ؟؟؟

انا اللي مستغربة منه اني توني والدة وعطاني هالرجيم كله قهوة بدون لا يطلب مني تحاليل دم تبين نسبة الدم والكلسترول مع انه يدري ان فيني فقر دم !!

رجيماته تموت من اليوع

يموت على النسكافيه

شدعوة ليش ماكو ريوق

أنا ماحب رجيماته وعلى هاليوع 3 كيلو

المفروض أكثر والله يعينج

لا حبيبتي ما توقع انه رجيم كيميائي لانه الكميائي يعتمد على نوع واحد لو صنف واحد مثل اكلي بس موز اذا فيج فقر دم كثري من السلطة

على الغدااا و قللي من القهوة شربي حليب من الصبح بدون نسكافيه و شربي جااي اخضر العصر و كنسلي القهوة لانها قوية

ويتروالي الصداع لانه جسمج مو متعود على الرجيمالاسبوع الثاني يصير اسهل الوضع استمري و جوفي شيصير عليج موفقة

اي تعالي خل اقولج لي رحتيلة مرة ثانية قوليله انا ابي ريوق سنع قوليله انا والدة محتاجة اكل عدل خصوصن اذا للحينج ترضعيين

و قوليله انه فيج فقر دم لا تستكتين اهمه الدكاترة ما ينعطون ويه الصراحة يكتبون هل الورقة ولا يالله في ناس يقعدولهم على الوحدة

mn.mn
اي والله يموت على النسكافيه ،، سكتي على كثر حبي للقهوة من اسوي رجيمه اكره شي اسمه قهوة

واي يالرجيم جهاد

Eng_7asasa
مشكورة على التوضيح
بس ما اقدر اشيل القهوة قلت له مابيها الصبح على الريج قالي ضروريييييي ،، ويدري ان فيني فقر دم بس ما ادري ليش ما يطلب تحاليل !!

صراحة كللش ما عندي فكرة عن الريجيمات ………..بس ريجيمة
يتعبببببب شنو تاكلين ماكو شي؟؟؟؟؟
الله وياج……….نصيحة بعد الولادة ضعفي بالتدريج …..يعني بروحها المرة توها والدة ومفججة وهم ما تتغذي؟؟؟؟

كلللللللش مو شي……..بالتوفيق

موزين فيج فقر دم ومعطيج وايدقهوه

اللة يعينج صراااحة موحلو رجيمة,,,,تبين راااي انت سوي رجيمج برووحج علشااان ماااتتعبين ,,وانصحج برجيم النقاااط تلقينة هني بالمنتدي ,,,,,صراااحة روعة

عجبني الريجيم

والنسكافيه يقث مايخليج تشتهين تاكلين

أنا رجيمة يبط جبدي هذا الرجيم مايغيره سواء كبار ولا صغار نفس الرجيم وكله قهوة ونسكافيه ،،والحمدلله والشكر في دكتور يعطي رجيم من غير تحليل دم ،،نصيحتي لج حبوبة روحي حق عبدالعزيز الفرحان والله العظيم يهبل

نصيحه لج انتي توج والده مو زين الرجيم لج الحين صبري على الاقل لما يصيير لج ستة اشهر ..وبعدين انشاء الله لاحقه عالرجيم ..واذا انتي مصممه عالرجيم تريقي وتغدي وتعشي عادي بس لاتخربطين وامشي نص ساعه ..

مـــو كيميائي

الكيميائي مافيه توست ولا خبز والوجبه الوحده تكون صنف واحد مثلا الغدا نوع واحد من الفاكهه وهكذا

وصراحه اول مره اشوف رجيم طبي بهطريقه العاده رجيم الدكاتره الفطور يكون مليان لازم يكون فيه حليب وفاكهه وتوست

هذا اصلن مافيه فطووور ..!!

الله يعينج اختي

لج كم يوم باديه ؟؟ وكم نزلتي عليه لحد الحين ؟؟

صراحه اكله قليل جدا

بالتوفيق اختي ..

الله يعينج وماتشوفين شر

اذا موعاجبج ردي عليه وقوليله ماابي هالريجيم وانا توني ولاده وفي فقر دم اهم شي صحتج حطي بالج اختي

وموفقه يارب

هلا وغلا فيكم

والله بديت فيه من الاربعا يعني 4 ايام ونزلت كيلو ونص
واللي متعبني الحين ان من الصبح تكرمون انزلت علي الدورة

عاد تصدقون اكثر من دكتور لما اقول له رجيمي يقولي اكله مو صحي ابد
بس نبي نضعف شنسوي ؟؟

كل هاليوع وكيلو ونص!!
اهوا مو كيميائي بس واااااااااايد قاسي لي رحتيله المره اليايه قوليله يعطيج ريوق لأنه االعاده مايعطي ريوق

وبنسبه للصداع اتوقع لانج مو متعوده على الكميه القليله من الاكل