أفضل دكتور متخصص في جراحة الوجه والفكين فالسعوديه جده {بسوي تحديد للوجه}

سبحان الله وبحده.. سبحان الله العظيم..

السلام عليكم ورحمة الله وبركاته

الموضوع يابنات باختصار.. أبيكم تعطوني أسماء أفضل دكتور متخصص في جراحة الوجه والفكين.. {بجده}

السبب:
لأني بصراحه.. أبي أسوي عملية تجميل ألذقن أو على قولتكم الحنج.. {حشوه تقدم ألذقن قدام.. وتعرضه من جوانب الوجه}
ومابي أروح لدكتور تجميل عادي.. لأني أبي دكتور متخصص بالفك..

بليز ردوو.. العمليه هاذي مهمه بالنسبه لي.. بس إنشاء الله الاقي دكتور يسويها بالسعوديه.. يارب الاقي.. مادري ليش ما قد سمعت أحد سواها عندنا! مع أنها مهمه كثير وتغير شكل الوجه مره وتخليه يجنن والكل يسءل عنها..

المهم أنا بشوف أفضل دكتور.. واروح أوريه هالمقطع الفديو.. وأشوف إذا يسويها ولا لاء..
YouTube – JAW AUGMENTATION BEFORE AND AFTER PICTURES – IMPLANTE DE MAND
وصدقوني إذا شفتكم معاي و سويتها.. بقولكم وش يصير معي أول بأول..

ودي احط صور.. بس أنا داخله من جوال ومو راضي.. بس بدخل بعدين واحط صور لناس قبل وبعد.. وصور للحشوات..

طبعن فيه ناس يكسرون الفك السفلي كله.. ويقدمونه قدام.. بس هالعمليه تخدير كامل وأخطر وفترة الشفاء أطول ولا تقدرين تآكلين إلا سواءل.. وحالتها حاله

أنا بريح نفسي واحط حشوة.. يفتحون فتحه من الأذن اليمين للإذن اليسار ويحطون حشوه سليكون.. مو زي إلي بالصدر لا لا تكون أقسى.. وبمقاسات مختلفه عشان تناسب الوجه.. و بتخدير موضوعي واقدر اطلع بنفس اليوم..

أممم فيه ناس يقولون تسبب صداع بعد كم سنه.. وممكن تطيحين عليها وتتحرك وكلام يمين ويسار.. بس أنا أقول لو هالشيء صحيح عادي الصداع شيء طبيعي وان شاء الله يروح والطيحه والوساويس إلي مالها داعي.. مالها داعي.. والي يبي ألدح مايقول أح هههه

آه بس ياحلات حدود وجه هيفاء وسرين عبد النور و ميرندا كير بس.. صدق هالعمليه تحلي الوحده.. إلي تعرف أحد سواها تقولنا شلون طلعت و وين وبكم

نرجع لموضوعي.. المهم الحين تقولولي أشطر دكتور متخصص في جراحة الوجه والفكين.. {بجده} عشان أرووح واسءل وأشووف بكم و و و

يلا بنااااات.. الله الله بالردوووووووووود فديتكم..




الدكتور احمد يماني

يشتغل بعيادات سمايا للاسنان

واستشاري وعضو هيئة تدريس بجامعة الملك عبدالعزيز




أوكي {احمد يماني} بس استشاري أيش؟



استشاري جراحة وجه وفكين



إذا تبينها لغرض تجميلي فقط

روحي لدكتور تجميل مو لدكتور جراحة وجه وفكين

بعدين انتي تبينها سيلكون >> يعني دكتور جراحة الوجه والفكين ماله أي وظيفه فيها

لو عملية كسر فكين >> أقولج روحي لدكتور جراحة وجه وفكين

بس إذا سيلكون روحي لدكتور تجميل

أحسن لج وأضمن لج




واللي تبينه انتي تعريض للفكين

والعمليه تنعمل بنج كامل .. مستحييييل بنج موضعي

وهذا تكنيكها

YouTube – Jaw Implant Surgery – Mandible Implants




وهذا دكتور يشرحها

YouTube – Dr. Oscar Ramirez's Mandibular Matrix




يااااااربي Esraa.a أنااا احتررررررررررت… :'(

وش أسوي الحين ؟! خليجية

طيب بنااات أحد يعرف أحد سوا هالعمليه؟!! سواءن بالسعويه أو الكويت؟! سواءن دكتور تجميل أو تخصص وجه وفكين!!!

بليز بنات ردوووو.. لازم أعرف دكتور قد سواها والله لازم..




عادي أي دكتور تجميل يسويها .. رحي استشيري أي دكتور تجميل .. وخليه يشوف الفيديو راح يعرف العمليه

تكنيكها سهل ما يبيله شي >> بس أهم شي نوع السيلكون يكون جيد وحجمه يكون مناسب لويهج

وفيه مواقع أمريكيه طبيه .. تقدرين تطلبين السيلكون منهم و يوصلونه لج

شوفي هذا الموقع فيه اكبر اطباء التجميل في العالم و خصوصا في نيويورك و بيفرلي هيلز بالتحديد يجاوبون عن اي سؤال يخص الذقن او تعريض الفكين

http://www.realself.com/about/team

و معروف عن هذا الموقع اذا طرحتي سؤال اكثر من 10 اطباء محترفيين بالتصنيف الامريكي يجاوبون لكم عن اسئلتكم .. يعني مو اي احد

كلمي العضوه MISS_LIZLIZ اللي كانت منزله موضوع اسمه عملية تجميل تحدد ملامح و حدود الوجه للاجمل ساعدوني في معرفة اسمها

عالخاص .. وان شاء الله تساعدج .. هي معطتني اسم الموقع

هي سعوديه وكانت ناويه تسويها بالسعوديه >> أكيد تعرف دكاتره تجميل هناك

بس حاليا شالت الفكره من بالها نهاااااااااااااااائيا .. مع إنها كات مصره عليها >> وحذفت الموضوع بكبره

لما سألتها جاوبتني :

والله كنت سئلتهم ( قصدها الموقع) عن هذا الشي بالتحديد .. و قالوا لي .. المسئلة مو سهله و كانوا اغلبهم ضدها

و ان اضطروا يسونها يفضلون انهم يسونها عن طريق السيلكون عشان متى المريض ما حس انه مو مرتاح يوقف عنها

ومابي أشيل وزر البنات بصراحه

أستغفر الله العظيم الذي لا إله إلا هو الحي القيوم وأتوب إليه
عدد ما كان وعدد ما يكون وعدد الحركات والسكون




بس ممكن أعرف انتي ليش مصره عليها لهالدرجه ؟؟؟؟؟؟؟؟؟



فكرت فيها.. بس ماقدر أخاااف.. حتى لوكان دكتور تجميل معروف انه شاطر.. أنا أبيه يكون قد سواها.. هذا إلي الحين أسءل عنه..
وبالنسبه ل MISS_LIZLIZ اللي كانت منزله موضوع اسمه عملية تجميل تحدد ملامح و حدود الوجه للاجمل ساعدوني في معرفة اسمها.
كنت متابعه موضوعها قبل لا يتصكر.. وسألتها وأرسلتلي أسماء الدكاترا إلي راحتلهم.. وقالتلي أنها خلاص شالت الفكره من بالها..

بس أنا لاااا.. اسراء ماقدر لازم أسويهاااا.. السبب شكلي طبعن.. أحس الدقن ناعم بزياذه وضعيف راجع لورى.. معطيني شكل أكبر من عمري بكثييييييييييير.. وهذا معروف طبعن.. ماتتخيلين من كم سنه وأنا أنام وأقوم وأنا أحلم اني أسويها.. والله أنها صارت عقدة حياتي.. الله يسهلها معاي وأسويها يارب بس

عشان كذا أنا متحمسه للموضوع ومتعبني مررره.. بس ماقدر زي ماقلتيلي أروح لدكتور وأوريه الفديو وأخليه يجرب فيني.. مع اني فبداية الموضوع كان هذا تخطيطي.. بس لمن فكرت فيها قلت صعبه اغاامر بنفسي كذا.. بشيء مو ضامنه نتيجته..

فلازم أروح عند واحد قد سوا هالعمليه من قبل.. وقلت خلاص مو مشكله حتى لو كان الدكتور بالكويت..

وأنتي ياحليك بس.. ماشاء الله عليك.. شفت ردودك بموضوعين زي موضوعي.. وغير ردودك فموضوع تجمع إلي مسوين للفكين.. ههه ماشاء الله صارت عندك خبره… يعطيك العافيه والله يجازيك على كل مساعداتك إلي تساعدينهم فيها يارب 3>

عاد أنا لا تنسيني.. ماوصيك.. لو عرفتي أحد قد سواها.. طيرااااااان على الخاص مسج تقولولي.. « مصلحه ههه

لا جد والله بنااااااات تكفون أي أحد يعرف دكتور قد سواها يقولي بليز..
ترا أنا كل شوي أدخل عالمنتدى وآشيك.. لا تكسرون بخاطري « بحزنكم علي خليجية ههه




انتي عندج تراجع في الذقن ؟؟ نفس حالتي يعني

انا بسويها مع جراحة الفك كامله … بس بسويها من العظم نفسه مو بالسيلكون .. علشان يبين شكله طبيعي أكثر

وشايفه دكاتره مسوينها ( بالعظم)

إذا تبين بالسيكون >> بالكويت يسونها عند د.خالد الصبيح – و د.عماد النجاده

وأذكر وحده من البنات كانت كاتبه أنها سوتها عند د.خالد الصبيح والنتيجه عاجبتها

انا قاعد أتكلم عن الذقن فقط .. مو عن تعريض الفك كامل

بصراحه أنا مو شايفه تعريض الفك كامل .. بس شايفه الذقن

إذا رحتي حق أي دكتور تجميل سأليه يمكن مسوي من قبل وقوليله خل يراويج صور علشان تطمنين

خصوصا عندنا بالكويت دكاتره التجميل عليهم ضغط موووو طبيعي .. والعمليات يسوونها بشكل يومي

فلا تستبعدين يمكن عملية تعريض الفك كانت من ضمن هالعمليات اللي سووها

والدكتورين اللي ذكرتهم فوق جدااااا ممتازين >> إذا رحتيلهم اعرفي انج بين أيدي محترفه

بس شووي غالين .. د.خالد يسوي الذقن تقريبا ب 700 دينار فما بالج الفك كله

و أذكر مره كنت بحجز موعد عند د.عماد .. ما حصلت إلا بعد 3 أسابيع من الزحمه ما شاء الله

وعلى فكره العمليه ما تطول .. بنفس اليوم تطلعين من المستشفى

انتي صلي استخاره والله يكتب لج اللي فيه الخير … على الأقل روحي عند الدكاتره اللي قالت لج عنهم miss_lizliz مجرد استشاره .. مو ضروري تسوين العمليه عندهم

يمكن تكونين بس محتاجه ذقن مو محتاجه الفك كامل




انا نفسج خاطري بهالعملية اليوم قبل باجر لانها تحلي وتعطي جمال

بدل نفخ الخدود الي كل كم شهر نروح ننفخ ويعمل ترهل للوجه

بس ها تعريض واحلى من الخدود ويعطي جمال للوجه

انا محتاجه بس ع الجوانب اعرض لانه فكي بارز بس الجوانب محتاج تعريض

يعني ابي احط ع الجوانب فقط للتعريض مو قطعه كامله اعتقد بتكون اسهل لو جوانب فقط

وابي بعد تكبير الذقن نفس ميساء مغربي يكون من فوق ويعطي جمال يعني اما هذي او الفك او الاثنين

بشوف شو الي يحتاج لوجهي وتقاسيمه على كلام الدكتور وياخذ مقاساتي والي احتاجه بعمله

بس ماعرف دكاتره تجميل شطار بالامارات او دبي

الي تعرف تقولي وبدعيلها خاصه لهالعملية ودي اسويها بس لازم واحد محترف وعالمي ودارس بفرنسا

ويكون عنده خبره لها وانا بعملها مهما كانت نتايجها بتوكل على الله وبصلي استخاره

وان ماعجبني او اذتني بشيلها لو حسيت انها سببت لي الام وماراحت

هيفاء وهبي وانجلينا جولي عاملينها ومرتاحات لا اشوفهم تعبوا ولا شيء الواحد يتفائل

ولو عملتيها قوليلنا التفاصيل والي تعرف بالامارات حد شاطر وعالمي تقولي

كنت افكر ب نادر صعب بس ماعرف هو يعمل هالعملية ولا

وحبيت ارفع الموضوع

وننتظر تجارب البنات




انتو متأكدين ان هيفاء وهبي سوت هذي العملية
لأني دورت في جوجل ولقيت صورها قبل وبعد احس نفس شكل وجهها
اب اب لعنونكم



انا نفسي اعمله… ومشكلتي نفس مشكلتك…وحاولت ابحث بس مافي فايده

التركيبه فيه منه مؤقت وفي منه دائم ..تقريبا له ثلاث اشكال ع الذقن وجوانب الوجه

بس يقولون انها تتحرك ..وهذا اكثر شي مأثر فينيخليجية




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *