|
|
موضوع في غاية الأهمية ياأبلا التربية الموسيقيه..الى متى اهمالنا من قبل التوجيه والوزاره؟ هل يعقل مادة التربية الموسيقيه هي الماده الوحيده التي ليس لها وظائف اشرافيه(رئاسة قسم) في المرحله المتوسطه ولا الابتدائيه؟!؟!؟ إلا المرحله الثانويه فقط!! مادة الفنيه فيها والدراسات فيها بس احنا؟!! تدرون انه رئيس القسم في لزياده الجديده انشالله عليها 170 دينار راح يحرمونه منها وكل التخصصات عندها رئاسة القسم اتمنى انه انوصل صوتنا لوزير التربيه احمد المليفي لأنه شخص يسمع وصاحب قرار واتمنى ان نعمل ورقه ونكتب فيه هذا الظلم ونعطيه حق بو انس وصدقوني راح اتصير لنا كلمه لي متى امسكرين افواهنا وقاعدين ناخذ حصص احتياط ومالنا كلمه لي متى نبي طموحنا اعلى بلييز خل انساعد بعض
؟!!
رفع رفع
اي والله صاجه انا كنت متوسط ورحت ثانوي عشان هالشغله والحمدالله طلعت رئيسة قسم ومن ناحية الظلم اي والله ليش مافي يعني اللي بالمتوسط والابتداىي ينطروون لما تييهم الوكاله حرام والله
بليييز اصحوو ياأبلات رئاسة القسم عليها 170 دينار في الكادر اليديد وغير الوضع يتغير يعني الأبله اليديه غير الأبله الي صارلها 3 او 4 سنوات لازم نترشح وتمسكين قسم ويخففون الحصص عليج وماتمسكين احتياط !؟!!!!! فيها مزايا ليش جميع الأقسام مثل الفنيه والدراسات والبدنيه لها رئاسة قسم لييش احنا طوفه هبيطه ولا معلمات مركونين بالرف!!!!!! لازم نتكلم مايصير عندنا شقلتين لازم انسويهم نكتب اورقه ابأسامينا وتواقيعنا وانوديها حق مكتب الوزير وانوضحله بوأنس شخص يسمع ويصدر قرارات ماراح يرضى بالظلم وبوأنس يدش لتويتر كل يوم جمعه من الساعه 10.30 الى الساعه 11.30 دشو كلمو انا لازم كلنا انبيله وانوضحله اهو اشدراه وهذا اسمه بلتويتر almelaifi@ ضيفوه عندكم وخل انكلمه وانا حاولت اكلمه بس وايد ناس قاعد اتكلمه فلازم كلنا احنا انكلمه علشان يعرف انه في معلمات تربيه موسيقيه مظلووميييين من ناحية الوظائف الاشرافيه للمرحله الابتدائيه والمتوسطه !!!!!